كەيدە ادامنىڭ جانى قىسىلعاندا نە ايتىپ، نە قويعانىن بىلمەي قالادى عوي. بالكىم، ۇكىمەتتىڭ قار استىندا قالىپ بارا جاتقان استىقتى قالاي قۇتقارامىز دەگەن «قاربالاس» قيمىلىنىڭ ناتيجە بەرمەي تۇرعانى جانە ۇكىمەتكە وتكىزە المايتىندارى بار ەگىنشىلەردىڭ «قىرسىعىپ»، سونشا كوپ استىق جيناعانى جانىنا باتتى ما ەكەن، ايتەۋىر، ومىرزاق شوكەەۆ ۇكىمەتتىڭ كەزەكتى ءبىر وتىرىسىندا ورتاعا وقىس وي تاستادى.

ۆيتسە-پرەمەر قازاقستاندا الاقانداي اەرودرمدار سالىپ، حالىقتىڭ كىشكەنتاي سامەلوتتەرمەن قاتىناۋىن قامتاماسىز ەتۋ كەرەك دەگەن عاجاپ يدەيا كوتەردى. شوكەەۆ مىرزا مۇنىڭ تيىمدىلىگىن افريكاداعى كەيبىر ەلدەردىڭ تۇرعىندارى وسىنداي سامەلوتتەرمەن كورشى تايپانىڭ دۇكەنىنىڭ الدىنا دەيىن ۇشىپ بار توپ ەتە قالاتىنىن مىسالعا كەلتىرە وتىرىپ دالەلدەپ باقتى. ۆيتسە-پرەمەردىڭ ەسەبى بويىنشا، قازاقستاندا جاڭادان سالىنعان جولداردى ۇستاپ تۇرۋ ءۇشىن 5 ملن. تەڭگە جىلىنا شىعىن جۇمسالادى ەكەن. ال، مىناۋ سامەلوتتەرمەن قاتىناۋ دەگەنىڭىز وتە-موتە قولايلى ءارى ءتيىمدى كورىنەدى. ءبىزدىڭ «باقىتىمىزعا» قاراي، ومىرزاق شوكەەۆتىڭ تىڭ يدەياسىن مۇقيات تىڭداعان پرەمەر مينيستر ورىنباسارى ايتقان ويدىڭ «كەرەمەت» ەكەنىندىگىنە باس شۇلعىپ، بۇل ۇسىنىستى جاقىن بولاشاقتا ىسكە اسىرۋعا كىرىسۋ قاجەتتىگىن قاداپ ايتتى.

كەيدە ادامنىڭ جانى قىسىلعاندا نە ايتىپ، نە قويعانىن بىلمەي قالادى عوي. بالكىم، ۇكىمەتتىڭ قار استىندا قالىپ بارا جاتقان استىقتى قالاي قۇتقارامىز دەگەن «قاربالاس» قيمىلىنىڭ ناتيجە بەرمەي تۇرعانى جانە ۇكىمەتكە وتكىزە المايتىندارى بار ەگىنشىلەردىڭ «قىرسىعىپ»، سونشا كوپ استىق جيناعانى جانىنا باتتى ما ەكەن، ايتەۋىر، ومىرزاق شوكەەۆ ۇكىمەتتىڭ كەزەكتى ءبىر وتىرىسىندا ورتاعا وقىس وي تاستادى.

ۆيتسە-پرەمەر قازاقستاندا الاقانداي اەرودرمدار سالىپ، حالىقتىڭ كىشكەنتاي سامەلوتتەرمەن قاتىناۋىن قامتاماسىز ەتۋ كەرەك دەگەن عاجاپ يدەيا كوتەردى. شوكەەۆ مىرزا مۇنىڭ تيىمدىلىگىن افريكاداعى كەيبىر ەلدەردىڭ تۇرعىندارى وسىنداي سامەلوتتەرمەن كورشى تايپانىڭ دۇكەنىنىڭ الدىنا دەيىن ۇشىپ بار توپ ەتە قالاتىنىن مىسالعا كەلتىرە وتىرىپ دالەلدەپ باقتى. ۆيتسە-پرەمەردىڭ ەسەبى بويىنشا، قازاقستاندا جاڭادان سالىنعان جولداردى ۇستاپ تۇرۋ ءۇشىن 5 ملن. تەڭگە جىلىنا شىعىن جۇمسالادى ەكەن. ال، مىناۋ سامەلوتتەرمەن قاتىناۋ دەگەنىڭىز وتە-موتە قولايلى ءارى ءتيىمدى كورىنەدى. ءبىزدىڭ «باقىتىمىزعا» قاراي، ومىرزاق شوكەەۆتىڭ تىڭ يدەياسىن مۇقيات تىڭداعان پرەمەر مينيستر ورىنباسارى ايتقان ويدىڭ «كەرەمەت» ەكەنىندىگىنە باس شۇلعىپ، بۇل ۇسىنىستى جاقىن بولاشاقتا ىسكە اسىرۋعا كىرىسۋ قاجەتتىگىن قاداپ ايتتى.

قۇداي قالاسا، اسپانداعى ايىرپلانداردىڭ كەپتەلىسىن كورۋگە دە از قالدى. ال، استىعىن اق قاردان قورعاشتاپ، اۋىل-ءۇيدىڭ الا سىرماعىن، ەسكى كىلەمدەرىن جيناپ ەسى شىعىپ جۇرگەن ەگىنشىلەردىڭ و دۇنيەنى قايدام، بۇ  دۇنيەدە قۇرامى وزگەرۋى ەكىتالاي ۇكىمەتكە دەگەن ادالدىقتارىنا ءالى داق تۇسپەگەنى تاڭقالدىرادى. ءسال بولماعاندا، ۇمىتقانداي ەكەنبىز، الگى كىشكەنتاي سامولەتتەردىڭ باعاسى 320 مىڭ ەۋرودان ءارى قاراي سامعاپ كەتە بارادى ەكەن.

«اباي-اقپارات»