ادامنىڭ دۇنيەتانۋ مۇمكىندىگى مەن جان-جاقتى دەڭگەيلى ويلاۋى، ءتۇيسىنۋى سويلەۋ جانە سويلەسۋ، پىكىرلەسۋدەن كورىنىس بەرەدى. تىلدەسۋ، ءتىل قاتىناسى ارقىلى تۇسىنىستىككە جەتۋ، جالپى ادامزاتتىڭ كوممۋنيكاتسيالىق بايلانىسى جاسالىپ كەلەدى. ۇلى دالا دەپ اتانعان ەلدە اتا-بابالارىمىزدىڭ دانالىق سوزدەرى، داستۇرلەرى   كەيىنگى ۇرپاققا اۋىزدان اۋىزعا جەتكەندىگى بارشامىزعا ايان تاريحناما. وتكەنىمىزدى تىم ارىگە بارماي وسى باعىتتا پايىمداساق، مىناداي وقيعالار ويعا ورالادى.

ادامنىڭ دۇنيەتانۋ مۇمكىندىگى مەن جان-جاقتى دەڭگەيلى ويلاۋى، ءتۇيسىنۋى سويلەۋ جانە سويلەسۋ، پىكىرلەسۋدەن كورىنىس بەرەدى. تىلدەسۋ، ءتىل قاتىناسى ارقىلى تۇسىنىستىككە جەتۋ، جالپى ادامزاتتىڭ كوممۋنيكاتسيالىق بايلانىسى جاسالىپ كەلەدى. ۇلى دالا دەپ اتانعان ەلدە اتا-بابالارىمىزدىڭ دانالىق سوزدەرى، داستۇرلەرى   كەيىنگى ۇرپاققا اۋىزدان اۋىزعا جەتكەندىگى بارشامىزعا ايان تاريحناما. وتكەنىمىزدى تىم ارىگە بارماي وسى باعىتتا پايىمداساق، مىناداي وقيعالار ويعا ورالادى.

وسىدان جيىرما جىل بۇرىن 1989 جىلعى 22 قىركۇيەكتە قابىلدانعان «ءتىل تۋرالى» قازاق سسر-ءنىڭ زاڭى نەگىزىندە ءتىلىمىزدىڭ مەملەكەتتىك ءتىل مارتەبەسىن الۋى دا قازاقتىڭ ءتىل تاريحىنىڭ دامۋىنىڭ ۇتىمدى كەزەڭى بولىپ تاريحيناما تارماعىنا قوسىلدى.  بۇل زاڭدا: «ءتىل حالىقتىڭ ۇلى جەتىستىگى ءارى ونىڭ اجىرامايتىن جانە بولىنبەيتىن  بەلگىسى»، - دەپ اتاپ كورسەتىلدى. ءتىلدىڭ دامۋى ۇلتتىق مادەنيەتتىڭ تۇتاس وركەندەۋىمەن تىعىز بايلانىستى. ەندەشە، ء"دىل", "ۇلتتىق رۋح" دەگەن ۇعىمدار تەك ءبىر ۇلت پەن ۇلىستىڭ ءوزiنiڭ بەت اجارىن اشارلىق، ونىڭ گەنەتيكالىق ەرەكشەلiگiن ايقىندارلىق تۇجىرىمدىق، پەرتسەپتۋالدىق (قابىلداۋ ادiستەرiنiڭ شوعىرى) پارمەنىمەن وركەنيەتتى ەلدەردەگىدەي عىلىمي جۇيەگە ءتۇسىپ، دامۋدىڭ زامانا قۇبىلىسىندا ۇزدiكسiز تiرەكتiك ءرول اتقارۋىنا  مۇمكىندىك تۋعىزادى دەگەن دەمەۋ حالىقتىڭ كوكىرەگىندەگى ۇمىتىنە قوزعاۋ سالدى. ونىڭ ايعاقتاماسى - رەسپۋبليكالىق جانە بارلىق وبلىستاردا وبلىستىق «قازاق ءتىلى» قوعامىنىڭ قۇرىلۋى. قازاق ءدىلىنىڭ وركەنيەتتىلىگىن ايقىنداي تۇسۋگە جول اشاتىن وسى ءبىر سەرپىلىس  تۇرعىندارىنىڭ 70 پايىزدان استامى وزگە ۇلت وكىلدەرىن قۇرايتىن ەرتىستىڭ پاۆلودار ءوڭىرىنىڭ قازاقتارىنا ءدۇمپۋ بولدى. سول جىلى پاۆلودار وبلىسىندا دا وبلىستىق «قازاق ءتىلى» قوعامىنىڭ قۇرىلۋىنا وبلىستىڭ بارلىق زيالى قاۋىمى ءوز ۇلەستەرىن قوستى. ۇلتتىق ءداستۇردى كوممۋنيستىك داستۇرمەن الماستىرعان كەڭەس وداعىنىڭ بيلىكتى قولدان بەرمەيمىز دەپ تاستاي بەكىنگەن شاعىندا بۇل ءىستىڭ قام-قارەكەتى كوپ، ءارى اۋىر جۇمىس بولاتىن.

وبلىستىق باق «قازاق ءتىلى» قوعامىنىڭ العاشقى قۇرىلتاي جينالىسىنان تىكەلەي رەپورتاجدار جاسادى. پاۆلودار وبلىستىق  تەلەراديوكومپانياسى (ول كەزدە وسىلاي اتالدى) دا حالىقتىڭ رۋحاني يگىلىگىن بۇقاراعا جەتكىزۋ امالىنا بەلسەنە كىرىستى. سول كەزدەگى تەلەستۋديادان تىسقارى جەرلەردەن اقپارات تاراتۋدىڭ تەحنيكالىق قۇرالداردىڭ قول جەتكەن جەتىسىتىگى بولىپ سانالاتىن كوشپەلى تەلەديدار ستانتسياسىنىڭ كومەگىمەن وبلىستىق قۇرىلتايدىڭ جۇمىسى تولىق جازىلىپ، «ءتىل تاعدىرى - ەل تاعدىرى» ايدارى بويىنشا 30 مينۋتتىك ءۇش حابار بەرىلدى. تىلدىك قاتىناس، ونىڭ قوعامداعى ورنى مەن ءرولى جايىندا جان-جاقتى تۇسىنىك بەرىپ، بولاشاقتا مەملەكەتتىك ءتىلدىڭ قولدانۋ اياسىن كەڭەيتۋدى ماقسات ەتكەن حابارلار وسى ايدار بويىنشا ەفيردەن ودان كەيىن دە تۇراقتى جارىق كوردى جانە قازىر دە جاريالانىپ ءجۇر. الماتىدان پاۆلودار وبلىسىنىڭ تۇرعىندارىمەن كەزدەسۋگە كەلگەن جەرلەس، بەلىگىلى اقىن-جازۋشىلار: امانجول شامكەنوۆ، قابدىكارىم ىدىرىسوۆ، نۇتفوللا شاكەنوۆ (مارقۇمدار), مۇزافار الىمباەۆ، قالمۇقان يساباەۆ، سونداي-اق، ەلىمىزدىڭ بەلگىلى اقىندارى: تۇمانباي مولداعاليۆ، قادىر مىرزاليەۆ جانە  بەلگىلى اۋدارماشى گەرولد بەلگەر جانە ت.ب.  قوعام قايراتكەرلەرى وبلىستىق تەلەستۋديانىڭ تورىنە شاقىرىلىپ، رۋحاني قازىنامىز - انا ءتىلى، دانالار سوزدەر جايىندا مازمۇندى دا اسەرلى ويلار ايتىلعان حابارلار تاراتىلدى.

1989 جىلعى 22 قۇركۇيەكتە قابىلدانعان قازاق سسر-ءنىڭ «ءتىل تۋرالى» زاڭى وبلىس جۇرتشىلىعىنا ەرەكشە سەرپىن بەردى. بۇل اسەر سول جىلى پاۆلودار وبلىستىق پارتيا ۇيىمىنىڭ ەسەپ بەرۋ-سايلاۋ كونفەرەنتسياسى وتكەن تۇستا ەرەكشە بايقالدى. ەسەپ بەرۋ-سايلاۋ پارتيا كونفەرەنتسياسى پاۆلودار تراكتور زاۋىتىنىڭ مادەنيەت سارايىنا (قازىرگى قالالىق مادەنيەت سارايى) ءوتتى. وعان كوشپەلى تەلەديدار ستانتسياسى قويىلدى. كونفەرەنتسيا جۇمىسىن جازىپ جاتقان كەزدە كۇتپەگەن وقيعالارعا تاپ بولدىق. بۇعان دەيىن قالالىق جانە اۋداندىق ەسەپ بەرۋ-سايلاۋ پارتيا كونفەرەنتسيالارىندا سايلانعان وبلىستىق پارتيا ۇيىمىنىڭ ەسەپ بەرۋ-سايلاۋ كونفەرەنتسياسىنىڭ دەلەگاتتارىن تەلەراديودان سويلەتۋ ءۇشىن وبلىستىق پارتيا كوميتەتىنىڭ ۇگىت جانە ناسيحات بولىمىمەن كەلىسىلىپ ءتىزىم جاسالاتىن. سول ءتارتىپ بويىنشا الدىنا الا جاسالعان تىزىمدەگى دەلەگاتتارمەن كەزدەسەتىن ورىنعا بارا جاتقان جولىمىزدا پاۆلودار، ەكىباستۇز، ەرماك (قازىرگى اقسۋ) قالالارىنىڭ جانە وبلىستىڭ بارلىق اۋداندارىنىڭ دەلەگاتتارى وزدەرىنىڭ ورتاسىنان سويلەيتىن دەلەگاتتاردى ۇسىنىپ، الدىمىزدان شىقتى. جوعارىنىڭ ايتقانىنا مۇلدە داعدىلانىپ قالعاندىقتان بولار، العاشقىدا ءوزىمىز بۇل ءىس-ارەكەتكە توسىن قارادىق. بىراق، دەلەگاتتاردىڭ بەرىك بايلام جاساعانىن، العان بەتتەرىنەن قايتار تۇرلەرى جوق ەكەنىن اڭعاردىق. بۇل جاعداي  ءبىزدىڭ ۇيرەنشىكتى جۇمىس تەحنولوگيامىزعا وزگەرىس جاساۋعا ءماجبۇر ەتتى.

ادىن الا قاعازعا جازىلعان ءماتىندى وقىعاننان دەلەگاتتاردىڭ وزىندىك سويلەۋ داعىدىسىندا قازاق تىلىندە ەركىن سويلەۋى جانە وبلىستىق پارتيا كوميتەتى جۇمىسىنىڭ ولقى تۇستارىن ايعاقتايتىن وتكىر سىندى قايمىقپاي ايتۋى ءبىزدىڭ جۋرناليستىك ۇيىمداستىرۋ جۇمىسىمىزعا سونىلىق باعىت جاساۋعا ىقپال ەتتى. جۇمىسىمىزدى ىنتالى اتقارۋعا جەتەلەدى، بىراق، ساق بولۋدى ويدان شىعارمادىق. ارينە، ەسەپ بەرۋ-سايلاۋ جۇمىستارى ادەتتە  بىر حاباردىڭ اۋقىمىندا بەرىلەتىن كورسەتىلىم، اقپارات. سوندىقتان، حابارعا جازىلعان دەلەگاتتاردىڭ سىن سوزدەرىن مۇمكىندىگىنشە تولىق مازمۇندا بەرۋگە ىنتالاندىق. حاباردى ەفيرگە شىعارۋدىڭ ءادىسىن ويلاستىردىق. كونفەرەنتسيا جۇمىسىن بەلگىلى جۋرناليست سوتسيال ايتەنوۆ («قازاقستان» وترك-نىڭ پاۆلودار وبلىستىق فيليالىنىڭ قازىرگى باس رەداكتورى-ديرەكتوردىڭ ورىنباسارى) ەكەۋمىز اقىلداسىپ، ەكى ءجۋرناليستىڭ رەپورتاج جاساۋىنا توقتالدىق. مەنىڭ قولىمدا وبلىستىق پارتيا كوميتەتىنىڭ سول كەزدەگى ءبىرىنشى حاتشىسى مەششەرياكوۆتىڭ بايانداماسىنىڭ  كوشىرمەسى بولاتىن. الدىمەن باياندامادا جازىلعان اتقارىلعان جۇمىستاردى ايتامىز، ال جۇمىستارداعى كەمشىلىكتەر دەلەگاتتار سوزىندە بەرىلدى. وسىلايشا الما-كەزەكپەن بەرىلگەن مالىمەت-دەرەكتەر 30 مينۋتتىك حاباردا ەسەپ بەرۋ-سايلاۋ كونفەرەنتسياسىنىڭ جۇمىسىن تولىق قامتۋعا مۇمكىندىك بەردى. كورەرمەن قاۋىم ءبىزدىڭ بۇل الەۋمەتتىك اقپاراتتىق ۇيىمداستىرۋ جۇمىسىمىزىعا ريزا بولعاندىعىن تەلەفون ارقىلى جەتكىزدى. وسىعان وراي ءبىز دە، سول كەزدەگى وبلىستىق تەلەراديوكومپانياسىنىڭ توراعاسى م.ءابدىراحمانوۆ تا قاناعاتتانارلىق سەزىمگە بولەندىك. بىراق، بۇل قاناعاتتانۋشىلىق ۇزاققا بارمادى. كونفەرەنتسيا وتكەن ءتورت-بەس كۇننەن كەيىن مەششەرياكوۆتىڭ تاپسىرماسىمەن وبلىستىق پارتيا كوميتەتىنىڭ حاتشىلارى مەن وبلىستىق اتقارۋ كوميتەتىنىڭ باسشىلارى وبلىستىق تەلەراديوكومپانياسىنا كەلىپ، جينالىس وتكىزدى. وندا قازاق تىلىندە بەرىلگەن رەپورتاجدا وبلىستىق پارتيا كوميتەتىنە ارنالىپ ايتىلعان سىنداردىڭ تولىق بەرىلۋى مەششرياكوۆكە ۇناماعانى ەسكەرتىلدى. ول وبلىستىق پارتيا كوميتەتىن وسىلاي سىناۋ ورەسكەل قاتەلىك دەپ ساناعان. ەندەشە ءبىز جازالانامىز-اۋ دەپ ۇرەيلەندىك. قازاق رەداكتسياسىنىڭ باس رەداكتورى جانە حابار جۇرگىزۋشىنىڭ ءبىرى رەتىندە مەن حاباردى ەفيرگە شىعارۋدىڭ تەوريالىق جانە پراكتيكالىق سيپاتىن بايانداپ، بۇل رەپورتاجدا حابار جۇرگىزۋشى ەكى جۋرناليست ەسەپ بەرۋ جۇمىسى جايىندا ەشقانداي ءوز پىكىرلەرىن قوسپاعانىن العا تارتتىم. ال سىندى تەك قانا وبلىستىق پارتيا ۇيىمىنىڭ ەسەپ بەرۋ-سايلاۋ كونفەرەنتسياسىنىڭ دەلەگاتتارى ايتقانىن دالەلدەدىم. وبلىستىق پارتيا كوميتەتى مەن وبلىستىق اتقارۋ كوميتەتىنىڭ جينالىس وتكىزىپ وتىرعان باسشىلارى ءبىزدىڭ حابار دايىنداۋ بارىسىنداعى تەحنولوگيامىزدىڭ دۇرىستىعىن سەزدى عوي دەپ ويلادىم، تىم قارسى ءۋاج ايتا قويمادى. بىراق، يدەولوگيالىق جۇمىستا وتە ساق بولۋدى قاتاڭ تاپسىردى.

وبلىستىق پارتيا كوميتەتىنىڭ ءبىرىنشى حاتشىسى مەششەرياكوۆتىڭ مەنىڭ جۇمىسىما كگب قىزمەتكەرلەرىنىڭ تاراپىنان باقىلاۋ قويعانىن كەيىن ءبىلدىم. باقىلاۋ كەزىندە كوممۋنيستىك پارتيانىڭ يدەولوگياسىنا قايشى كەلەتىن ساياسي ءىس-ارەكەت جاساماعاندىعىمدى قازاقستان تاۋەلسىزدىك العان 1991 جىلى ءبىلدىم.

جەڭىس ماردەنوۆتەن كەيىن «قازاق ءتىلى» قوعامىنىڭ توراعاسى بولعان ايتباي الدوڭعاروۆ پاۆلودار وبلىسىندا ايتىس ونەرىن دامىتۋدى قوعامنىڭ باستى باعىتى دەپ سانادى. بۇل كەزدە دە وبلىستىق تەلەراديوكومپانياسى وبلىستا وتكىزىلگەن رەسپۋبليكالىق جانە وبلىستىق ايتىستاردى كوشپەلى تەلەديدار ستانتسياسى ارقىلى تولىق تاسپاعا جازىپ الىپ، «اقىندار ايتىسى» ايدارىمەن تۇراقتى حابارلار بەردى.  باق-تاردىڭ اعارتۋشىلىق قىزمەتىن ايعاقتايتىن مۇنداي حابارلاردىڭ اۆتورى باقتىبەك قۇنيازوۆ (مارقۇم) بولدى. مەملەكەتتىك ءتىلدىڭ قوعامدىق سالادا كەڭىنەن قولدانىلۋىن قامتاماسىز ەتۋ جولىنداعى يگىلىكتى ىستەردىڭ تابىستى بولۋىنا وبلىستىق تەلەديداردىڭ بەلگىلى جۋرناليستەرى اقمارال ساعىمبەكوۆا مەن گۇلجانات يمانعازينوۆا وزىندىك ۇلەس قوستى. ولار وسى تاقىرىپ بويىنشا ۇيىمداستىرىلعان كونكۋرستارعا قاتىسىپ، لاۋرەات اتاندى.

ودان كەيىن «قازاق ءتىلى» قوعامىنىڭ توراعاسى بولعان سارسەمباي شەكتىباەۆ وبلىستىڭ عالىمدارىن قاتىستىرىپ، قازاق ءتىلىنىڭ قولدانۋ اياسىن كەڭەيتۋ باعىتىندا كورنەكتى ءىس-شارالار ۇيىمداستىردى. ول فيولوگيا عىلىمدارىنىڭ كانديداتى، پروفەسسور جاقسىباي ساربالاەۆتىڭ كومەگىمەن قازاق ءتىلىن وقىتۋ جانە ءىس-قاعازدارىن قازاق تىلىندە جۇرگىزۋ جۇمىستارىن ىلگەرى باستىرۋدى قولعا الدى. ەرسايىن بيماعانوۆتىڭ «قازاق ءتىلى» قوعامىنداعى  توراعالىق قىزمەتىندە «قازاق ءتىلى» قوعامىنىڭ قالالىق جانە اۋداندىق جۇمىستارىن جانداندىرۋعا ەرەكشە ءمان بەرىلدى.

جالپى بىيلىكتىڭ، زاڭنىڭ قۋاتى حالىققا قالاي اسەر ەتەتىنىن دالەلدەيتىن مىناداي قورىتىندى ويعا ورالدى:

- مەملەكەت تاراپىنان قابىلدانعان «ءتىل تۋرالى» زاڭ ادامداردىڭ ۇلتتىق ساناسىن سەرگىتتى. ەندى جاپپاي قازاق تىلىندە سويلەۋگە ۇمىتىلىس جاساۋعا اركەتتەندى. الايدا، عاسىرعا جۋىق ۇستەمدىك قۇرعان كەڭەس وداعىنىڭ حالقى بولىپ اتانۋ جولىنداعى كوممۋنيستىك ۇستەمدىك يدەولوگياسىنىڭ پارمەنىندە ورىس تىلىندە ءبىلىم العان قازىرگى ۇرپاق قازاق تىلىندە وزدەرى سويلەي الماي ءجۇر. ولار ءۇشىن قازاق ءتىلىنىڭ سويلەسۋ ورتاسىنا كىرۋ توزاققا تۇسكەنمەن بىردەي. ارينە، بۇل ولاردىڭ كىناسى ەمەس، بۇل ولاردىڭ قاسىرەتى. وسى قاسىرەتتىڭ زاردابى تيگەن قازىرگى جاستار اراسىندا اتا-بابالار ءداستۇرىن جالعاستىرۋ ۇدەرىسىن ۇزاققا سوزباي، تەزدەتۋدى ويلاستىرىپ، بالالارىن قازاق مەكتەپتەرىنە بەرۋشىلەر قاتارى جىل سايىن كوبەيىپ كەلە جاتقانداعى ەلباسى ايتقانداي «قازاقستاننىڭ بولاشاعى - قازاق تىلىندە» ەكەندىگىن سەزىنۋىنىڭ بەلگىسى دەپ بىلەمىز. وسى نەگىزدە جاڭارعان قازاقستان - مەنىڭ وتانىم دەيتىن پاتريوتتىق سەزىم نىعايا تۇسەدى دەپ ويلايمىن.

وبلىستىڭ باق 1997 جىلعى «قازاقستان رەسپۋبليكاسىنىڭ ءتىل تۋرالى» زاڭىنا سايكەس جاسالعان باعدارلامارداعى قازىرگى ءتىل ساياساتىن ىسكە اسىرۋدىڭ مىناداي نەگىزگى باعىتتارى بويىنشا ماتەريالدار جاريالاپ جۇرگەندىگىن ايتىپ كەتۋ ورىندى دەپ سانايمىن:

- ازاماتتاردىڭ مەملەكەتتىك ءتىلدى ەركىن جانە تەگىن مەڭگەرۋىنە قاجەتتى قارجىلىق، ۇيىمداستىرۋشىلىق، ماتەريالدىق-تەحنيكالىق جاعدايلار جاساۋ;

- مەملەكەتتىك ءتىلدى بارىنشا دامىتۋ، ونىڭ قوعام ءومىرىنىڭ بارلىق سالالارىندا، اسىرەسە عىلىم، ءبىلىم، مادەنيەت، بۇقارالىق اقپارات قۇرالدارى، مەملەكەتتىك باسقارۋ، سوت ءىسىن جۇرگىزۋ، حالىقارالىق قاتىناستار سالالارىندا بەلسەندى قىزمەت ەتۋىنە قاجەتتى العىشارتتار قالىپتاستىرۋ;

- ەل ازاماتتارىنىڭ انا ءتىلىن قولدانۋىنا، ولاردىڭ قارىم-قاتىناس، تاربيە بەرۋ، وقۋ جانە شىعارماشىلىق ءتىلىن ەركىن تاڭداۋ ءۇشىن قولايلى جاعدايلاردى ساقتاۋ مەن دامىتۋ.

قازاقستان رەسپۋبليكاسىنىڭ ء"تىل تۋرالى" زاڭىنداعى وسىنداي باستى ماسەلەلەردى ىسكە اسىرۋدا باق-تاردىڭ الەۋمەتىك ۇيىمداستىرۋ جانە تاعىلىمدىق قىزمەتىنىڭ، وبلىس تۇرعىندارىنىڭ بۇل ىسكە بەلسەندىلىك تانىتۋىنىڭ ناتيجەسىندە مەملەكەتتىك ءتىل - قازاق ءتىلىن بارىنشا بايىتۋ جانە ونىڭ قولدانۋ اياسىن كەڭەيتۋدە جاڭا ءتىل زاڭىن قابىلداۋ كەرەكتىگى جايىندا قوعامدىق پىكىرلەر جاسالىپ وتىر.

الايدا، زاњنىњ µمىرشەњدىگى ايتىلѓان وي مەن ќويىلѓان تالاپتىњ دєلدىگىنە جєنە پєرمەندىلىگىنە بايلانىستى. ءتىل - جاراتىلىس تۋىندىسى، ونى جەكە ادامدار دا، ساياسات تا جاسامايدى. سوندىќتان، مەملەكەتتىك ءتىل    مەملەكەتتى ќ±راۋشى ±لتتىњ تابيѓي ەرەكشەلىگىن ايقىنداۋى دا دامۋ زاڭدىلىعىنىڭ تالابى بولىپ سانالادى. قوعامداعى ىنتىماق جاراتىلىستاعى جاقسىلىقتى تانۋ مەن دامۋدى مەڭگەرۋدىڭ امالدارىن زەردەلەۋدىڭ ناتيجەسىندە كەلەتىندىگى وبلىستىق «قازاق ءتىلى» قوعامىنىڭ وتكەن كەزدەگى  سانالۋان ورامدى دا ورامسىز ماسەلەلەر جايىنداعى پىكىرتالاستار بارىسىندا بايقالدى. قورىتىندىسىندا ينتۋيتسيالىق بايقاعىشتىق جانە كورگەندەرىڭدى بايلانىسترۋدا بەلگىلى ءبىر شەڭبەردە شەكتەلمەۋ، دامۋ بارىسىن ءدوپ تانىپ، دەربەس وزىنشە ايتۋ سياقتى اقىل-پاراساتتىڭ كورىنىسى دۇرىس بايلام جاساۋعا بەكىندىرىپ وتىردى.

وسى باعىتتا پاۆلودار وبلىستىق حالىقارالىق «قازاق ءتىلى» قوعامىندا بىرقاتار ۇتىمدى ءىس-شارالار جۇرگىزىپ كەلەدى. مۇرات ءابدىراحمانوۆ وبلىستىق حالىقارالىق «قازاق ءتىلى» قوعامىنىڭ توراعالىق قىزمەتىندە  وبلىستىق تىلدەر باسقارماسىمەن تىعىز بايلانىس جاساپ، قازاق ءتىلىنىڭ مەملەكەتتىك ءتىل رەتىندە قولدانىس اياسىن كەڭەيتۋدە رەسمي ءىس-شارالاردىڭ ىقپالدى بولۋىنا وزىندىك ۇلەسىن قوسىپ كەلەدى.ولاردىڭ ىشىندە قوعامنىڭ اۋدارما جۇمىسى بويىنشا وقىتۋ ۇيىمداستىرۋى،  ونوماستيكا جۇمىسىنىڭ دۇرىس باعىت الۋىنا قاتىستى ۇيعارىمدارى بار. سونداي-اق،  «ءتىل تۋرالى» قازىرگى زاڭعا ءتىل مەملەكەتتى ќ±راۋشى بايىرѓى ±لتتىњ تابيѓي µزگەشەلىگىن كµرسەتەتىن مەملەكەتتىڭ ەرەكشە بەلگىسى بولاتىنداي تولىقتىرۋ ەنگىزۋ نەمەسە وسى باعىتتا جاڭا زاڭنىڭ قاجەتتىگى جونىندە قوعام ماجىلىسىندە ماسەلەلەر قارالىپ، ولاردى باق  ارقىلى بۇقارا نازارىنا ۇسىنۋ سياقتى مازمۇندى جۇمىستار اتقارىلۋدا.

جۇماسەيت بيجان،

وبلىستىق «قازاق ءتىلى» قوعامىنىڭ القا مۇشەسى، قازاقستان جۋرناليستەر وداعى سىيلىعىنىڭ لاۋرەاتى، كسرو تەلەديدار جانە راديوسى ۇزدىگى بەلگىسىنىڭ يەگەرى، قازاقستاننىڭ قۇرمەتتى ءجۋرناليسى.