مەملەكەت باسشىسىنىڭ «تازا قازاقستان» رەسپۋبليكالىق باستاماسى اياسىندا الما-اراسان شاتقالىندا «AMANAT» پارتياسى, ونىڭ «جاستار رۋحى» جاستار قاناتى جانە الماتى قالاسى ءبىلىم باسقارماسىنىڭ ۇيىمداستىرۋىمەن اۋقىمدى ەكولوگيالىق اكتسيا ءوتتى.

ءىس-شاراعا كوللەدج ستۋدەنتتەرى, ەرىكتىلەر, ەكو-بەلسەندىلەر, جاستار ۇيىمدارىنىڭ مۇشەلەرى جانە بەلسەندى قالا تۇرعىندارى قاتىسىپ, جالپى سانى 300-دەن استام جاستى قامتىدى. قاتىسۋشىلار الماتى قالاسىنىڭ ەڭ تانىمال تابيعي ورىندارىنىڭ ءبىرى – الما-اراسان شاتقالىنىڭ اۋماعىن تۇرمىستىق قالدىقتاردان تازارتىپ, تابيعاتتى قورعاۋ ىسىنە ءوز ۇلەستەرىن قوستى.

اكتسيا قورشاعان ورتانى تازارتۋعا باعىتتالعان ناقتى قادام عاناەمەس, سونىمەن قاتار جاستار اراسىندا ەكولوگيالىق مادەنيەتتى قالىپتاستىرۋعا جانە تابيعاتقا دەگەن جاۋاپكەرشىلىكتى ارتتىرۋعا باعىتتالعان ماڭىزدى باستاما بولدى.

«AMANAT» پارتياسى الماتى قالالىق فيليالى توراعاسىنىڭ ورىنباسارى قۋانىش تولەپوۆتىڭ ايتۋىنشا, ەكولوگيالىق باستامالار پارتيا قىزمەتىنىڭ ماڭىزدى باعىتتارىنىڭءبىرى بولىپ تابىلادى.

«AMANAT» پارتياسى ەكولوگيالىق مادەنيەتتى قالىپتاستىرۋعا جانە قورشاعان ورتاعا جاۋاپكەرشىلىكپەن قاراۋدى ناسيحاتتاۋعا باعىتتالعان باستامالاردى جۇيەلى تۇردە قولداپ كەلەدى. بۇگىندە جاستاردى قوعامعا پايدالى ناقتى ىستەرگە تارتۋ اسا ماڭىزدى. وسىنداي اكتسيالار تابيعي اۋماقتاردىڭ تازالىعىن ساقتاۋعا عانا ەمەس, سونىمەن قاتار جاستاردىڭ ازاماتتىق بەلسەندىلىگىن ارتتىرىپ, تۋعان جەرگە دەگەن جاناشىرلىق پەن جاۋاپكەرشىلىك سەزىمىن قالىپتاستىرۋعا ىقپال ەتەدى»، – دەدى قۋانىشتولەپوۆ.

ەكولوگيالىق اكتسيا «تازا قازاقستان» جالپىۇلتتىق باستاماسىاياسىندا وتكىزىلىپ, ازاماتتاردىڭ ەكولوگيالىق جاۋاپكەرشىلىگىن ارتتىرۋعا جانە قورشاعان ورتاعا ۇقىپتى قاراۋ مادەنيەتىن نىعايتۋعا باعىتتالدى.

ايتا كەتۋ كەرەك، ەكولوگيالىق باعىت «AMANAT» پارتياسى جۇمىسىنىڭ باسىم باعىتتارىنىڭ ءبىرى بولىپ تابىلادى. پارتيانىڭ باستاماسىمەن الماتى قالاسىنىڭ بارلىق اۋدانىندا تۇراقتى تۇردە«تازا بەيسەنبى» اكتسياسى وتكىزىلىپ كەلەدى. ونىڭ اياسىندا پارتيا مۇشەلەرى, بەلسەندىلەر, ءماسليحات دەپۋتاتتارى مەن قالا تۇرعىندارى قوعامدىق كەڭىستىكتەردى اباتتاندىرۋعا, اۋماقتاردى تازالاۋعا جانە كوگالداندىرۋ جۇمىستارىنا بەلسەندى قاتىسۋدا. الما-اراسان شاتقالىندا وتكەن ەكولوگيالىق اكتسيا پارتيانىڭ «تازا قازاقستان» باستاماسىن قولداۋ جانە قوعامدا ەكولوگيالىق مادەنيەتتى قالىپتاستىرۋ باعىتىنداعى جۇيەلى جۇمىسىنىڭ جالعاسى بولدى.

Abai.kz