الاكول مەن بالقاش كولدەرىنىڭ جاعالاۋىنا دەماۋعا كەلگەن تۋريستەر ازاماتتىق بەلسەندىلىك تانىتىپ، سايلاۋعا قاتىستى. دەمالۋشىلاردىڭ ۋاقىتشا كەلگەن ورنىندا سايلاۋ قۇقىعىن جۇزەگە اسىرىپ، داۋىس بەرۋىنە مۇمكىندىك جاسالدى، - دەپ حابارلايدى جەتىسۋ وبلىسى اكىمىنىڭ ءباسپاسوز قىزمەتى.

استانا، الماتى، اتىراۋ، قاراعاندى، تالدىقورعان قالالارىنان جانە باسقا دا وڭىرلەردەن كەلگەن 40 شاقتى تۋريست اقشي اۋىلىنداعى № 68 جانە كوكتۇما اۋىلىنداعى № 67 سايلاۋ ۋچاسكەلەرىنە بارىپ، داۋىس بەردى.

- ءبىز، الاكولدە دەمالىپ جۇرگەن ازاماتتار بۇگىن اقشي اۋىلىنداعى №68 سايلاۋ ۋچاسكەسىنە كەلىپ، ازاماتتىق جاۋاپكەرشىلىك تانىتىپ، ءوز تاڭداۋىمىزدى جاسادىق. قۇرىلتاي دەپۋتاتتارىن سايلاۋ - ەلدىڭ بۇگىنى مەن بولاشاعى ءۇشىن ماڭىزدى قادام. ءاربىر داۋىس - ەل بولاشاعىنا قوسىلعان ۇلەس. سوندىقتان بۇل كۇنى ءار قازاقستاندىق سايلاۋعا قاتىسىپ، ءوز ازاماتتىق تاڭداۋىن جاساۋى كەرەك، - دەدى قۇندىز راحمەت.

سارقان اۋدانىنا قاراستى بالقاش كولىنە دەمالۋعا كەلگەن ازاماتتار لەپسى اۋىلىنداعى №375 سايلاۋ ۋچاسكەسىنە باردى. دەمالۋشىلاردىڭ داۋىس بەرۋىنە قولايلى جاعداي جاساۋ ءۇشىن كول جاعالاۋىنان سايلاۋ ۋچاسكەسىنە دەيىن ارنايى قوعامدىق كولىك ۇيىمداستىرىلدى.

Abai.kz