«سەمەي ورمانى» مەملەكەتتىك ورمان تابيعي رەزەرۆاتىندا شىلدە ورتاسىنان بەرى سوندىرىلگەن ءورت تولىعىمەن جويىلدى. بۇل تۋرالى ەكولوگيا مينيسترلىگى حابارلادى.

ءورت 16 شىلدەدە كامىشەنكا ورمانشىلىعىندا تۇتانعان بولاتىن. ەكى اپتاعا جۋىق ۋاقىت بويى ونى ەكولوگيا مينيسترلىگى، تجم جانە قورعانىس مينيسترلىگىنىڭ قىزمەتكەرلەرى ءسوندىردى. – بارلىق تارتىلعان قىزمەتتەردىڭ بىرلەسكەن ءارى ۇيلەسىمدى ارەكەتتەرىنىڭ ارقاسىندا ءورت تولىعىمەن جويىلدى، – دەپ حابارلادى ەكولوگيا مينيسترلىگىنەن.

ءورت تۇپكىلىكتى سوندىرىلگەننەن كەيىن ەكولوگيا مينيسترلىگى قىزمەتتىك تەرگەۋگە كىرىسەدى. ەندى ءورتتى ەرتە انىقتاۋ جۇيەسىنىڭ قانشالىقتى ءتيىمدى جۇمىس ىستەگەنى، قاجەتتى شارالاردىڭ ءوز ۋاقىتىندا قابىلدانعان-قابىلدانباعانى انىقتالىپ، سونداي-اق ورتەنگەن ورماننىڭ اۋدانى مەن كەلتىرىلگەن شىعىن كولەمى بەلگىلەنەتىن بولادى. ءورت فاكتىسى بويىنشا قىلمىستىق ءىس قوزعالدى. الدىن الا بولجام بويىنشا، ءورتتىڭ شىعۋىنا نايزاعاي ءتۇسۋى سەبەپ بولعان.

Abai.kz