قازاقستان مەن يزرايل يننوۆاتسيالار مەن تەحنولوگيالار سالاسىنداعى ىنتىماقتاستىقتى كۇشەيتۋدە...

قازاقستاننىڭ يزرايلدەگى ەلشىسى داۋلەت ەمبەرديەۆ تەل-اۆيۆتە ءيزرايلدىڭ يننوۆاتسيالار جونىندەگى باسقارماسى توراعاسىنىڭ ورىنباسارى كوفمانمەن كەزدەستى.

جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋ ماقساتىندا ۇيىمداستىرىلعان كەزدەسۋ بارىسىندا قازاقستاندىق كومپانيالار مەن ءيزرايلدىڭ تەحنولوگيالىق سەكتورى اراسىندا بايلانىس ورناتۋ ماسەلەلەرى تالقىلاندى.

سونداي-اق قازاقستاندا وزىق تەحنولوگيالاردى ەنگىزۋ بويىنشا بىرلەسكەن جوبالارعا يزرايلدىك تاراپتىڭ قولداۋ كورسەتۋى دە جەكە ءسوز بولدى.

كەزدەسۋ قورىتىندىسى بويىنشا تاراپتار ەكىجاقتى ۋاعدالاستىقتاردى، سونىڭ ىشىندە ساۋدا-ەكونوميكالىق ىنتىماقتاستىق جونىندەگى قازاقستان-يزرايل ۇكىمەتارالىق كوميسسياسىنىڭ قىزمەتى شەڭبەرىندە ءتيىمدى ىسكە اسىرۋ ماقساتىندا تىعىز ءوزارا ءىس-قيمىلدى ۇستانۋعا كەلىستى.

Abai.kz