2026 جىلدىڭ 4 ايىندا قازاقستانىڭ نەگىزگى كاپيتالىنا 4,9 ترلن تەڭگە ينۆەستيتسيا سالىنعان. بۇل تۋرالى ۇلتتىق ەكونوميكا ءمينيسترىنىڭ ورىنباسارى ارمان قاسەنوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتتى.

— العاشقى 4 ايدا نەگىزگى كاپيتالعا سالىنعان ينۆەستيتسيا 6,7% ءوسىپ، 4,9 ترلن تەڭگەگە جەتتى. 2025 جىلى قازاقستانعا تارتىلعان تىكەلەي شەتەلدىك ينۆەستيتسيانىڭ جالپى اعىنى 20,5 ملرد دوللار بولدى. بۇل 2024 جىلمەن سالىستىرعاندا 14,4%-عا كوپ (17,9 ملرد دولل.), — دەدى ۆيتسە-مينيستر.

مينيسترلىك وكىلى Moody’s, Standard & Poor’s جانە Fitch سياقتى حالىقارالىق رەيتينگ اگەنتتىكتەرى قازاقستاننىڭ ينۆەستيتسيالىق رەيتينگىن ۇنەمى راستاپ وتىرعانىن اتاپ ءوتتى.

— قازاقستاندا بيزنەستى جۇرگىزۋ ءۇشىن باسەكەگە قابىلەتتى جاعدايلار جاسالعان. كومپانيالاردى تىركەۋ EGOV پورتالى ارقىلى ونلاين فورماتتا قولجەتىمدى. ينۆەستورلارعا ينۆەستيتسيالىق كەلىسىمشارت جاساسۋ شەڭبەرىندە سالىقتىق جانە كەدەندىك پرەفەرەنتسيالار، ينۆەستيتسيالىق سۋبسيديالار، زاتتاي گرانتتار جانە باسقا دا مەملەكەتتىك قولداۋ شارالارى بەرىلەدى، — دەدى ارمان قاسەنوۆ.

Abai.kz