الماتىدا ۋنيۆەرسيتەتتەر اراسىنداعى كوماندالىق الەم چەمپيوناتىمەن قاتار يۋنوشالار (Kazakhstan Boys Team vs. World Boys Team) جانە قىزدار (Kazakhstan Girls Team vs. World Girls Team) كوماندالارى اراسىندا ماتچ ءوتتى. الدىمەن راپيد، سودان كەيىن بليتس فورماتىندا ويىندار وتكىزىلدى، دەپ حابارلايدى قازاقستان شاحمات فەدەراتسياسىنىڭ ءباسپاسوز قىزمەتى. 

راپيدتە دە، بليتستە دە Kazakhstan Boys Team World Boys Team-ءدى جەڭدى. قىزدار كوماندالارى اراسىنداعى ويىندار الەم قۇراماسىنىڭ پايداسىنا اياقتالدى. ماتچتىڭ جالپى جۇلدە قورى 15 ملن تەڭگەنى قۇرادى. ءار كوماندادا 6 ويىنشى بولدى – ءار جاس ساناتى بويىنشا ءبىر-بىردەن: U8, U10, U12, U14, U16 جانە U18. 

«وزدەرىڭىز بىلەتىندەي، ءبىزدىڭ بالالار مەن جاسوسپىرىمدەر قۇراماسى سوڭعى ەكى جىلدا الەمدەگى ەڭ ۇزدىك بولدى، سوندىقتان ءبىز تاۋەكەلگە بارىپ، الەم قۇرامالارىن ماتچقا شاقىردىق. بۇل، ارينە، تاۋەكەلدى ءىس-شارا. بىراق ءبىز شىنىمەن الەمدەگى ەڭ مىقتى بولعاندىقتان، ستارتتا جاقسى مۇمكىندىكتەر بولدى. كوماندامىز جەڭە ءبىلدى. ۋنيۆەرسيتەتتەر اراسىنداعى كوماندالىق الەم چەمپيوناتى اياسىندا وتكەن بۇل ءىس-شارا بۇكىل قىزىقتى شارانىڭ ءسانىن كەلتىردى»، – دەدى قازاقستان شاحمات فەدەراتسياسىنىڭ ءبىرىنشى ۆيتسە-پرەزيدەنتى دارمەن سادۆاكاسوۆ. 

قازاقستاندىق يۋنوشالار مەن قىزدار كوماندالارىنىڭ كاپيتانى – گروسسمەيستەر بوريس گراچيوۆ،قر بالالار مەن جاسوسپىرىمدەر قۇراماسىنىڭ باپكەرى. الەم قۇرامالارىنىڭ يۋنوشالار مەن قىزدار كوماندالارىنىڭ كاپيتانى – حالىقارالىق شەبەر اكاكي ياشۆيلي، فيدە-ءنىڭ ارنايى تاپسىرمالار جونىندەگى ديرەكتورى جانە گرۋزيا شاحمات فەدەراتسياسىنىڭ پرەزيدەنتى.

اكاكي ياشۆيلي قازاقستاندىق كوماندانىڭ دەڭگەيىن جوعارى باعالاپ، مۇنداي ماتچتىڭ ءوتۋى ەلدە شاحماتتىڭ قارقىندى دامۋىنىڭ ارقاسىندا مۇمكىن بولعانىن اتاپ ءوتتى. 

«ماتچ قىزىقتى ءوتتى، بىراق ەڭ باستىسى –ول قازاقستاندا شاحماتتىڭ قانشالىقتى جىلدام ءارى سەنىمدى دامىپ جاتقانىن كورسەتتى. ەشبىر باسقا فەدەراتسيا ءالى ۇلتتىق قۇراما مەن الەم قۇراماسى اراسىندا ماتچ وتكىزبەگەن، ويتكەنى مۇنداي كۇشتى بالالار مەن جاسوسپىرىمدەر كومانداسى ءار ەلدە بولا بەرمەيدى. مەنىڭشە، بۇل قازاقستان شاحمات فەدەراتسياسى مەن بۇكىل قازاقستان ءۇشىن ۇلكەن وقيعا. كۇرەس شيەلەنىستى بولدى. قازاقستاندىق يۋنوشالار كومانداسى الەم قۇراماسىن جەڭدى – بۇل ۇلكەن جەتىستىك. قىزدار دا لايىقتى ونەر كورسەتتى، بىراق الەم قۇراماسى ءسال كۇشتىرەك بولدى. ونىڭ قۇرامىندا 2026 جىلعى الەم چەمپيوندارى ويىنعا قاتىستى، سوندىقتان قارسىلاستار وتە مىقتى بولدى. سوعان قاراماستان، كۇرەس سوڭىنا دەيىن تەڭ بولدى. قورىتىندىسىندا دوستىق جەڭدى دەپ ايتۋعا بولادى»، – دەدى اكاكي ياشۆيلي. 

4 تامىز قاتىسۋشىلار 15+10 راپيد فورماتىندا (ار پارتياعا 15 مينۋت، ار جۇرىسكە 10 سەكۋند قوسىلادى) 4 پارتيادان وينادى. Kazakhstan Boys Team – 14,5 ۇپاي، World Boys Team – 9,5 ۇپاي.

قازاقستاندىق كومانداعا: 

• ەدگار مامەدوۆ (U18) – 3,5 ۇپاي 

• ساۋات نۇرعاليەۆ (U16) – 3,5 ۇپاي 

• مارك سميرنوۆ (U14) – 2 ۇپاي 

• ءالىمجان جاۋىنباي (U12) – 3 ۇپاي 

• ريزات ۋلان (U10) – 1 ۇپاي 

• اسلان ەندىباەۆ (U8) – 1,5 ۇپاي
   

الەم قۇراماسىنا: 

• ەمانۋەل كوت (كانادا، U18) – 0,5 ۇپاي 

• پاۋ مارين فەرراگۋت (يسپانيا، U16) – 0,5 ۇپاي 

• دامير بۋلگاك (بەلارۋس، U14) – 2 ۇپاي 

• بوريس كولودزەيچيك (فرانتسيا، U12) – 1 ۇپاي 

• نۇرمۇحامماد نەماتيللاحونوۆ (وزبەكستان، U10) – 3 ۇپاي 

• تسزين يۋيسين (قىتاي، U8) – 2,5 ۇپايWorld Girls Team Kazakhstan Girls Team-ءدى 18:6 ەسەبىمەن جەڭدى. الەم قۇراماسىنا: 

• ۆالەريا كلەيميونوۆا (FIDE, U18) – 2 ۇپاي 

• ۆەرونيكا ابرامكينا (بەلارۋس، U16) – 3 ۇپاي 

• زاحرا اللاحۆەردي (ازەربايجان، U14) – 2,5 ۇپاي 

• اليسا گەنريەتتا يۋنكەر (FIDE, U12) – 4 ۇپاي 

• چەن چجيحان (قىتاي، U10) – 2,5 ۇپاي 

• سۋن يۋنتسزين (قىتاي، U8) – 4 ۇپاي
   

قازاقستاندىق قىزدار كومانداسىنا: 

• زارينا نۇرعاليەۆا (U18) – 2 ۇپاي 

• ەلناز قالياحمەت (U16) – 1 ۇپاي 

• الاننا بەرىكقىزى (U14) – 1,5 ۇپاي 

• اليشا بيساليەۆا (U10) – 1,5 ۇپاي 

5 تامىز كوماندالار 8 بليتس پارتياسىن وينادى. Kazakhstan Boys Team الەم قۇراماسىن 27,5:20,5 ەسەبىمەن جەڭدى.

قازاقستاندىق كومانداعا:
 

• ەدگار مامەدوۆ (U18) – 6 ۇپاي 

• ساۋات نۇرعاليەۆ (U16) – 4,5 ۇپاي 

• مارك سميرنوۆ (U14) – 4 ۇپاي 

• ءالىمجان جاۋىنباي (U12) – 5 ۇپاي 

• ريزات ۋلان (U10) – 3,5 ۇپاي 

• اسلان ەندىباەۆ (U8) – 2,5 ۇپاي 

• دانيس قۋاندىقۇلى (قوسالقى ويىنشى) – 2 ۇپاي
   

الەم قۇراماسىنا: 

• ەمانۋەل كوت (كانادا، U18) – 2 ۇپاي 

• پاۋ مارين فەرراگۋت (يسپانيا، U16) – 2,5 ۇپاي 

• دامير بۋلگاك (بەلارۋس، U14) – 3 ۇپاي 

• بوريس كولودزەيچيك (فرانتسيا، U12) – 3 ۇپاي 

• نۇرمۇحامماد نەماتيللاحونوۆ (وزبەكستان، U10) – 4,5 ۇپاي 

• تسزين يۋيسين (قىتاي، U8) – 5,5 ۇپاي
   

World Girls Team Kazakhstan Girls Team-ءدى 27:21 ەسەبىمەن جەڭدى. الەم قۇراماسىنا: 

• ۆالەريا كلەيميونوۆا (FIDE, U18) – 5 ۇپاي 

• ۆەرونيكا ابرامكينا (بەلارۋس، U16) – 3 ۇپاي 

• زاحرا اللاحۆەردي (ازەربايجان، U14) – 1,5 ۇپاي 

• اليسا گەنريەتتا يۋنكەر (FIDE, U12) – 7 ۇپاي 

• چەن چجيحان (قىتاي، U10) – 7,5 ۇپاي 

• سۋن يۋنتسزين (قىتاي، U8) – 3 ۇپاي
   

قازاقستاندىق قىزدار كومانداسىنا: 

• زارينا نۇرعاليەۆا (U18) – 3 ۇپاي 

• ەلناز قالياحمەت (U16) – 5 ۇپاي 

• الاننا بەرىكقىزى (U14) – 6,5 ۇپاي 

• جانسايا شولپانبەك (U12) – 1 ۇپاي 

• اليشا بيساليەۆا (U10) – 0,5 ۇپاي 

• ۆەنەرا جاكيشەۆا (U8) – 5 ۇپاي
   

«ءبىزدىڭ شاحماتشىلار مەن بالالار-جاسوسپىرىمدەر قۇراماسىنىڭ باپكەرلەرىنە وسى ماتچقا دايىندىققا ۇلكەن كۇش جۇمساعانى ءۇشىن العىس ايتقىم كەلەدى. قازاقستان شاحمات فەدەراتسياسىنىڭ پرەزيدەنتى تيمۋر تۇرلوۆقا ەرەكشە ريزاشىلىعىمدى بىلدىرەمىن – ول بالالارىمىزعا سەنىپ، جاس تالانتتاردى جۇيەلى تۇردە قولدايدى. 2023 جىلدان باستاپ ونىڭ باستاماسىمەن ارنايى باعدارلاما جۇمىس ىستەيدى، ونىڭ اياسىندا جىل سايىن 34 بالا التىن جانە كۇمىس پاكەتتەر بويىنشا گرانتتىق قولداۋ الادى. باپكەرلەر شتابىنىڭ جۇمىسى مەن فەدەراتسيانىڭ قولداۋىنىڭ ارقاسىندا ءبىزدىڭ جاس شاحماتشىلار وزدەرىنىڭ ەڭ جوعارى ناتيجەلەرىن كورسەتە الدى»، – دەدى قازاقستان شاحمات فەدەراتسياسىنىڭ اتقارۋشى ديرەكتورى گۇلميرا داۋلەتوۆا.

Abai.kz