بۇگىن استانادا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ سايلاۋدى باقىلاۋ جونىندەگى حالىقارالىق ميسسياسىنىڭ ءباسپاسوز كونفەرەنتسياسى ءوتتى. شارا بارىسىندا حالىقارالىق بايقاۋشىلار قازاقستانداعى قۇرىلتاي سايلاۋىنا قاتىستى پىكىر ءبىلدىردى.

قازاقستانداعى سايلاۋ ناۋقانى جالپى العاندا قالىپتى ءارى جۇيەلى تۇردە ءوتىپ، ءاربىر قاتىسۋشى ۇگىت-ناسيحات جۇمىستارىن اكىمشىلىك كەدەرگىلەرسىز جۇرگىزە الدى. مۇنداي باعالار ەقىۇ دياقب-نىڭ سايلاۋدى بايقاۋ جونىندەگى حالىقارالىق ميسسياسىنىڭ ماتەريالدارىندا كەلتىرىلگەن.

ميسسيانىڭ ماڭىزدى باعالارىنىڭ ءبىرى – تەڭ مۇمكىندىكتەر قاعيداتىنىڭ ساقتالۋى. نەگىزگى قۇقىقتىق مۇمكىندىكتەر ۇگىت-ناسيحات جۇرگىزۋ ءۇشىن تەڭ جاعدايلاردى قاراستىرادى، ال ميسسيانىڭ بايقاۋىنشا، اكىمدىكتەر مەن سايلاۋ كوميسسيالارى بۇل جاعدايلاردى زاڭعا سايكەس قامتاماسىز ەتكەن. ميسسيا وكىلدەرىنە ۇگىت-ناسيحات ءىس-شارالارىن وتكىزۋگە نەگىزسىز باس تارتۋ نەمەسە شەكتەۋ قويىلعانى تۋرالى حابارلامالار تۇسپەگەن.

حالىقارالىق بايقاۋشىلار اتاپ وتكەندەي، الەۋمەتتىك جەلىلەر سايلاۋ ناۋقانىندا ەلەۋلى ءرول اتقاردى.

«دياقب ميسسياسى جۇرگىزگەن الەۋمەتتىك جەلىلەردىڭ مونيتورينگى پارتيالار مەن كانديداتتاردىڭ ونلاين-كوممۋنيكاتسياسى نەگىزىنەن وڭ سيپاتتا بولعانىن جانە باعدارلامالىق ماسەلەلەرگە باعىتتالعانىن كورسەتتى. قاراما-قايشىلىقتى ساياسي پىكىرتالاس جاعدايلارى شەكتەۋلى بولدى» دەلىنگەن بديپچ ميسسياسىنىڭ مالىمدەمەسىندە.

سونداي-اق، ولاردىڭ بايقاۋىنشا، ساياسي كۇشتەر ءداستۇرلى جۇمىس تاسىلدەرىن بەلسەندى پايدالاندى: جينالىستار مەن كەزدەسۋلەر وتكىزدى، ەڭبەك ۇجىمدارىمەن قارىم-قاتىناس ورناتتى، ۇگىت-ناسيحات ماتەريالدارىن تاراتتى جانە ءۇي-ءۇيدى ارالاپ، ازاماتتارعا اقپارات بەردى. ءىس-شارالار بولىگىندە بايقاۋشىلار قاتىسۋشىلاردىڭ كوپ بولعانىن جانە ازاماتتاردىڭ وڭ پىكىر بىلدىرگەنىن تىركەدى.

كانديداتتاردى تىركەۋ پروتسەسىنە دە نازار اۋدارىلدى. ميسسيا ونىڭ ءتيىمدى جۇرگىزىلگەنىن اتاپ ءوتتى. وسك كانديداتتاردى ۇسىنۋ تىزىمدەرىن زاڭدا بەلگىلەنگەن مەرزىمدە تىركەگەن. ۇسىنۋعا قاتىستى قۇجاتتاردى تەكسەرۋ ناتيجەلەرى كوميسسيا وتىرىستارىندا تانىستىرىلىپ وتىردى.

وسىلايشا، دياقب سايلاۋالدى ناۋقانعا وڭ باعالاعان. ميسسيانىڭ پىكىرىنشە، ۇگىت-ناسيحاتتىڭ قالىپتى سيپاتتا ءوتۋى، زاڭدا كوزدەلگەن تەڭ مۇمكىندىكتەر جانە الەۋمەتتىك-ەكونوميكالىق كۇن ءتارتىبىنىڭ ارتۇرلىلىگى سايلاۋدىڭ ماڭىزدى سيپاتتارىنا اينالدى.

Abai.kz