ماجىلىستە قارالىپ جاتقان زاڭ جوباسىندا توتەنشە جاعدايلاردى جويۋعا، تەرروريزمگە قارسى وپەراتسيالارعا جانە توتەنشە جاعداي رەجيمىن قامتاماسىز ەتۋگە تارتىلاتىن اسكەري قىزمەتشىلەرگە ءۇش ەسەلەنگەن مولشەردە اقشالاي قامتاماسىز ەتۋ تولەۋ ۇسىنىلدى، دەپ حابارلايدى BAQ.KZ تىلشىسى.

بۇل تۋرالى دەپۋتات ولجاس قۇسپەكوۆ مالىمدەدى.

دەپۋتاتتىڭ ايتۋىنشا، جاڭا تولەم قارۋلى كۇشتەر مەن شەكارا قىزمەتىنىڭ اسكەري قىزمەتشىلەرىنە قاتىستى بولادى.

– بۇل ۇسىنىس تاۋەكەل دەڭگەيىنىڭ جوعارى بولۋىنا، پسيحولوگيالىق جانە فيزيكالىق جۇكتەمەنىڭ كوپتىگىنە، سونداي-اق ەرەكشە قىزمەت جاعدايلارىنا بايلانىستى ەنگىزىلىپ وتىر، – دەدى ولجاس قۇسپەكوۆ.

ونىڭ سوزىنشە، ۇسىنىلىپ وتىرعان تەتىك اسكەري قىزمەتشىلەردىڭ الەۋمەتتىك كەپىلدىكتەرىن كۇشەيتۋگە جانە ماڭىزدى مىندەتتەردى ورىنداۋ كەزىندەگى ماتەريالدىق قورعالۋ دەڭگەيىن ارتتىرۋعا باعىتتالعان.

دەپۋتات بۇل باستاما 2025 جىلعى 19 جەلتوقساندا رەسپۋبليكالىق بيۋدجەت كوميسسياسى تاراپىنان قولداۋ تاپقانىن اتاپ ءوتتى.

Abai.kz