وبلىستىق پروكۋراتۋرا پاۆلوداردا جەكە دەرەكتەردىڭ تارالۋىنا توسقاۋىل قويدى، دەپ حابارلايدى.

مەملەكەتتىك ساتىپ الۋ پورتالىندا وبلىس ورتالىعىنداعى مەكتەپتەردىڭ مەديتسينالىق تەكسەرۋ بويىنشا قىزمەتتەردى ساتىپ الۋى تۋرالى حابارلاندىرۋلار ورنالاستىرىلدى.

بۇل رەتتە 28 ءبىلىم بەرۋ ۇيىمدارىمەن كونكۋرستىق قۇجاتتامادا ءوز قىزمەتكەرلەرىنىڭ دەربەس دەرەكتەرىن، ياعني ولاردىڭ ساۋالنامالىق دەرەكتەرى، تۇرعىلىقتى مەكەنجايلارى، تەلەفون نومىرلەرى كورسەتىلدى.

جەكە دەرەكتەردىڭ ەركىن قولجەتىمدىلىگى ەڭبەك زاڭناماسىنىڭ نورمالارىن بۇزۋمەن قاتار، ولاردى الاياقتىق ماقساتتا پايدالانۋ قاۋپىن تۋىنداتادى.

— پاۆلودار قالاسى پروكۋراتۋراسىنىڭ قاداعالاۋ اكتىسى بويىنشا ءبىلىم بەرۋ سالاسىنىڭ 2 065 قىزمەتكەرىنىڭ دەربەس دەرەكتەرى اشىق كوزدەردەن الىنىپ تاستالدى، ال كىنالى تۇلعالار تارتىپتىك جاۋاپكەرشىلىككە تارتىلدى. قابىلدانعان شارالار زاڭدىلىقتى قالپىنا كەلتىرۋگە، انىقتالعان بۇزۋشىلىقتاردى جويۋعا جانە ازاماتتاردىڭ قۇقىقتارىن قورعاۋعا مۇمكىندىك بەردى، — دەلىنگەن پاۆلودار وبلىسى پروكۋراتۋراسى تاراتقان اقپاراتتا.

Abai.kz