ەۋرووداقتىڭ كەزەكتى توراعا ەلى كيپر سارسەنبىدە (22 ءساۋىر) ەو ەلشىلەرى ۋكرايناعا 90 ميلليارد ەۋرو نەسيە بەرۋدى ماقۇلداعانىن راستادى; رەسمي پروتسەسس بەيسەنبىدە ياعني بۇگىن اياقتالادى.

يرلانديانىڭ سىرتقى ىستەر ءمينيسترى حەلەن ماكەنتي بۇعان دەيىن ۆەنگريادا جاڭا پرەمەر-مينيستر سايلانعاننان كەيىن ۋكرايناعا بەرىلەتىن 90 ميلليارد ەۋرو نەسيەگە قويعان ۆەتوسىن قايتارىپ العانىن جازعان ەدى.

ول X (بۇرىنعى Twitter) پاراقشاسىندا: «مەن ۆەنگريانىڭ 90 ميلليارد ەۋرو نەسيەگە قويعان بۇعاتىن الىپ تاستايتىنىن، سونداي-اق ۆەنگريا مەن سلوۆاكيانىڭ سانكتسيالاردىڭ 20-شى كەزەڭىنە قارسىلىعىن توقتاتقانىن دا بارىنشا قۇپتايمىن»، - دەپ اعىنان جارىلدى.

ول: «بۇل وڭ جانە سىندارلى قادام، ءبىزدىڭ وسى ماڭىزدى ساتتە بىرلىككە، تۇراقتىلىققا جانە شەشۋشى ارەكەتكە دەگەن ورتاق مىندەتتەمەمىزدى كورسەتەدى» دەدى. كيپر وكىلى ارتىنان: ۇسىنىستىڭ جازباشا پروتسەسس ارقىلى سوڭعى شەشىم قابىلداۋ ءۇشىن ەۋروپالىق كەڭەسكە ۇسىنىلاتىنىن ايتتى. بۇل جازباشا پروتسەسس 23-ءى كۇنى تۇستەن كەيىن، كيپردەگى ەو كوشباسشىلارىنىڭ كەزدەسۋىمەن تۇسپا-تۇس كەلەدى دەپ كۇتىلۋدە.

ەو ءۇشىن ەرەكشە سەرپىلىستىڭ وزەگى ۆەنگرياداعى سايلاۋدان كەيىنگى وزگەرىستەردە جاتىر.

سلوۆاكيا پرەمەر-ءمينيسترى روبەرت فيتسو بۇعان دەيىن «درۋجبا» مۇناي قۇبىرى «شىن مانىندە قايتا ىسكە قوسىلعانعا دەيىن» سانكتسيالاردى توقتاتا تۇرۋدى قالايتىنىن مالىمدەگەن بولاتىن. قازىرگى وقيعالار فيتسونىڭ قۇبىردىڭ قايتا ىسكە قوسىلۋىنا قاناعاتتاناتىنىن كورسەتەدى.

«دوستىق» قۇبىرى الەمدەگى ەڭ ۇزىن مۇناي قۇبىرلارىنىڭ ءبىرى بولىپ تابىلادى، ول رەسەيدىڭ شيكى مۇنايىن ورتالىق جانە شىعىس ەۋروپاعا تاسىمالدايدى. تەڭىزگە شىعا المايتىن ۆەنگريا مەن سلوۆاكيا ءۇشىن بۇل قۇبىر ەنەرگيا قاۋىپسىزدىگى ءۇشىن وتە ماڭىزدى.

بۇعان دەيىن قۇبىردىڭ ۋكراينا بولىگىندە تۋىنداعان ىركىلىستەر ۆيكتور وربان مەن دجۋزەپپە فەكونىڭ بىرلەسكەن نارازىلىعىنا اكەپ سوقتى. ۆەنگريا ۋكرايناعا نەسيە بەرۋدەن باس تارتتى، ال سلوۆاكيا رەسەيگە قارسى سانكتسيالاردىڭ 20-شى كەزەڭىن بۇعاتتادى.

ۆەنگريانىڭ مۇناي الىبى MOL كومپانياسىنىڭ مالىمەتىنە سايكەس، ۋكرايندىق وپەراتور سارسەنبى كۇنى تۇستەن كەيىن بەلارۋس ارقىلى وڭتۇستىككە قاراي اعىپ جاتقان شيكى مۇنايدى قابىلداۋدى قايتا باستاعان. ەنەرگەتيكالىق قاۋىپ جويىلعاننان كەيىن، ۆەنگريا مەن سلوۆاكيا ۋكرايناعا ەو-نىڭ اۋقىمدى كومەگىنە قول جەتكىزۋگە جول اشتى.

ۋكراينا پرەزيدەنتى ۆلاديمير زەلەنسكي سارسەنبى كۇنى ولاردىڭ ارەكەتىن «قازىرگى جاعدايدا دۇرىس ساياسي سيگنال» دەپ باعالادى. X-تەگى پاراقشاسىندا «ۋكراينانى قولداۋ مەن رەسەيگە قىسىم قۋاتتى بولعاندا عانا رەسەيدىڭ ۋكرايناعا شابۋىلىن توقتاتۋعا بولاتىنىن» جازدى.

ول ۋكراينانىڭ ەو الدىنداعى مىندەتتەمەلەرىن ورىنداپ جاتقانىن، ءتىپتى «دوستىق» قۇبىرىن پايدالانۋ سياقتى سەزىمتال ماسەلەلەر دە سولاي بولاتىنىن اتاپ ءوتتى. ول ەۋروپانىڭ قولداۋ باعدارلاماسىنىڭ «تەز ارادا ىسكە قوسىلۋىنىڭ» ماڭىزدىلىعىن دا باسا ايتتى.

رەسەي سارسەنبى كۇنى «تەحنيكالىق سەبەپتەرگە» بايلانىستى، 1 مامىردان باستاپ قازاقستاننان گەرمانياعا مۇناي تاسىمالداۋدى توقتاتاتىنىن راستادى.

Abai.kz