وسكەمەندەگى «قازمىرىش» زاۋىتىنداعى جارىلىستان زارداپ شەككەن تاعى ءبىر ادام قايتىس بولدى.

بۇل قارالى حاباردى كومپانيا وكىلدەرى مالىمدەدى. «قازمىرىشتىڭ» اقپاراتى بويىنشا، جارىلىس كەزىندە زارداپ شەككەن جۇمىسشىلاردىڭ ءبىرى كوز جۇمدى.

«مارقۇمنىڭ تۋعان-تۋىستارى مەن جاقىندارىنا كوڭىل ايتامىز. كومپانيا قازا تاپقان قىزمەتكەردىڭ جاقىندارىنا جانە بارلىق قىزمەتكەرلەرىمىزگە قاجەتتى قولداۋ كورسەتىپ جاتىر»، — دەپ حابارلادى «قازمىرىش».

كاسىپورىن وكىلدەرى وسكەمەندەگى مەتاللۋرگيالىق كەشەننىڭ مىرىش جانە قورعاسىن زاۋىتتارىندا قۋاتتىلىقتىڭ ۋاقىتشا تومەندەۋىمەن جۇمىس ىستەپ جاتقانىن اتاپ ءوتتى.

Abai.kz