الەۋمەتتىك جەلىدە باتىس قازاقستان وبلىسى شەكارا اۋماعىندا ۇشقىشسىز ۇشاتىن اپپاراتتىڭ قۇلاعانى جونىندە اقپارات تاراعان ەدى. تۇرعىنداردىڭ سوزىنە قاراعاندا، ۇشقىشسىز ۇشاتىن اپپارات قاراۋىلتوبە اۋىلى ماڭىنا قۇلاعان.

انىعىندا درون قارعالى اۋدانى الىمبەت اۋىلى ماڭىندا قۇلاعان.

اقتوبە وبلىستىق پد ءباسپاسوز قىزمەتىنىڭ حابارلاۋىنشا، ۋاكىلەتتى قىزمەتتەر وقيعا ورنىنا باردى. درون سىنىعى شامامەن 8:30–دا انىقتالدى.

— قارعالى اۋدانىندا ۇشقىشسىز ۇشۋ اپپاراتىنىڭ سىنىقتارىنا ۇقساس زاتتاردىڭ تابىلۋى دەرەگى بويىنشا تەكسەرۋ جۇمىستارىن جۇرگىزىپ جاتىر. اتالعان نىسان ەلدى مەكەننەن تىس اۋماقتا انىقتالعان. وقيعانىڭ بارلىق ءمان-جايى تەكسەرىلەدى، — دەپ حابارلادى وبلىستىق پد باسپاسوز قىزمەتى.

Abai.kz