دانيا ەسپاەۆا قۇرىلتايدىڭ العاشقى سايلاۋىندا داۋىس بەردى
بۇگىن قازاقستاندا تاريحي وقيعا — ەلىمىزدە العاش رەت قۇرىلتاي دەپۋتاتتارىنىڭ سايلاۋى ءوتىپ جاتىر.
«اق جول» دەموكراتيالىق پارتياسىنىڭ توراعاسى دانيا ەسپاەۆا داۋىس بەرۋگە قاتىسىپ، ءوزىنىڭ كونستيتۋتسيالىق قۇقىعىن جۇزەگە اسىردى.
«اق جول» پارتياسى ءۇشىن بۇل سايلاۋ ناۋقانى ەلىمىزدىڭ بارلىق ءوڭىرىن قامتىعان اۋقىمدى كامپانياعا اينالدى. پارتيا كانديداتتارى مەن بەلسەندىلەرى ازاماتتارمەن، ەڭبەك ۇجىمدارىمەن، كاسىپكەرلەرمەن، جاستارمەن جانە قوعامدىق ۇيىم وكىلدەرىمەن كەزدەسىپ، سايلاۋالدى باعدارلامانى تانىستىرىپ، ەل دامۋىنىڭ وزەكتى ماسەلەلەرىن تالقىلادى.
«بۇل ناۋقان پارتيامىز ءۇشىن ازاماتتارمەن تىكەلەي سويلەسۋگە، ولاردىڭ ۇسىنىستارىن تىڭداپ، ناقتى شەشىمدەردى ايقىنداۋعا مۇمكىندىك بەردى. جۇمىس قازاقستاننىڭ بارلىق وڭىرىندە جۇرگىزىلىپ، بۇگىندە ۇلكەن كوماندالىق ەڭبەكتىڭ ناتيجەسىن كورىپ وتىرمىز. وسى ناۋقانعا ۇلەس قوسقان بارلىق كانديداتتارعا، بەلسەندىلەرگە، ەرىكتىلەر مەن قولداۋشىلارىمىزعا العىس بىلدىرەمىن»، — دەدى دانيا ەسپاەۆا.
«اق جول» پارتياسى بارلىق ازاماتتارعا تاريحي سايلاۋ پروتسەسىنە بەلسەندى قاتىسقانى ءۇشىن العىس ءبىلدىرىپ، ءار ازاماتتى ءوزىنىڭ كونستيتۋتسيالىق داۋىس بەرۋ قۇقىعىن پايدالانۋعا شاقىرادى.
Abai.kz
