الماتىدا كوپقاباتتى تۇرعىن ۇيلەردىڭ ءبىرىنىڭ تۇرعىندارى، پيك وكىلدەرى، «AMANAT» پارتياسىنىڭ بەلسەندىلەرى جانە قالا تۇرعىندارىمەن بىرگە «تازا قازاقستان» جالپىۇلتتىق جوباسى اياسىندا وتەتىن پارتيانىڭ ءداستۇرلى «تازا بەيسەنبى» ەكولوگيالىق اكتسياسىنا قاتىسىپ، ءوز اۋلالارىن تازالاۋ جۇمىستارىن جۇرگىزدى.

تۇرعىنداردىڭ بۇل باستاماسى پارتيانىڭ كوپقاباتتى تۇرعىن ءۇي تۇرعىندارىمەن ءتيىمدى بايلانىس ورناتۋعا، تۇرعىن ءۇي-كوممۋنالدىق شارۋاشىلىق سالاسىنداعى وزەكتى ماسەلەلەردى شەشۋگە جانە تۇرعىندار، دەپۋتاتتار مەن جاۋاپتى مەكەمەلەر اراسىنداعى تىكەلەي كوممۋنيكاتسيانى كۇشەيتۋگە باعىتتالعان جاڭا «TURGYNDAR AMANATY» جوباسىنا قولداۋ ءبىلدىرۋدىڭ كورىنىسى بولدى.

اكتسيا بارىسىندا قاتىسۋشىلار اۋلا اۋماعىن قوقىستان تازارتىپ، ىرگەلەس اۋماقتى رەتكە كەلتىرىپ، كوپقاباتتى تۇرعىن ۇيلەردى كۇتىپ ۇستاۋعا قاتىستى وزەكتى ماسەلەلەردى تالقىلادى.
تۇرعىنداردىڭ ايتۋىنشا، «TURGYNDAR AMANATY» جوباسىنىڭ باستالۋى كوپقاباتتى تۇرعىن ءۇي تۇرعىندارىنىڭ ماسەلەلەرىنە جۇيەلى تۇردە كوڭىل بولىنە باستاعانىن كورسەتەدى.

قالا تۇرعىنى:
«TURGYNDAR AMANATY» سياقتى جوبانىڭ باستالعانىنا وتە قۋانىشتىمىز. كوپقاباتتى تۇرعىن ءۇي تۇرعىندارىنىڭ ماسەلەلەرىنە كوڭىل ءبولىنىپ، بىزبەن ناقتى جۇمىس باستالعانى قۋانتادى. سوعان ريزاشىلىق رەتىندە بۇگىن كورشىلەرىمىزبەن بىرگە شىعىپ، «AMANAT» پارتياسىنىڭ «تازا بەيسەنبى» ەكولوگيالىق اكتسياسىن قولداۋعا شەشىم قابىلدادىق. ءوز اۋلامىزدىڭ تازا ءارى جايلى بولعانىن ءوزىمىز دە قالايمىز. وسىنداي باستامالار تۇرعىنداردى بىرىكتىرەدى دەپ ويلايمىن.»

كسك وكىلدەرىنىڭ ايتۋىنشا، جوبا تۇرعىندار، دەپۋتاتتار جانە جاۋاپتى مەكەمەلەر اراسىنداعى بايلانىستى جەدەل ءارى ءتيىمدى ەتۋگە مۇمكىندىك بەرىپ وتىر.

«بەرەزكا» كسك وكىلى باقىتكۇل يرگەمباەۆا:
«مەن وسى تۇرعىن ءۇي كەشەنىنىڭ پاتەر يەلەرىنىڭ كووپەراتيۆىنىڭ وكىلىمىن. «AMANAT» پارتياسىنىڭ 20 جىلعا جۋىق مۇشەسىمىن. ەڭ الدىمەن «AMANAT» پارتياسىنا «TURGYNDAR AMANATY» جوباسىن ىسكە قوسقانى ءۇشىن العىسىمدى بىلدىرەمىن. پيك وكىلى رەتىندە ايتارىم، مۇنداي فورمات وتە قاجەت بولدى. قازىر دەپۋتاتتارمەن، جاۋاپتى مەكەمەلەرمەن تىكەلەي بايلانىس ورناتۋ الدەقايدا جەڭىلدەدى. تۇرعىنداردىڭ ماسەلەلەرىن كوتەرىپ، جەدەل كەرى بايلانىس الۋعا مۇمكىندىك بار. بۇل تەك ءبىر ۇيگە عانا ەمەس، باسقا نىسانداردا دا ناقتى ناتيجە بەرىپ جاتىر. ال بۇگىنگى اكتسيا — تۇرعىندار، پارتيا جانە باسقارۋشى ۇيىمداردىڭ بىرلەسىپ ناقتى ءىس اتقارا الاتىنىنىڭ جاقسى مىسالى.»

«TURGYNDAR AMANATY» جوباسى كوپقاباتتى تۇرعىن ۇيلەر تۇرعىندارىنىڭ ءومىر ساپاسىن ارتتىرۋعا، تۇرعىن ءۇي-كوممۋنالدىق سالاداعى ءتيىمدى ءوزارا ءىس-قيمىل جۇيەسىن قالىپتاستىرۋعا جانە تۇرعىنداردى ءوز ءۇيى مەن اۋلاسىنا قاتىستى ماسەلەلەردى شەشۋگە بەلسەندى تارتۋعا باعىتتالعان.

Abai.kz