كەڭەستىك ءداۋىر ەسىمىزگە تۇسەدى وسىنداي دا، «ديرەكتورلاردى بوپسالايتىن» جۋرناليست اكەلەرىمىز بولۋشى ەدى.

جۋرناليست دەگەندە «شاتاتتان تىس ءتىلشى» دەگەن كۋالىگى بار. قازىرگى بلوگەرسىماقتاردىڭ كەيبىرى سوعان ۇقسايدى. ويتكەنى، ولاردىڭ جىمىسقى ارەكەتتەرى ءتۇرلى دەڭگەيدەگى اكىمدەردەن سۇحبات الام دەپ ەسىك توزىرۋدى ادەتكە اينالدىرىپ، اكىم شىقپاسا، سالا قۇلاش بەينەش (ۆيدەو) ءتۇسىرىپ، الەۋمەتتىك جەلىگە تاراتىپ، ارزان بەدەل جينايدى. بىراق ولار اكىمدەردىڭ ەسەپ بەرۋى بارىن، جۇرت قابىلداۋىن وتكىزەتىنىن جانە و قابىلداۋعا ءوز قاراۋىنداعى جۇرتتىڭ تالاپ-تىلەگىنە قاتىستى رۇقسات جاسايتىنىن بىلە دە بەرمەيدى دەسەك ءسوزىمىز اسىلىق بولار ەدى. شىن مانىسىندە بىلگىسى دە كەلمەيدى. سونداي «اشىق كۇنى نايزاعاي ويناتىن» بولگەردىڭ ءبىرى – اسحات نيازوۆ.

وسى جولى اسەكەڭنىڭ قاراۋىلىنا وڭتۇستىك استانىڭ اكىمى ىلىگىپتى جانە ءار كەلگەنىن كىمگە جولىققانىن «قىلداي ءتىزىپ، ايى-كۇنىن كورسەتىپ» تاسپاعا ءتۇسىرىپ وتىرىپتى. بىراق «ماقتاعان قىز تويدا جەل شىعارادىنىڭ» كەرىن كەلتىرىپ، اكىمشىلىك قىزمەتكەرى ۇسىنعان حاكىم ابايدىڭ كىتابىن كوزگە ىلمەك تۇگىلى، قولىنا ۇستاۋدان باس تارتقان نيازوۆتىڭ بۇل تىرلىگى كوپكە ۇناعان جوق. بۇل انىق!

وسىمەن ەكىنشى مارتە حاكىم ابايدىڭ كىتابىنان باس تارتىپ وتىرعان اسحات نيازوۆقا قوعام نارازىلىعى ارتا تۇسكەندەي. الەۋمەتتىك جەلى قولدانۋشىلارى: «اكىمشىلىك قىزمەتكەرى ۇسىنعان حاكىم ابايدىڭ كىتابىنا قاتىستى ىستەگەن تىرلىگى وسى ءبىر سۇرقاي تۇلعانىڭ كىم ەكەنىن تانىتقانداي بولدى. ارزان حايىپ ءۇشىن بەتىن ارىن ساتقان جاننىڭ شىنايى بەينەسىن قازاق ەلى ءبىلىپ، قىلىعى ءۇشىن جەرگە قارادى دەسەك تە بولادى. ابايدى تارك ەتكەن جاندى اكىمدەر ەندى «ەسىگى تۇگىل، تەسىگىنەن» قاراتپاۋى كەرەك-اق!؟»، - دەيدى.

Abai.kz