پرەزيدەنتتىڭ تىكەلەي ەفيرى: العاشقى ناتيجەلەر مەن تۇجىرىمدار
قۇرمەتتى دوستار!
1. Abai.kz اقپاراتتىق پورتالى جانىبەك پەن كەرەي حاندارىمىزدىڭ ەسكەرتكىشىنە قاتىستى ۇلتتىق اكتسياسىن ودان ءارى جالعاستىرۋدا.
ءدال وسى ماقالا جازىلىپ جاتقان كەزدە جانىبەك پەن كەرەي بابالارىمىزدىڭ ەسكەرتكىشىنە قاتىستى اشىق حاتىمىزدى التى مىڭنان استام ادام وقىپ، التى جۇزگە جۋىق ازامات ءوز قولدارىن قويىپ ۇلگىردى. قول جيناۋ ءالى دە جالعاسادى.
قازاق جاستارىنىڭ جۇرەكجاردى ءسوزىن بيلىككە جەتكىزۋ ماقساتىندا اشىق حات ءماتىنى www.line.gov.kz ادرەسى بويىنشا اشىلعان ەلباسىنىڭ تىكەلەي ەفيرىنە جىبەرىلدى. وعان كوپتەگەن زامانداستارىمىز ءوز قولداۋىن اشىق ءبىلدىرىپ جاتىر. سولاردىڭ ءبىرازىن وسى جەردە كورسەتۋدى ءجون كورىپ وتىرمىز.
اشىق حاتتى پرەزيدەنتتىڭ تىكەلەي ەفير جەلىسىندە العاشقى بولىپ قورعاعانداردىڭ ىشىندە ءوز ارپتەسىمىز، «ازاتتىق» راديوسىنىڭ ءتىلشىسى ءومىرجان ابدىحالىقۇلى بولدى.
قۇرمەتتى دوستار!
1. Abai.kz اقپاراتتىق پورتالى جانىبەك پەن كەرەي حاندارىمىزدىڭ ەسكەرتكىشىنە قاتىستى ۇلتتىق اكتسياسىن ودان ءارى جالعاستىرۋدا.
ءدال وسى ماقالا جازىلىپ جاتقان كەزدە جانىبەك پەن كەرەي بابالارىمىزدىڭ ەسكەرتكىشىنە قاتىستى اشىق حاتىمىزدى التى مىڭنان استام ادام وقىپ، التى جۇزگە جۋىق ازامات ءوز قولدارىن قويىپ ۇلگىردى. قول جيناۋ ءالى دە جالعاسادى.
قازاق جاستارىنىڭ جۇرەكجاردى ءسوزىن بيلىككە جەتكىزۋ ماقساتىندا اشىق حات ءماتىنى www.line.gov.kz ادرەسى بويىنشا اشىلعان ەلباسىنىڭ تىكەلەي ەفيرىنە جىبەرىلدى. وعان كوپتەگەن زامانداستارىمىز ءوز قولداۋىن اشىق ءبىلدىرىپ جاتىر. سولاردىڭ ءبىرازىن وسى جەردە كورسەتۋدى ءجون كورىپ وتىرمىز.
اشىق حاتتى پرەزيدەنتتىڭ تىكەلەي ەفير جەلىسىندە العاشقى بولىپ قورعاعانداردىڭ ىشىندە ءوز ارپتەسىمىز، «ازاتتىق» راديوسىنىڭ ءتىلشىسى ءومىرجان ابدىحالىقۇلى بولدى.
اكتسيامىزدى ءىلىپ الىپ كەتكەندەردىڭ ىشىندە بەلگىلى جۋرناليست اردابەك سولداتباي دا بار. پرەزيدەنتكە قويعان ساۋالىندا اردابەك مىرزا: «مارتەبەلى پرەزيدەنت مىرزا! "قازاق ەلى" كەشەنىنە كەرەي مەن جانىبەك حاننىڭ ەسكەرتكىشى قويىلا ما؟ وتكەنگە قۇرمەت كورسەتە وتىرىپ، بولاشاققا باعدار نۇسقاۋ ءۇشىن، جاستاردى وتانشىلدىق رۋحتا تاربيەلەۋ ءۇشىن ۇلتتىڭ ۇلىلىعىن بىلدىرەتىن ۇلىق ەسكەرتكىش قويۋ تۋرالى ۇسىنىس وزىڭىزدەن شىققانىن بىلەمىز. "قازاق ەلى" كەشەنى ءدال ءسىز ويلاعانداي دەڭگەيدە بولماعان سەكىلدى. وسىنداي ولقىلىققا ورىن بەرىپ، ءسىزدىڭ اتىڭىزعا كىر كەلتىرگەندەردىڭ ودان ءارى دا مەملەكەتتىك قىزمەتتە وتىرۋعا مورالدىق قۇقىق بار دەپ ويلايسىز با؟» - دەپ ءۇن قاتىپتى.
پورتالىمىزدىڭ تاعى ءبىر جاناشىرى، دوسىمىز جانە ارىپتەسىمىز ەسەنبەك ساناتۇلى بولسا بىلاي دەپ حات جازىپتى: «قادىرلى پرەزيدەنت! سوڭعى كەزدەرى اقپارات بەتتەرىندە كەرەي مەن جانىبەكتىڭ ەسكەرتكىشى ەسكەرۋسىز قالعانى، ءتىپتى قالانىڭ سىرتىندا قاراۋسىز قالعانى جونىندە ايتىلىپ، جازىلىپ جاتقانىنان حاباردار بولارسىز. بۇل جاعداي ەلدەگى جاستار قوعامى اراسىندا اسا نارازىلىق تۋدىرىپ وتىر. وسى جاعدايدى تەزىرەك قولعا الىپ، ەسكەرتكىشتەردى ءتيىستى ورنىنا قوندىرۋعا ات سالىسۋىڭىزدى سۇرايمىن. جاقىندا اشىلعان "قازاق ەلى" مونۋمەنتىندە قازاق حاندىعىن قۇرعان حاندارىمىزبەن بىرگە، ەگەمەندى قازاقستان ەلىنىڭ ىرگەتاسىن قالاعان ءسىز تۇرساڭىز قانداي جاراسىمدى بولار ەدى!»
قاراجاي اسەت دەگەن ۇلتجاندى ازامات: «قۇرمەتتى، نۇرسۇلتان ءابىشۇلى نازارباەۆ! مەن جاقىندا قازاق حاندىعىن قالاۋشىلىر كەرەي مەن جانىبەك حانداردىڭ جانە قازاق باتىرلارىنىڭ ەسكەرتكىشتەرى مۇشكىل جاعدايدا استانا قالاسىنىڭ سىرتىندا جاتقانىن ەستىدىم. مەن سىزدەن سول ەسكەرتكىشتەر استانادا ءوزىنىڭ زاڭدى قادىرلى ورنىن تابا السا دەپ سۇرايمىن» - دەپ سۇراۋ سالىپتى.
دۋلىعا الاشباي دەگەن باۋىرىمىز: «قۇرمەتتى نۇرسۇلتان ءابىشۇلى!!! مەنىڭ سۇراعىم وتە قىسقا. "قازاق ەلى" مونۋمەنتىنە قازاق حاندارى مەن باتىرلارىن قويدىرۋ تۋرالى ءسىزدىڭ ۇسىنىس جاساعانىڭزدى ەستىپ-ءبىلىپ جاتىرمىز. بىراق الايدا ءسىزدىڭ بۇل ۇسىنىسىڭىز ورىندالماي قالدى. سوندا ءسىزدىڭ بۇيرىعىڭىزعا كىم قارسى كەلدى ەكەن. ال سول مونۋمەنتتىڭ ارتىندا حان مەن باتىرلاردىڭ ەسكەرتكىشى قاراۋسىز، باتپاقتا قالىپ قويعان. مەن ونى ءوز كوزىممەن كوردىم. كوردىم دە جىلاعىم كەلدى. سول ەسكەرتكىشتەرگە قاراپ قازاق حالقىنىڭ قازىرگى جاعدايى دا وسىنداي شىعار دەگەن ويدا قالدىم. قۇرمەتتى ەلباسى ەسكەرتكىش قويىلسىن دەگەن تالاپ جوق. بىراق دايىنداپ اكەلىنگەن ەسكەرتكىشتىڭ باتپاقتا جاتۋى ءبىزدى قىنجىلتادى. وسىنداي ۇلت رۋحىنا تيەسىلى ماسەلەگە ءسىز قالاي قارايسىز».
ءدال وسىنداي ۇسىنىستاردى نۇرماعانبەتوۆ تالعات، داۋلەتقالي اساۋوۆ، تۇرسىنبەك ءاليۇلى، بەگىمبەك ابدىكارىموۆ، اسحات جاناي، قازبەك قۇتتىمۇراتۇلى، اباي سىندى پاتريوت ازاماتتار اشىق ايتىپ، ءوز ساۋالدارىن قويىپ جاتىر. ولارعا ءوز العىسىمىزدى بىلدىرەمىز.
الداعى ون كۇننىڭ ىشىندە اشىق حاتقا قاتىستى سۇراقتاردىڭ سانىن ۇدەتىپ، قويىلعان ساۋالدارعا داۋىس بەرۋ جۇمىسىن جانداندىرۋ كەرەك دەپ تۇسىنەمىز.
وسى مۇمكىندىكتەن ايرىلىپ قالمايىق! ءبىزدىڭ اشىق حاتقا قاتىستى سۇراقتى «ەڭ كوپ قارالعان»، «ەڭ كوپ داۋىس العان»، «ەڭ كوپ تالقىلانعان» دەگەن مەجەگە جەتكىزەيىك. تىكەلەي ەفيردىڭ سايتىنا قايتا قايتا كىرىپ داۋىس بەرەيىك.
ەگەر وسىنداي بەلسەندىلىك تانىتقاننان كەيىن بيلىكتەگىلەر حالىقتى الاڭداتىپ وتىرعان وزەكتى ماسەلەنى جاۋاپسىز قالدىرسا، وندا ول وزدەرىنە ۇلكەن سىن، ارىنا وشپەس قارا داق بولماق!
تاعى دا اۋىزبىرشىلىك پەن تاباندىلىق تانىتايىق، اعايىن!
2. پرەزيدەنتتىڭ تىكەلەي ەفيرىنە باسقا دا وزەكتى ماسەلەلەر ايتىلىپ جاتىر ەكەن. ونىڭ ءوزى قازاقتىلدى ينتەرنەت قولدانۋشىلاردىڭ سانى مەن ساپاسىنىڭ ارتقانىنىڭ بەلگىسى دەپ تۇسىنەمىز. سونىمەن قاتار قازاق ۇلتىن تولعاندىرىپ وتىرعان پىكىرلەردىڭ اشىق ايتىلۋى دا جاقسى نىشان. ياعني ۇلتىمىز عاسىرلىق ۇيقىسىنان ويانىپ كەلەدى دەگەن ءسوز.
قاراپ وتىرساق، تىكەلەي ەفيرگە كوپتەگەن ماڭىزدى سۇراقتار ءتۇسىپ جاتىر ەكەن. مىسالى، الىمبەك قۋانىشباەۆ دەگەن ازامات مەملەكەتتىك ءتىلدى قولدانۋ اياسىن كەڭەيتۋ قاجەتتىگى تۋرالى سۇراق قويىپتى.
ەركىن اسحاتۇلى دەگەن ازامات مەملەكەتتىك ءتىلدى دامىتۋ قاجەتتىگىن باسا ايتىپ تاجىكستاندا جاسالىپ جاتقان باتىل شارالاردى تىلگە تيەك ەتكەن. «ءبىز نەگە وسىنداي شەشىم قابىلداي المايمىز؟ وسىنداي شەشىمدى الدىمەن ءسىز باستاساڭىز جاقسى بولار ەدى؟ تەك قازاق ءتىلى - مەملەكەتتىك ءتىل. ءبىر عانا تىلدە جۇمىس جۇرگىزىۋگە نەگە بولمايدى؟ ورىس ءتىلىنىڭ ىقپالىنان قاشان قۇتىلامىز؟ تاجىكتەر قۇرلى بولا المايمىزبا پرەزيدەنت مىرزا؟» - دەپ جازىپتى ەركىن مىرزا.
وسى تۇرعىداعى سۇراقتى شىمكەنت قالاسىنىڭ تۇرعىنى ءاليحان ءومىرحانۇلى دا قويىپتى. ول ازامات ەلباسىعا ەكى سۇراق قويىپتى: «1. «مەملەكەتتىك ءتىل تۋرالى» ارنايى زاڭ قاشان قابىلدانادى؟ 2. بۇگىندە مادەنيەت جانە اقپارات مينيسترلىگىنىڭ قۇرامىندا ءتىل كوميتەتى بار. اتالعان كوميتەت قۇقىقتىق تۇرعىدا وتە ءالسىز. وسى ولقىلىقتىڭ ورنىن تولتىراتىن جانە مەملەكەتتىك ءتىل ساياساتىن دەربەس ىسكە اسىراتىن ءتىل اگەنتتىگى قاشان قۇرىلادى؟».
قازاق ءتىلىنىڭ مارتەبەسىنە قاتىستى سۇراقتاردى سايلاۋبەك زياحانۇلى ەرەجەپوۆ، اسقار مۇكاشەۆ، نۇرباقىت بايراحمەتۇلى، ەرنار قىرىم، احمەت ءجۇنىس، ەرمۇرات قوڭىربەكوۆ، ءنۇريا دەگەن زامانداسىمىز، ومىرزاق ابىشەۆ، ىبىراي ەسىمدى ازامات، ءجانيا بوتباەۆا، ساكەن جۇسىپبەكوۆ، تالعات ءال تارازي، ارمان يبراگيموۆ، ستۋدەنتتەر اتىنان جادىرا سارسەنباەۆا، امانگەلدى قۇرمەتۇلى، اسقار سمايىل، كامشات قوڭىربەكوۆا، ەرىك قۇلماعامبەتوۆ، ماقپال مامىتبەكوۆا ت.ب. قويعان ەكەن.
ءادىلحان دۇيسەباەۆ دەگەن قازاق-تۇرىك ليتسەيىنىڭ وقۋشىسى قازاق ءالىپبيىنىڭ لاتىن قارپىنە وتكىزۋ قاجەتتىگىن تىلگە تيەك ەتىپتى. ونىڭ پىكىرىنشە، ەلىمىزدە تۇرىپ وتىرعان ءجۇز ۇلت لاتىن الىپبيىنە كوشۋگە ەش كەدەرگى ەمەس ەكەن. لاتىن الىپبيىنە كوشۋ ماسەلەسىن قايىربەك تۇرسىنوۆ، راحات حاۆحي، بەكبول قويباەۆ، ىبىراي كوشەن سياقتى ازاماتتار دا قولداپ وتىر.
تاعى ءبىر سۇراقتار لەگى كوشە مەن قالا اتتارىن وزگەرتۋگە قاتىستى بولىپ وتىر. مىسالى، ءوزىن نۇرسەيتوۆ دەپ تانىستىرعان ازامات پەتروپاۆلدى قىزىلجار، پاۆلوداردى كەرەكۋ دەپ وزگەرتۋ قاجەت دەپتى. تالعات ءال تارازي دەگەن ازامات بولسا الداعى پىكىردى قولداپ، وسكەمەندى التاي، ورالدى اقجايىق نە بولماسا جانىبەك دەپ اتاۋ قاجەت دەگەن پىكىر ايتىپتى. ەلىمىزدىڭ باسقا دا ەلدىمەكەندەرىنە قاتىستى پىكىرلەر دە پرەزيدەنتتىڭ تىكەلەي ەفيرىنە قويىلىپ جاتىر.
Abai.kz اقپاراتتىق پورتالى ۇلتىمىزدىڭ وزەكتى ماسەلەلەرىن كوتەرگەن وسىنداي سۇراقتار مەن ولاردىڭ يەلەرىن ءبىراۋىزدان قولداۋعا شاقىرادى.
وسى ماسەلەلەرگە نەمقۇرايلى قارامايتىن ازاماتتار تىكەلەي ەفيردىڭ سall-ورتالىعىنا حابارلاسسا. ول ءۇشىن استاناداعى 555-777 تەلەفونىنا تەلەفون شالىپ، سول جەردەگى ازاماتتارعا ءوز ساۋالدارىڭىزدى قويساڭىزدار. سونىمەن قاتار جازباشا سۇراقتاردى vopros@akorda.kz دەگەن ەلەكتروندى پوشتاعا دا سالۋعا بولاتىنىن ەسكەرتەمىز.
تىكەلەي ەفيردىڭ سall-ورتالىعى ءوز جۇمىسىن 30 قازاننان 13 قاراشاعا دەيىن جالعاستىرادى. ورتالىق تاڭعى ساعات 08.00 دەن كەشكى 23.00 دەيىن سۇراقتاردى قابىلدايدى.
3. پرەزيدەنتتىڭ تىكەلەي ەفيرى قازاقشىلدىققا جات، بۇگىنگى «قازاقستاندىق ۇلت»، «ۇشتىلدىلىك» ساياساتتى ناسيحاتتايتىن سۇراقتار مەن ساۋالدارعا دا تولى ەكەن.
الدەكىمدەر مەن الدەبىرەۋلەر «ورىس تىلىنە مەملەكەتتىك ءتىل مارتەبەسىن بەرۋ»، «رەسەي ارنالارىن كوپتەپ تاراتۋ»، «قازاق ءتىلىنىڭ مەملەكەتتىك ءتىل رەتىندەگى شورقاقتىعى»، «ءدىني سەكتالارعا بوستاندىق بەرۋ» سياقتى ۇلتىمىزعا قارسى پىكىرلەردى كوپتەپ بوراتىپ جاتىر. ءبىزدىڭ پايىمداۋىمىزشا، وسىنداي سۇراقتاردىڭ كوبىسى ارنايى ۇيىمداستىرىلىپ وتىر.
ەرتەڭ سونداي سۇراقتاردى كوپتەپ جيناپ، ولاردى ەلباسىنىڭ اۋزىنا سالىپ، وعان «ءتيىستى» جاۋاپ بەرىلىپ جاتسا تاڭ قالمايتىن شىعارمىز.
اباي بولايىق!
ول از بولعانداي تاعى ءبىر بازبىرەۋلەر وزدەرىڭىز ءسۇيىپ وقيتىن Abai.kz اقپاراتتىق پورتالىنا ەلباسىمىزعا دونوس جازىپ ۇلگەرىپتى. مىسالى، ءوزىن تۇياقپاەۆا. ا.ج دەگەن ازاماتشا «مەملەكەتتىك ءتىلدى دامىتۋ پرەزيدەنتتىك قوردىڭ قولداۋىمەن ومىرگە كەلگەن www.abai.kz ينتەرنەت رەسۋرس حالىققا پرەزيدەنتكە قارسى ساياسات جۇرگىزەدى. وسى جايلى نە ايتا الاسىز؟ تاعى قازاقتىلدى ينتەرنەت رەسۋرستارعا كوزقاراسىڭىز قانداي؟» دەپ ساۋال جولداپتى.
وعان جاۋابىمىز ءبىر: «تۋياكپاەۆا حانۋم! Abai.kz اقپاراتتىق پورتالى ءسىز جارىلىپ كەتسەڭىز دە ءوز جۇمىسىن جالعاستىرا بەرەدى! ءبىز ءوزىمىزدىڭ ازاماتتىق، ادامي پوزيتسيامىز بەن ۇلتتىق قۇندىلىقتارىمىزدان ەشقاشان باس تارتپايمىز! ءبىزدىڭ ەشتەڭەمىز كەتپەس، بىراق ەرتەڭگى كۇنى زامان وزگەرگەندە بالالارىڭىز بەن نەمەرەلەرىڭىزدىڭ الدىندا ۇياتقا قالماساڭىز بولدى! دو سۆيدانيا!»
قۇرمەتپەن،
Abai.kz اقپاراتتىق پورتالى
