وتىن العاشقى بولىپ Uzbekistan Airlines اۋە كومپانياسىنىڭ ۇشاعىنا قۇيىلدى.

الماتى اۋەجايىندا العاش رەت Jet A-1 ماركالى اۆياوتىن ۇشاققا قۇيىلدى، دەپ حابارلادى "قازمۇنايگاز-اەرو" جشس ءباسپاسوز قىزمەتى.

كومپانيا جاڭا وتىن ءتۇرىن Uzbekistan Airlines اۆياكومپانياسىنىڭ اۋە كەمەسىنە قۇيۋ جۇمىستارىن جۇرگىزدى.

"بۇل ءىس-شارا – قازاقستاننىڭ اۆياتسيالىق وتىن نارىعىن ءارتاراپتاندىرۋ جانە وتاندىق اۆياتسيا ينفراقۇرىلىمنىڭ مۇمكىندىكتەرىن كەڭەيتۋ باعىتىنداعى ماڭىزدى قادام. بۇعان دەيىن قمگ-اەرو ارقىلى حالىقارالىق مارشرۋتتاردى پايدالانىپ، Petrochina جانە قازاقستاندىق لوگيستيكالىق كومپانيامەن سەرىكتەسە وتىرىپ دۋشانتسزى مۇناي وڭدەۋ زاۋىتىنان (قحر) Jet A-1 ماركالى اۆياوتىنىن جەتكىزۋ ۇيىمداستىرىلعان بولاتىن. ترانزيت كولەمىنىڭ ارتۋىنا بايلانىستى اۆياكەروسين باعىتتارىن ءارتاراپتاندىرۋ اۆياوتىنمەن قامتاماسىز ەتۋ جۇيەسىنىڭ تۇراقتىلىعىن ارتتىرادى", – دەلىنگەن حابارلامادا.

ايتا كەتەيىك، جوبانى "قازمۇنايگاز" ۇلتتىق كومپانياسى مەملەكەت باسشىسىنىڭ كولىك-لوگيستيكالىق كەشەنىن دامىتۋ جانە وتاندىق اۆياتسيا سالاسىنىڭ باسەكەگە قابىلەتتىلىگىن ارتتىرۋ جونىندەگى تاپسىرمالارى اياسىندا قر ۇكىمەتىنىڭ قولداۋىمەن ىسكە اسىرىپ جاتىر.

Abai.kz