اتىراۋ وبلىسىنىڭ جانگەلدين اۋىلىندا ءتورت ادامدى ءولتىردى دەپ ايىپتالعان سۇلتان سارسەماليەۆ ءومىر بويىنا باس بوستاندىعىنان ايىرىلدى.

بۇعان دەيىن مەملەكەتتىك ايىپتاۋشى سوتتالۋشى ءۇشىن ءدال وسى جازانى سۇراعان بولاتىن. پروكۋرور ەكى نەمەسە ودان دا كوپ ادامدى ەرەكشە قاتىگەزدىكپەن جانە پايداكۇنەمدىك نيەتپەن ءولتىرۋ بابى بويىنشا ءومىر بويىنا باس بوستاندىعىنان ايىرۋ جازاسىن كەسۋدى وتىنگەن. ىستە باسقا دا باپتار بار.

جانگەلديندەگى سۇمدىق تراگەديا وتكەن جىلدىڭ سوڭىندا بولعان ەدى. تەرگەۋ نۇسقاسى بويىنشا، سارسەماليەۆ ءوزىنىڭ بۇرىنعى ايەلى اقبايان مۇقانعاليەۆانىڭ اتا-اناسىن، اعاسى مەن ءسىڭلىسىن اياۋسىز ولتىرگەن.

Abai.kz