قازاقستان پرەزيدەنتى قاسىم-جومارت توقاەۆ 2026 جىلعى جەلتوقساندا اقش-تا وتەتىن G20 سامميتىنە قاتىسادى. بۇل تۋرالى قازاقستان سىرتقى ىستەر مينيسترلىگى مالىمدەدى.

G20 كوشباسشىلارىنىڭ جىل سايىنعى ءسامميتىن اقش ءوزىنىڭ توراعالىعى اياسىندا 14-15 جەلتوقساندا وتكىزۋدى جوسپارلاپ وتىر. ءىس-شارا مايامي ماڭىنداعى دورال قالاسىنداعى Trump National Doral كەشەنىندە وتەدى.

قازاقستان G20 مۇشەسى ەمەس. الايدا اقش تاراپى قازاقستاندى سامميتكە قاتىسۋعا شاقىرىلعان مەملەكەتتەر تىزىمىنە ەنگىزگەن. توقاەۆ سامميتكە اقش پرەزيدەنتى دونالد ترامپتىڭ شاقىرۋىمەن قاتىسادى.

كەزدەسۋ بارىسىندا قازاقستان مەن اقش اراسىنداعى ستراتەگيالىق ىنتىماقتاستىقتى ودان ءارى نىعايتۋ ماسەلەلەرى تالقىلاندى. امەريكالىق تاراپ ەنەرگەتيكا، ماڭىزدى مينەرالدار، وزىق تەحنولوگيالار، تسيفرلاندىرۋ، كولىك جانە ينۆەستيتسيالار سالالارىنداعى پراكتيكالىق ءوزارا ءىس-قيمىلدى كەڭەيتۋگە ەلەۋلى الەۋەت بار ەكەنىن اتاپ ءوتتى.

تاراپتار سۋ رەسۋرستارىن باسقارۋدىڭ جاھاندىق ارحيتەكتۋراسىن نىعايتۋ جونىندەگى قازاقستاننىڭ باستاماسىن دا تالقىلادى. ونىڭ ىشىندە پرەزيدەنت قاسىم-جومارت توقاەۆتىڭ بۇۇ-نىڭ مامانداندىرىلعان مەكەمەسى رەتىندە حالىقارالىق سۋ ۇيىمىن قۇرۋ تۋرالى باستاماسىنا ەرەكشە نازار اۋدارىلدى.

اقش G20 توراعالىعىن اياقتاۋ اياسىندا ءسامميتتى ەكونوميكالىق ماسەلەلەرگە باعىتتاۋدى جوسپارلاپ وتىر. امەريكالىق تاراپ ۇيىمنىڭ كۇن ءتارتىبىن نەعۇرلىم ىقشام ەكونوميكالىق باعىتقا قايتارۋدى كوزدەيدى.

قازاقستان مەن اقش تاراپتارى جەلتوقسانداعى سامميتكە دايىندىق بارىسىندا جوعارى دەڭگەيدەگى كۇن ءتارتىبىن مازمۇندى قالىپتاستىرۋ ءۇشىن ودان ءارى ءوزارا ءىس-قيمىل جاساۋعا دايىن ەكەنىن ءبىلدىردى.

Abai.kz