الماتىدا وتەتىن ەنريكە يگلەسياستىڭ كونتسەرتىنە ساناۋلى ۋاقىت قالدى. ورتالىق ستاديون ماڭىنا ءانشىنىڭ جانكۇيەرلەرى جينالىپ، سۋرەتكە ءتۇسىپ، دوستارىمەن كەزدەسىپ، كوپتەن كۇتكەن شوۋعا دايىندالۋدا.

وسى ۋاقىتتا اۋماقتىڭ تازالىعىن ەرەكشە ەكولوگيالىق كومەكشى – تازابەك ماسكوتى قاداعالاپ ءجۇر. «تازا قازاقستان» باستاماسى اياسىندا ول كونتسەرت قوناقتارىن تازالىق ساقتاۋعا جانە قورشاعان ورتاعا ۇقىپتى قاراۋعا شاقىرۋدا.

تازابەك قولىنداعى پلاكات ارقىلى كورەرمەندەرگە قوقىستى وزىمەن بىرگە الىپ كەتۋدىڭ جانە اينالانى تازا ۇستاۋدىڭ ماڭىزىن ەسكە سالادى. سونداي-اق پلاستيكالىق بوتەلكەلەردى ارنايى جيناۋ جانە قايتا وڭدەۋ ورىندارىنا تاپسىرۋعا بولاتىنىن كورسەتىپ ءجۇر.

Abai.kz