قازاقستاننىڭ ۇلتتىق وليمپيادا كوميتەتىنىڭ باسشىسى گەننادي گولوۆكين ۋكراينالىق "ميروتۆورەتس" سايتىنىڭ بازاسىنا ەنگىزىلدى.

بۇعان ول باسقاراتىن World Boxing ۇيىمىنىڭ رەسەيلىك بوكسشىلارعا حالىقارالىق جارىستارعا رەسەي تۋىن كوتەرىپ، ءانۇرانىن شىرقاپ قاتىسۋعا رۇقسات بەرگەنى سەبەپ بولدى.

"ميروتۆورەتس" بازاسىنداعى جازبادا گولوۆكينگە قاتىستى "رەسەيدىڭ ۋكرايناعا قارسى باسقىنشىلىعىن جانە ۋكراين ازاماتتارىن ءولتىرۋىن قولدادى" دەگەن انىقتاما بەرىلگەن.

گولوۆكيننىڭ ءوزى ازىرگە بۇل جونىندە رەسمي پىكىر بىلدىرگەن جوق.

بيىل قاڭتاردا "ميروتۆورەتس" بازاسىنا قازاقستاننىڭ بۇرىنعى پارلامەنتى ءماجىلىسىنىڭ دەپۋتاتى ايدوس سارىم دا ەنگىزىلگەن. سايتتاعى اقپاراتتا سارىمنىڭ "ۋكراينانى قولداعان قازاقستان ازاماتتارىن قىلمىستىق جاۋاپقا تارتۋعا باعىتتالعان ارەكەتتى جاريا تۇردە ناسيحاتتاعانى" جانە "رەسەي پروپاگانداسىنىڭ ءنارراتيۆىن" تاراتقانى جازىلعان. سارىمنىڭ ءوزى مۇنى "كۇلكىلى جايت" دەپ اتاعان.

دەرەككوزى: ازاتتىق راديوسى

Abai.kz