Reuters اگەنتتىگىنىڭ حابارلاۋىنشا، سوعىستار مەن گۋمانيتارلىق كومەكتىڭ ازايۋى سالدارىنان 2028 جىلعا قاراي 4 ميلليوننان استام ادام بوسقىنعا اينالۋى مۇمكىن!

گۋمانيتارلىق باعدارلامالاردى قارجىلاندىرۋدىڭ قىسقارۋىنان 2027 جىلدىڭ سوڭىنا قاراي دۇنيەجۇزى بويىنشا 4 ميلليوننان استام ادام ۇيلەرىن تاستاپ كەتۋگە ءماجبۇر بولۋى مۇمكىن. بۇل تۋرالى دانيانىڭ بوسقىندار ءىسى جونىندەگى كەڭەسىنىڭ باس حاتشىسى شارلوتتا سلەنتە ايتتى.

حالىقارالىق قىزىل كرەست كوميتەتىنىڭ مالىمەتىنشە، قازىردىڭ وزىندە الەمدە 117 ميلليونعا جۋىق ءماجبۇرلى قونىس اۋدارۋشىلار بار.

سونىمەن قاتار، قاقتىعىستار سانى شامامەن 130-عا جەتكەن، بۇل XXI عاسىردىڭ باسىنداعى كورسەتكىشتەردەن ەكى ەسە كوپ.

قونىس اۋدارۋشىلار سانىنىڭ ەڭ كوپ ءوسىمى سوعىس 4-ءشى جىل قاتارىنان جالعاسىپ جاتقان سۋداندا كۇتىلۋدە. تەك وسى كەزەڭنىڭ وزىندە 13,5 ميلليون ادام باسپاناسىن تاستاپ كەتكەن، ال الداعى 2 جىلدا تاعى 670 مىڭعا جۋىق ادام بوسقىنعا اينالۋى مۇمكىن.

سونداي-اق، قاراجات تاپشىلىعىنا بايلانىستى بۇۇ اگەنتتىكتەرى كورشىلەس چادتاعى بوسقىندارعا سۋ مەن ازىق-تۇلىك جەتكىزۋدى قىسقارتۋعا ءماجبۇر بولۋى مۇمكىن ەكەنى اتاپ ءوتىلدى.

Abai.kz