«قازاقمىس كورپوراتسياسى» جشس باسقارما توراعاسى رۋسلان وسكەنالى جۇمىس ساپارى بارىسىندا جەزقازعانداعى بىرقاتار الەۋمەتتىك ماڭىزى بار نىسانداردى ارالاپ، ولاردىڭ ىسكە اسىرىلۋ بارىسىمەن تانىستى.

سۋرەت: شارا ۇيىمداستىرۋشىلارىنان الىندى.

باعدارلامانىڭ نەگىزگى تارماقتارىنىڭ ءبىرى – «NAMYS» بالالار مەن جاسوسپىرىمدەر سپورت اكادەمياسى بولدى. قۇنى 8,1 ملرد تەڭگەنى قۇرايتىن جوبا 5 مىڭ شارشى مەتردەن استام اۋماقتا 150-200 تاربيەلەنۋشىگە ارنالعان زاماناۋي سپورت كەشەنىن سالۋدى كوزدەيدى. مۇندا ۇلىتاۋ وبلىسىنىڭ قالالارى مەن اۋداندارىنان كەلگەن بالالار ءۇشىن ساپالى ءبىلىم بەرۋ مەن كاسىبي سپورتتىق دايارلىقتى ۇشتاستىرۋعا جاعداي جاسالادى.

«NAMYS» سك» قورى جەزقازعان وڭىرىندە 2019 جىلدان بەرى جۇمىس ىستەپ كەلەدى. وسى ۋاقىت ىشىندە ونىڭ ۇيىرمەلەرىندە 3 مىڭنان استام بالا سپورتپەن شۇعىلداندى. ال بۇگىندە 700-دەن استام جاس سپورتشى تۇراقتى تۇردە ءارتۇرلى سپورت تۇرىمەن اينالىسادى. اكادەميانىڭ اشىلۋى بيىل قىركۇيەك ايىنا جوسپارلانعان.

سۋرەت: شارا ۇيىمداستىرۋشىلارىنان الىندى.

سونىمەن قاتار رۋسلان وسكەنالى كەڭگىر سۋ قويماسى بويىنداعى جاعالاۋ قۇرىلىسى جوباسىمەن تانىستى. قۇنى شامامەن 3,4 ملرد تەڭگە بولاتىن جاڭا قوعامدىق نىساننىڭ ەكىنشى كەزەڭى ۇلىتاۋ وبلىسى اكىمدىگى مەن «قازاقمىس كورپوراتسياسى» جشس اراسىنداعى مەموراندۋم اياسىندا ىسكە اسىرىلۋدا. وبلىستىق مەشىتپەن بىرگە بۇل جاعالاۋ دەمالىس، سەرۋەندەۋ جانە مادەني ءىس-شارالار وتكىزۋگە ارنالعان زاماناۋي قوعامدىق كەڭىستىكتى قالىپتاستىرادى.

نىسانداردى ارالاۋ قورىتىندىسى بويىنشا رۋسلان وسكەنالى ءوڭىردىڭ دامۋى مەن حالىقتىڭ ءومىر ءسۇرۋ ساپاسىن ارتتىرۋعا باعىتتالعان بارلىق جوبالاردىڭ ساپالى جانە بەلگىلەنگەن مەرزىمدە ورىندالۋىنىڭ ماڭىزىن اتاپ ءوتتى.

«قازاقمىس» كورپوراتسياسىندا الەۋمەتتىك مىندەتتەمەلەردى ورىنداۋ جانە وزىنە قاتىسى بار وڭىرلەردى دامىتۋ كومپانيانىڭ نەگىزگى باسىمدىقتارىنىڭ ءبىرى بولىپ قالا بەرەتىنى اتاپ ءوتىلدى. وندىرىستىك جوبالارمەن قاتار كومپانيا سپورت، مادەنيەت، ءبىلىم بەرۋ جانە قوعامدىق ينفراقۇرىلىم نىساندارىن سالۋعا جۇيەلى تۇردە ينۆەستيتسيا قۇيىپ، ۇلىتاۋ وبلىسىنىڭ تۇراقتى دامۋىنا ۇلەس قوسۋدا.

Abai.kz