ترامپ: يران قۇن تولەيدى، ەسەلەپ تولەيدى!
تاياۋ شىعىستاعى سوعىس جاڭا، قاۋىپتى دەڭگەيگە كوتەرىلدى.
اقش پرەزيدەنتى دونالد ترامپ دۇيسەنبى كۇنى الەۋمەتتىك جەلىدە تىكەلەي ۋلتيماتۋم جاريالادى:
"يران امەريكالىق ساربازدى ولتىرگەن سايىن، ول ءۇشىن ەسەلەپ جاۋاپ بەرەدى! بۇل ديرەكتيۆا سوعىس ءمينيسترى پيت حەگسەتكە، شتاب باستىقتارىنىڭ توراعاسى دەنيەل كەينعا جانە بارلىق اسكەري باسشىلارعا جەتكىزىلدى!"
بۇل جاي ءسوز ەمەس. ارت جاعىندا نە بولىپ جاتىر؟
- 9-شى ءتۇن قاتارىنان سوققى. اقش يراننىڭ كوپىرلەرىن، ەلەكتر ستانسالارىن، مۇناي ينفراقۇرىلىمىن بومبالاپ جاتىر. ماقسات - يراندى تولىق پاراليزدەۋ.
- قۇرباندىق ارتىپ كەلەدى. سوڭعى دەرەك بويىنشا، 5 ايعا سوزىلعان اقش-يزرايل-يران سوعىسىندا 17 امەريكالىق سارباز قازا تاۋىپ، 430-عا جۋىعى جارالانعان. تەك سوڭعى دەمالىستا يراك پەن يوردانيادا 3 سارباز قازا تاپقان.
- يراننىڭ جاۋابى. تەگەران دا قاراپ وتىرعان جوق. كەشە عانا كۋۆەيت پەن باحرەيندەگى - اقش-تىڭ 5-ءشى فلوتى ورنالاسقان بازالارعا شابۋىل جاسادى.
- ورمۋز بۇعازى. ساراپشىلاردىڭ ايتۋىنشا، بۇل سوققىلار - ورمۋز بۇعازىن كۇشپەن اشۋ جانە يرانعا قۇرلىق اسكەرىن كىرگىزۋ الدىنداعى دايىندىق بولۋى مۇمكىن.
الەم ءۇشىنشى دۇنيەجۇزىلىك سوعىستىڭ تابالدىرىعىندا تۇر ما؟ كونگرەسستە ەرتەڭ ءدال وسى سوعىستىڭ قۇنى مەن بولاشاعى تالقىلانباق.
بۇل ريتوريكا ما، الدە ۇلكەن سوعىستىڭ باستاۋى ما؟
Abai.kz
