نۇرلان يمامعا ينتەرنەتتە ءدىني ۋاعىز ايتۋعا رۇقسات ەتكەن رەسمي كۋالىك بەرىلدى.

وسى جاڭالىقتى ەستىپ، نۇرلانعا: «ەندى ساعان قازاقتىڭ سالت-ءداستۇرىنىڭ شىعۋ تاريحىن، ءتۇپ-تامىرىن، ءتول ءمان-ماعىناسىن جات ەلدىك ارابي-يسلامي تۇسىنىكتەن قورعاۋعا مۇمكىندىك بەرىلدى. سونى قۇر جىبەرىپ الما!» دەپ جازىپ جىبەردىم...

بىراق، كوڭىلدە ءبىر كۇماندى تۇيتكىل بار. ول ەلىمىزدىڭ زاڭناماسىنا قاتىستى:

بۇرىن قابىلداعان «ءدىن تۋرالى زاڭدا» تۇزەتۋلەردەن كەيىن: «قازاقستاندا ءدىني ۋاعىزعا ارنايى بەلگىلەنگەن ورىنداردان بولەك جەردە تيىم سالىنادى»، - دەگەن باپ كىرگەن بولاتىن.

ال، نۇرلانعا بەرىلگەن مىنا «كۋالىك» سول زاڭ بابىنا قايشى كەلىپ تۇر...

ەندەشە، مۇنداي «كۋالىكتى» تەك پرەزيدەنت قانا ءوزىنىڭ ارنايى جارلىعىمەن بەرە الار ەدى. جارلىق شىققان جوق...

ولاي بولسا، بۇل كۋالىكتى بەرگەن مەكەمە، مۇمكىن مينيسترلىك، قانداي زاڭعا سۇيەنگەن؟ ولار وسى ارقىلى زاڭبۇزۋشىلىق قادامعا بارىپ وتىرعان جوق پا؟

ماعان، ارينە، نۇرلاننىڭ «ءدىني ليبەراليزمى» كەيدە ۇنايدى. بىراق، ءبىز ءۇشىن ادىلدىك الدا تۇرۋى كەرەك.

نۇرلان قازاقتىڭ وسى مىنەزىن دارىپتەي باستاسا عوي، شىركىن!.. ويتكەنى، نۇرلان سياقتى حاريزمالى ناسيحاتشى تۇلعا قازىر «ءوزارا ۋ-شۋ بوپ جاتقان دىنگە» ەمەس، ۇلتتىق مەملەكەتتىڭ يدەولوگيالىق نەگىزى بولاتىن قازاق سالت-داستۇرىنە، ونىڭ مادەنيەتىنە، ۋنيۆەرسالدى ويلاي الاتىن قازاق دۇنيەتانىمىنا قاجەتىرەك بولىپ تۇر!

قازاق ەلىندە، قازاق جەرىندە، قازاق مەملەكەتىندە ۇلتتىق بولمىستى ءدال نۇرلاننىڭ ءدىندى ۋاعىزداعانىنداي «ۋاعىزدايتىن» حاريزمالىق تۇلعا تابىلماي تۇر.

ال، ارابتاردىڭ قازاققا ەش وكپەسى جوق شىعار - ولار ريزا!

ءابدىراشيت باكىرۇلى

Abai.kz