استاناداعى شارا جيەنقۇلوۆا كوشەسىندە تاندىر سامسا دايىندايتىن ءدامحانادا گاز-اۋا قوسپاسىنىڭ جارىلىسى بولدى. وقيعا بازار اۋماعىنداعى ەكى قاباتتى اكىمشىلىك عيماراتتا بولعان.

توتەنشە جاعدايلار دەپارتامەنتىنىڭ الدىن الا مالىمەتىنشە، وقيعاعا كولەمى 50 ليتر بولاتىن كومپوزيتتى گاز باللونىنىڭ گەرمەتيكالىعىنىڭ بۇزىلۋى سەبەپ بولعان.

دارىگەرلەردىڭ مالىمەتىنشە، وقيعادان ءتورت ادام زارداپ شەككەن. ولاردىڭ ەكەۋى №1 كوپسالالى قالالىق اۋرۋحاناعا جاتقىزىلدى، ءبىر ناۋقاسقا امبۋلاتوريالىق باقىلاۋمەن ۇيىنە قايتۋعا رۇقسات بەرىلدى.

تاعى ءبىر زارداپ شەگۋشى №2 كوپسالالى بالالار اۋرۋحاناسىنا جەتكىزىلدى، - دەپ مالىمدەدى ەلوردانىڭ قوعامدىق دەنساۋلىق ساقتاۋ باسقارماسى. 

قازىرگى ۋاقىتتا بارلىق ناۋقاسقا قاجەتتى مەديتسينالىق كومەك كورسەتىلىپ جاتىر.

Abai.kz