25 ماۋسىم، استانا، ءماجىلىس ءۇيى. ماجىلىستە بۇقارالىق اقپارات قۇرالدارى قىزمەتكەرلەرى كۇنى قارساڭىندا جۋرناليستەرگە ارنالعان «پارلامەنت ءسوزى» سىيلىعىنىڭ قورىتىندىسى جاريالاندى. سالتاناتتى جيىندا ءماجىلىس توراعاسى ەرلان قوشانوۆ جۋرناليستەردى كاسىبي مەرەكەمەن قۇتتىقتاپ،  جەتى نوميناتسيا بويىنشا ۇزدىك دەپ تانىلعان 17 ادامدى ماراپاتتادى.

ەرلان قوشانوۆ ءوز سوزىندە جۋرناليستەردىڭ ەل دامۋىنا قوسقان ۇلەسءى مەن پارلامەنتتىك جۋرناليستيكاعا سىڭگەن ەڭبەگى زور ەكەنىن اتاپ ءوتتى. پالاتا سپيكەرى ماجىلىستەن حابار تاراتىپ، قابىلدانىپ جاتقان زاڭداردى حالىققا كەڭ ناسيحاتتاپ جۇرگەن تىلشىلەر قاۋىمىنا بىرلەسكەن تابىستى جۇمىس ءۇشىن زور ريزاشىلىعىن ءبىلدىردى.

Cۋرەت: ءماجىلىستىڭ ءباسپاسوز قىزمەتىنەن الىندى.

– بۇگىن وزدەرىڭىزبەن تاريحي وقيعا قارساڭىندا كەزدەسىپ وتىرمىز. ساناۋلى كۇننەن كەيىن جاڭا اتا زاڭ كۇشىنە ەنەدى. ونى تاۋەلسىزدىك شەجىرەسىنىڭ جاڭا پاراعى دەۋگە بولادى. سىزدەر وسى تاريحي وزگەرىستەردىڭ بەل ورتاسىندا جۇرسىزدەر. اتا زاڭدى ازىرلەۋ جونىندەگى كونستيتۋتسيالىق كوميسسيانىڭ قۇرامىندا 10-عا جۋىق جۋرناليست جەمىستى جۇمىس اتقاردى. وتكەن رەفەرەندۋمدا دا، پارلامەنت قابىرعاسىندا كونستيتۋتسيالىق زاڭدار قابىلداۋ كەزىندە دە ەلدىك ىسكە ءبارىڭىز جۇمىلىپ اتسالىستىڭىزدار. سىزدەر مەملەكەت باسشىسىنىڭ رەفورمالارى مەن باستامالارىن حالىققا جان-جاقتى تۇسىندىرۋگە ۇنەمى كۇش سالىپ كەلەسىزدەر. الداعى ۋاقىتتا دا وسى جولدا جەمىستى ەڭبەك ەتە بەرەسىزدەر دەپ سەنەمىن, – دەدى ەرلان قوشانوۆ.

ءماجىلىس توراعاسى «پارلامەنت ءسوزى» بايقاۋى بيىل 10-شى رەت ءوتىپ وتىرعانىن, وسى ۋاقىتقا دەيىن مارتەبەلءى سىيلىق 150-دەن استام باق وكىلىنە بەرىلگەنىن ايتتى.

Cۋرەت: ءماجىلىستىڭ ءباسپاسوز قىزمەتىنەن الىندى.

Cالتاناتتى جيىندا ۇزدىك باسپا جاريالانىمى ءۇشىن» نوميناتسياسى – «ەگەمەن قازاقستان» گازەتىءنىڭ ءجۋرناليسى پازىلوۆ ورىنبەك وتەمۇراتۇلىنا جانە «كازاحستانسكايا پراۆدا» گازەتىنءىڭ ءتىلشىسى ماگەر يۋليا دميتريەۆناعا تابىستالدى. «ۇزدىك تەلەۆيزيالىق سيۋجەت ءۇشىن» نوميناتسياسى «Qazaqstan» تەلەارناسىنىڭ ءتىلشىسى قابىشەۆا سامال ەرمۇحامەتقىزىنا, «7 كانال»تەلەارناسىنىڭ ءجۋرناليسى كاسەنوۆا اسەمگۋل كاناتوۆناعا, «استانا» تەلەارناسىنىڭ ءتىلشىسى  گازيزوۆا اقبوتا ارنايقىزىنا بەرىلدى.

ال «ۇزدىك بەينە-سۋرەت ماتەريالى ءۇشىن» نوميناتسياسىمەنJibek Joly تەلەارناسىنىڭ وپەراتورى ءشارىپحان ساپاراقىن زۇلپىحارۇلى، «ۇزدىك ينتەرنەت جانە راديو ماتەريالى»نوميناتسياسىمەن Inbusiness.kz سايتىنىڭ ءتىلشىسى سمايلوۆا بالجان الديارقىزى, Informburo.kz سايتىنىڭ ءجۋرناليسى پيچەنەنكو ماريا كونستانتينوۆنا, «شالقار» راديوسىنىڭ جۇرگىزۋشىسى دوسكەەۆا گۇلنۇر ومارحانقىزى جانە «QR.News» اقپاراتتىق سايتىنىڭ رەداكتورى قانات ساپارعالي تاناتۇلى ماراپاتتالدى.

«ارنايى رەپورتاج» نوميناتسياسىن 24.kz تەلەارناسى«Mazhilis.live» باعدارلاماسىنىڭ جۇرگىزۋشىسى كەنجەباەۆا نازىم قايراتقىزى, كتك تەلەارناسىنىڭ ءجۋرناليسى ابراموۆا اننا الەكساندروۆنا,  Tiek.kz سايتىنىڭ رەداكتورى ءالىباي باقىتنۇر بالتابەكۇلى الدى.

سونىمەن قاتار «پارلامەنتتىك جۋرناليستيكانى دامىتۋعا قوسقان ۇلەسى ءۇشىن» نوميناتسياسىمەن قابىلبەكوۆ ناعاشىباي جولدىۇلى مەن كوسكينا اينۋر تلەۋبەكوۆنا ماراپاتتالدى.  

«پارلامەنت ءسوزى» ارنايى نوميناتسياسى «ايقىن-ليتەر» ۇجىمى مەن «ەۋرازيا» ءبىرىنشى ارناسى» ۇجىمىنا تابىس ەتىلدى.

ءماجىلىستىڭ ءباسپاسوز قىزمەتى

Abai.kz