مادەنيەت مينيسترلiگiندە وتىر

«قاسيەتتi شىعارما - قاسiرەتتەن عانا تۋادى». جەتi ايلىعىندا تiل بiتiپ، ون بiر ايىندا قاز باسقان قوس قىزى انار مەن جانارىنان ايىرىلعان اكە وسىلاي دەيدi. قايعى جەگەن كوڭiلدi دەمەيتiن «كوڭiلدiڭ تولقىنى» وسىنداي قاسiرەتتەن تۋىپتى. كۇيگە قۇمار جۇرت «اقجاۋىنداي» جاڭا تولعاۋدى دا ساعىنىپ ءجۇر. ءيا، تىلسىم دۇنيەنiڭ تابيعاتىن قوس iشەكتە تەربەتە بiلگەن سەكەن تۇرىسبەكوۆ قايدا ءجۇر ەكەن؟ Iزدەگەن كۇيشiمiزدi كولiن ساعىنعان «قوڭىر قازداي» الماتىسىنا ات باسىن بۇرا كەلگەن جەردە جولىقتىردىق.

- سەكەن مىرزا، «اقجاۋىننىڭ» استىنداعى قىزعالداق گۇلiندەي كۇي كەشكەن قارا حالىقتىڭ «كوڭiلiن تولقىتىپ»، جۇرەك قىلىن شەرتiپ، جۇباتا بiلگەن كۇي­دiڭ شەبەرiسiز. ازاماتتارى - قىرشىن، تiرشiلiكتەرi - تىلسىم بولىپ، جۇبانىش تابا الماي جۇرگەن قو­عام­دا كورiنبەي كەتكەن سياقتىسىز...

مادەنيەت مينيسترلiگiندە وتىر

«قاسيەتتi شىعارما - قاسiرەتتەن عانا تۋادى». جەتi ايلىعىندا تiل بiتiپ، ون بiر ايىندا قاز باسقان قوس قىزى انار مەن جانارىنان ايىرىلعان اكە وسىلاي دەيدi. قايعى جەگەن كوڭiلدi دەمەيتiن «كوڭiلدiڭ تولقىنى» وسىنداي قاسiرەتتەن تۋىپتى. كۇيگە قۇمار جۇرت «اقجاۋىنداي» جاڭا تولعاۋدى دا ساعىنىپ ءجۇر. ءيا، تىلسىم دۇنيەنiڭ تابيعاتىن قوس iشەكتە تەربەتە بiلگەن سەكەن تۇرىسبەكوۆ قايدا ءجۇر ەكەن؟ Iزدەگەن كۇيشiمiزدi كولiن ساعىنعان «قوڭىر قازداي» الماتىسىنا ات باسىن بۇرا كەلگەن جەردە جولىقتىردىق.

- سەكەن مىرزا، «اقجاۋىننىڭ» استىنداعى قىزعالداق گۇلiندەي كۇي كەشكەن قارا حالىقتىڭ «كوڭiلiن تولقىتىپ»، جۇرەك قىلىن شەرتiپ، جۇباتا بiلگەن كۇي­دiڭ شەبەرiسiز. ازاماتتارى - قىرشىن، تiرشiلiكتەرi - تىلسىم بولىپ، جۇبانىش تابا الماي جۇرگەن قو­عام­دا كورiنبەي كەتكەن سياقتىسىز...

- العاشقى كەزدە كونتسەرتتەرگە جەكە شىعىپ ءجۇردiم. تەك توقسان ءتورتiنشi جىلدان باستاپ، جيىنى جيىرما سەگiز ادامنان تۇراتىن «ساكەننiڭ ساز وتاۋى» دەگەن ماقساتپەن «اقجاۋىن» اتتى جەكە وركەسترiمدi قۇرعان بولاتىنمىن. سودان كەيiن 2001 جىلدان باستاپ، ەل پرەزيدەنتi جەكە ءجۇرiپ قينالاسىڭ دەپ، استاناعا شاقىرتىپ الدى. بارا سالىسىمەن ۋاقىتشا ەۆرازيا ۋنيۆەرسيتەتiندە تۇراقتادىم.. ۇجىمىم 2003 جىلى «اقجا­ۋىن» مەملەكەتتiك كامەرالى ۇلت-اسپاپتار وركەسترi دەڭگەيiنە كوتەرiلدi. قازiر وسى قۇرامدا اكiمشiلiك جۇمىسشىلارىن قوسىپ ەسەپتەگەندە، جالپى سانى قىرىق بiر ادام قىزمەت ەتۋدەمiز. مادەنيەت كۇندەرiنە وراي كونتسەرتتەر بەرiپ جۇرەمiز، شەتەلدەرگە شىعىپ تۇرامىز دەگەندەي...

- دەسە دە، ونەردiڭ قايناعان ورتاسى الماتىدا ەمەس پە؟ تاپسىرىسپەن كونتسەرت قويۋدان شارشاعان جوقسىز با؟..

- شۇكiر... پرەزيدەنتتiڭ مادەنيەت ورتالىعىنان باستاپ، «كونگرەسس حولل»، «جاستار سارايى»، «پيراميدا» سىندى ورتالىقتاردا كونتسەرت قويامىز. شۇكiر دەيمiن، استانا انا­عۇرلىم قازاقىلانىپ كەلە جاتىر. ۇلتتىق ونەرگە دەگەن قىزىعۋشىلىق ارتىپ كەلەدi.

- وركەسترiڭiزدiڭ مەملەكەتتiك دەڭ­گەيگە اۋىسقانىن ايتتىڭىز. ساراي جىر­شى-كۇيشiلەرiنiڭ قاتارىنا ەنگەننەن بەرi شىعارماشىلىق ەركiن­دiك­تەن قول ءۇزiپ قالعان جوقسىز با؟

- جوق. سەبەبi - وركەسترiمنiڭ جوسپارىن تۇگەلدەي ءوزiم بەكiتەمiن. وعان مادەنيەت مينيسترلiگiنەن ەشكiم دە كەلiپ قول سۇقپايدى. سول مينيسترلiكتەن ارتiستەردiڭ كيiمi, وتىرعان عيماراتىمىز، پايدالاناتىن اسپاپتارىمىز­عا تام-تۇمداپ قانا قارجى الامىن. اۋىز تولتىراتىنداي ماردىمدى قارجىنىڭ كوزiن كورە الماي وتىرمىن.

- پرەزيدەنتكە جاقىن جۇرگەن وركەستر رەتiندە جەڭiلدiك جاسالماي ما؟

-جوق، ويتكەنi وركەسترلiك شىعارمالارعا ارانجيروۆكا جاساۋعا كەلگەندە، قارجىنى ءوز قالتامنان شىعارۋىما تۋرا كەلەدi. بiر كۇيدi تاسپاعا باسۋدىڭ ءوزi 400 مىڭ تەڭگەنi قاجەت ەتەدi. ال وعان كليپ ءتۇسiرiپ، تەلەجاشiكتەن كورسەتۋگە كەتەتiن سومانى مۇلدە ايتپاي-اق قويىڭىز. استاناعا بارعالى «كۇلتەگiن»، «كوك ءبورiنiڭ جورتۋى»، «جازعى قار»، «اقجۇنiس» اتتى ءتورت كۇيدi جارىققا شىعاردىم. سونىمەن قاتار ەكi-ءۇش ءاننiڭ دە تۇساۋىن كەسكەن جايىم بار. سەگiز جىلدا بۇل دا از جەتiستiك ەمەس. ويتكەنi مەن ساننان گورi ساپاعا ءمان بەرەتiن اداممىن. وسى ۋاقىتقا دەيiن ون ەكi كۇيiم ومiرگە كەلسە، سونىڭ ون بiرiن وركەستر ورىندايدى. حالىق كومپوزيتورلارىنان باستاپ، باتىس كومپوزيتورلارىنىڭ دا ەڭبەكتەرiن جوسپارىمىزدان تىس قالدىرىپ وتىرعان جوقپىز.

- اۋىل-ايماقتاعى كلۋبتاردىڭ اۋزىنا قارا قۇلىپ iلiنگەننەن بەرi, ونەردiڭ ورتاسى تەلەديدار بولىپ، ونەر يەلەرi حالىقتان اناعۇرلىم الىستاپ كەتتi. استانادا وتىرىپ، بەتتەرiن ءاجiم باسقان اقىلگوي اتالار مەن تiلەكشi اجەلەردi ساعىنبايسىز با؟

- ارينە، ساعىنامىن. بiراق حالىقتىڭ ورتاسىنا شىعۋدى قويىپ، تەلەديدارعا شىعۋدىڭ ءوزi مۇڭ بولىپ كەتتi. سەبەبi, بiر كونتسەرتiمiزدi كوگiلدiر ەكراننان كورسەتۋ ءۇشiن تەلەۆيدەنيەگە 1 ميلليون تەڭگەگە جۋىق قارجى تولەۋiڭ كەرەك. سوندىقتان كونتسەرتiمiز قويعان جەرiندە قالىپ جاتىر.

- سەكەن مىرزانىڭ كورiنبەي كەتكەنi دە وسىدان با، سوندا؟

- ارينە. بۇرىن اۆتوردى كەرەك ادام ءوزi iزدەيتiن. قازiر ءبارi ساۋداعا ءتۇسiپ كەتكەن. سوندا بۇل تەلەۆيدەنيە ۇلت ءۇشiن جۇمىس iستەي مە، جوق پا؟ راديودا دا وسى ءۇردiس. ايتپەسە ماقتان تۇتارلىق «وتىرار سازى» مەن «قۇرمان­عازىدان» باستاپ، وبلىستىق وركەستر­لەر جەتiپ ارتىلادى عوي. سولاردىڭ شىعارمالارىن نەگە حالىققا ۇسىنباسقا؟ ال اۋىلعا شىعۋ ماسەلەسiنە كەلسەك، وركەستردەگi بەس-التى ادامنىڭ ءوزiن الىپ ءجۇرۋ مەن ءۇشiن وڭايعا تۇسپەي وتىر. جاتىن ورىن مەن جول اقىسى، iشەتiن تاماقتارى بار دەگەندەي. بيلەتتi ساتۋدان تۇسەتiن قارجى وسىنىڭ ءبارiن اقتاي المايدى. الىس ايماققا شىعا الماي جۇرگەندiگiمنiڭ سەبەبi - وسى. بiز بيلەتiمiزدi ەكi ءجۇز تەڭگەگە ارەڭ وتكiزەمiز. ال ورىستار پۋگاچەۆانىڭ ءجۇز مىڭ تەڭگەلiك كونتسەرتiنە قارىز السا دا بارىپ جاتادى.

- «شىداماعان بۋاز يتiن جۇگiرتە­دiنiڭ» كەبiن كيگەندiكتەن بە، قازاقتىڭ كۇيiن ەستراداعا قوسۋ ادەتi شىقتى. بۇل بارا-بارا بابا كۇيدiڭ تامىرىنا بالتا شاپپاي ما؟

- باستابىندا بۇعان مەن دە قارسى بول­عانمىن. ءوزiڭنiڭ ءتول شىعارماڭ بولسا، قالاي يلەكتەسەڭ دە بولادى. ال حالىق كومپوزيتورلارىنىڭ كۇيلەرiن تالكەككە اينالدىرىپ تاستاۋ - ءجون ەمەس. قۇرمانعازى مەن تاتتiمبەت تiرiلiپ كەلسە، توبەمiزدi ويىپ الار ما ەدi دەپ ۇرەيلەنەمiن. بiراق ولاردىڭ iشiندە دە ارا-تۇرا ءساتتi شىققاندارى بار. سوندىقتان كۇيدi ەستراداعا سالعاندا، اۋەزدiلiگiنiڭ جوعالماۋ جاعىن ويلاستىرىپ الۋ كەرەك. حالىق اندەرiنiڭ اۋەنiن اركiم ءوزiنiڭ ىڭعايىنا نەگiزدەپ جازدىرتادى. شاكارiم اتامىز:

«ءان ولشەۋiش، ولەڭ كۇمiس،

قوسپاڭىز مىس ارالاس.

ارتىق الۋ، نە كەم سالۋ،

قاپى قالۋ جاراماس»، -

دەپ بەكەر ايتتى دەيسiز بە. سوندىقتان ءاننiڭ يiرiمiن بۇزۋ - كەشiرiلمەيتiن كۇنا. قازiرگi تاڭدا ءان جازاتىندار كوپ. بiراق سولاردىڭ كوبiنiڭ اسەرi جوق.

- كۇي ونەرi - قازاقتان باسقا ۇلتتا جوق قاسيەت. الەمدە بار ساز اسپاپتارىنىڭ ءۇنiن قازاقتىڭ قارا دومبىراسىنا سالىپ اۋەلەتكەن وسى بiر ۇلتتىڭ ءۇنi قوعامنىڭ بۇگiنگi كۇيiمەن بiرگە كومەسكi تارتىپ بارا جاتقان جوق پا؟

- كۇي شىعارۋ جوقتىڭ قاسىنا اينالىپ كەتتi دەسەم دە بولادى. اۋەزوۆ اتامىز ايت­قانداي، قازاق ونەرiنiڭ iشiندەگi ەڭ تولعاۋلىسى ءارi سىرلىسى - كۇي ونەرi. بۇل - قازاققا عانا ءتان ونەر. باتىستىڭ سيمفونياسى وتىز مينۋت ۋاقىتتى السا، قازاقتىڭ كەز كەلگەن كۇيiن ءتورت-بەس مينۋتقا سىيعىزۋعا بولادى. بiراق كۇي جازۋ ەكiنiڭ بiرiنiڭ قولىنان كەلە بەرمەيدi. كەيiنگi ون بەس جىلدا كۇي ونەرiندە توقىراۋ بار. كەزiندە «وتىرار سازى» وركەسترi ومiرگە كەلگەندە، جۇرت ەلەڭ ەتە ءتۇستi. جاپپاي فولكلورعا دەگەن سۇرانىس كوبەيiپ، وركەستر قۇرۋعا تالپىنىس ارتتى. قازiرگi كەزدە ۇلتتىق ونەردi اڭساپ، شولiركەگەندi بايقامادىم. بەرەرi دە شامالى جەڭiل جانرلارعا قاراي ويىسىپ بارامىز. سوندىقتان ۇلتتىق قۇندىلىقتاردى بەسiكتەگi بالانىڭ قۇلاعىنا قۇيۋدى ادەتكە اينالدىرۋ قاجەت. مىسالى، مەكتەپ قابىرعاسىنان باستاپ، جوعارى وقۋ ورىندارىنىڭ ۇزiلiسكە شىعۋ ۋاقىتىندا كۇمبiرلەگەن كۇيدi ويناتىپ قويسا، قانداي تاماشا بولار ەدi. بۇگiن بەسiك جىرىن ايتاتىن اجەلەردi دە كەزدەستiرمەيتiن بولدىق قوي.

- باتتيتىپ باعدارلاما جاساپ، ارا-تۇرا كونتسەرت بەردi دەگەن اتى بولماسا، وركەسترلەر مەن فيلارمونيالار، كونتسەرت بiرلەستiگi سىندى مەكەمەلەردiڭ ارتiستەرiن اسىراپ وتىرعان قازاقتىڭ تويى بولىپ تۇرعان سياقتى...

- تابىستارى ماردىمسىز بولسا قايتەدi. Iشەر تاماعىنان باستاپ، كيەر كيiمi مەن سالاتىن انiنە جازدىراتىن ارانجيروۆكانىڭ شىعىنىن قايدان تابادى؟ بiراق كوپ ءانشi حالىقتىڭ جاعدايىمەن ساناسپاي، ءان ايتۋ باعاسىن ءوسiرiپ جiبەرگەن سىڭايلى. قارىزدانىپ-قاۋعالانىپ توي جاساپ وتىرعان حالىقتىڭ قالتاسى ولاردىڭ قۇلقىنىنا جۇق بولمايدى. ءسويتiپ، ارادا دەلدالدىق كەلiسiم جۇرەدi. ونەردi ساۋداعا سالدى دەگەن - وسى. ءوز باسىم، تويعا بارىپ كۇي تارتقان ەمەسپiن. وركەسترiمنەن دە بiر ادامدى تويعا شىعارتپايمىن. كۇيدiڭ كيەسi قاتتى بولعاندىقتان، اراق-شاراپ بولعان جەرگە جولاتقىم كەلمەيدi.

- بۇرىندارى اتاق دەگەننiڭ ابىرويى مىعىم ەدi. قازiر قۇنى ارزىمايتىن بولىپ قالعانداي. سوندا كiمنiڭ قادiرi كەتتi ەكەن: ونەردiڭ بە، ونەرپازدىڭ با؟..

- ەكi جاقتان دا بار. سەبەبi, كەيبiرەۋلەر سول اتاقتى تامىر-تانىستىقپەن الىپ جاتىر. بiر جىلدارى 160 ادامعا بiردەي «قازاقستان­عا ەڭبەك سiڭiرگەن ءارتiسi» اتاعى بەرiلدi. سودان بەرi اتاق دەگەندi مويىندامايمىن. ءوز باسىم، جيىرما سەگiز جاسىمدا كومسومولدار سىيلىعىن، وتىزدان اسقانىمدا «رەسپۋبليكاعا ەڭبەگi سiڭگەن ءارتiس» اتاعىن الدىم. كەزiندە مۇنىڭ ءوزiن ەرتە بەرiلگەن اتاق دەگەن اڭگiمە تارادى. سودان بولار، اتاق دەگەنگە قۇلشىنىسىم ازايدى. ادال ەڭبەك ەتسەڭ، iزدەۋشiنiڭ تابىلاتىنىنا كوزiم جەتتi.

- بiراق شىنايى تالانتتاردى ەلەپ-ەسكەرiپ، iزدەپ جاتقان ۇكiمەت بار ما، ءوزi?

- اركiم ءوز قوتىرىن ءوزi قاسىپ كەتكەن زامان بولدى. مادەنيەت مينيسترلiگiندە ونەرگە دەگەن بەتبۇرىس جوق. باسشىلىقتا ۇلتتىق ونەردi سەزiنبەك تۇگiلi, سەلت ەتپەيتiن ادامدار وتىر. قايدا بارا جاتىرمىز، قالاي داميمىز، ماقساتىمىز نە دەگەن سۇراقتاردىڭ تامىرىنا بالتا شابىلعان.

-جالپى، ونەر ادامى قوعامنىڭ ەڭسە تۇسiرەر تۇستارىن جانىمەن تۇسiنەدi. سول تۇستا ساياسات دەگەن جارىقتىق ونەردi اينالىپ وتپەيتiنi حاق. تiپتi ۇلكەن ساياساتتاعى وزگەرiستەردiڭ ءوزi وسى مادەنيەت پەن ونەردەگi تۇلعالاردىڭ ارالاسۋىمەن جاسالادى. ماسەلەن، ماڭگi پرەزيدەنت دەگەن باستاما كوتەرiلiپ جاتىر. تiرi ادامعا ەسكەرتكiش ورناتىلىپ، قازاق حاندارىنا قويىلاتىن ەسكەرتكiشتەر ايدالاعا تاستالدى. وسىنداي سايا­ساتتىڭ سوڭى قايدا اپارادى دەپ ويلايسىز؟

- ساياساتقا مەنi ارالاستىرماي-اق قويساڭىز قايتەدi...

- سiز سياقتى ازامات جاۋاپ بەرەدi-اۋ دەپ قويعان ساۋالىم ەدi, مەيلi, ەركiڭiز بiلسiن... ەندەشە، بۇگiنگi كۇنi سiزدi نەندەي ويلار مازالايدى؟

- وتكەن جىلدارمەن سالىستىرعاندا، قازiرگi جاعدايىمىزعا ءتاۋبا دەيمiن.

- قازاقستان مونارحيالانىپ كەتكەن جوق پا؟ بارشا قازاق باي-كەدەي بولىپ ءبولiنiپ، بiر-بiرiنەن الشاقتاپ كەتكەن ءتارiزدi...

- ونى راستايمىن. سوندىقتان رۋحىمىز كۇشتi بولۋى قاجەت. «ءسوزiڭنiڭ سيقى تۇزەلمەي، كوزiڭنiڭ جاسى قۇرعاي ما؟» دەگەندەي، تiل مەن مادەنيەتiمiزدi ەگiز كورۋiمiز قاجەت. ال ونى سەزiنبەگەن ادام كەز كەلگەن ۋاقىتتا وتانىن ساتىپ كەتە بەرەدi.

- «مالدان بۇرىن جان قايعى» بولىپ تۇرعان زاماندا رۋحتىڭ دا كادەگە جاراماي قالاتىن ءتۇرi بار. ونى قايدا قوياسىز؟

- بiزدەن كەتكەن بiر قاتەلiك - اۋىلدى تاراتىپ، توزدىرىپ تاستاۋ بولدى. كەزiندەگi كولحوز، سوۆحوز دەگەن بiرلەستiك قالۋى كەرەك ەدi. جەكە مەنشiك دەگەن دۇنيە بiزگە جاقسىلىق اكەلمەدi. ويتكەنi ءبارi قارجىعا كەلiپ تiرەلەدi. ەككەن ەگiندەرiن ورايىن دەسە، جانارمايدىڭ باعاسى ۇشىپ تۇر. «بىلاي تارتسا وگiز ءولiپ، بىلاي تارتسا اربا سىنادىنىڭ» كەبi. بۇل - جوعارىدا وتىرعان شەنەۋنiكتەردiڭ سالعىرتتىعىنان تۋعان كۇيزەلiس. اينالىپ كەلگەندە، اۋىل سۋدان شىعىپ قالعان بالىقتىڭ كۇيiن كەشiپ قالدى. جولىن تاپقاندار عانا تىعىرىقتان شىعىپ جاتىر.

قاي زاماندا دا، قوعامدا ادiلەتتiلiكتiڭ بولمايتىنى، شىندىقتىڭ تۇبiنە جەتپەيتiنi راس. شەتiنەن قۋدالاپ، ودان قالسا اباقتىعا جاۋىپ جاتىر. ءبارi جۇگەنسiز كەتتi. اينالىپ كەلگەندە زاردابىن حالىق كورۋدە.

- بالكiم، وسىنىڭ ءبارi جۇگەندi ۇستاپ وتىرعان باسشىنىڭ قاراشانىڭ جاي-كۇيiمەن ساناسپاي وتىر­عاندىعىندا بولار؟

- پاتشامىز قاي وبلىسقا بارسا دا، اكiمدەر جاقسى جەرلەرiن عانا كورسەتەدi. قالايدا كوزiن الداپ، تەزiرەك اتتاندىرىپ جiبەرۋگە تىرىسادى. ال كەتكەن سوڭ، كۇندەلiكتi تiرلiكتەرiن جالعاستىرا بەرەدi. ءوز باسىم ەڭبەگiن مويىندايتىن ءۇش-ءتورت-اق اكiم بار. قالعاندارىنىڭ ءبارi - قاتارداعى جاۋىنگەرلەر.

- بۇگiنگi كۇنi ۇرپاق تاربيەسi تۋرالى كوپ ايتىلاتىن بولدى. ازاماتتاردىڭ ارى تاپتالىپ جاتقان كەرەعار زاماندا، بالاسىن اسىرايمىن دەپ بازار جاعالاپ كەتكەن ايەل زاتىنا سوگiس ايتۋدىڭ ءوزi ارتىق سەكiلدi.

- ەشقايسىسى قورىقپاستان حالىقتىڭ اقشاسىنا قول سالىپ جاتىر. اسپاننان تۇسسە دە، اركiمنiڭ ارتىندا قالار ۇرپاعى بار ەمەس پە؟ سونى نەگە ويلامايمىز؟ كەيدە قاراپ وتىرساڭ، كوپ ماسەلە قولدان جاسالاتىن ءتارiزدi. كiنالiلەردiڭ ورنىنا جازىقسىزدار كەتiپ جاتىر. ناقاق كوزدەن جاس اعۋدا. اق پەن قارانىڭ اراجiگiن اجىراتىپ وتىراتىن اقساقالدارىمىز بولۋشى ەدi, وعان دا زار بولدىق.

- بيلiكتە دە اقساقالدارىمىز جوق ەمەس قوي. «ساقالىن ساتقان كارiدەن - ەڭبەگiن ساتقان بالا ارتىق» دەۋشi ەدiك. قازiر كەرiسiنشە اقساقالداردان دا كەمەڭگەرلiك كەتiپ قالدى دەگەنiڭiز بە؟

- ارينە. بالاسىمەن بiرگە وتىرىپ اراق iشiپ، بيزنەسiن بiرگە اڭگiمەلەيتiن قاريالار وسىعان دالەلi ەمەي نەمەنە؟.. نەمەرەلەرi ءۇيiرiلiپ جانىندا جۇرەتiن اتالاردى ساعىنامىن. لاۋازىمدى ورتادا وتىرعان ادامداردىڭ بالالارى بiرiنشi بوپ تارتiپسiزدiككە بوي الدىرادى. وسىنىڭ ءبارi دۋالى اۋىز اقساقالدارىمىزدىڭ قادiر-قاسيەتiنiڭ كەتكەندiگiندە.

- ەندi اڭگiمە قۇلاعىن باسقاعا بۇرالىق. سەكەن مىرزانىڭ ساندىعىندا جاتقان قانشا كۇي بار ەكەن؟ ەل ەڭسەسiن كوتەرiپ، سiركiرەگەن «اقجاۋىننان» الىپ شىعار اۋەندi قاشان ەستيمiز؟

- وسى ۋاقىتقا دەيiن ون ەكi كۇيiم جارىققا شىعىپتى. كەلەسi جىلى «اقجاۋىن» مەن «كوڭiل تولقىنىنا» 25 جىل تولادى. سوعان وراي بiرنەشە كۇيلەرiمدi تاسپاعا جازدىرماق جوسپارىم بار. شەتەلدەن كەلگەن قوناقتارعا ۇلتتىق برەندiمiز دەپ ۇيالماي كورسەتەتiن دۇنيە جوق. سول سەبەپتi قازاقستاننىڭ كورiكتi جەرلەرiنiڭ كورiنiسiمەن بiرنەشەۋiنە كليپ تۇسiرسەم دەگەن ويدامىن. ولارعا جاپقان شاپانىمىز بەن ويىنشىق كيiز ءۇيiمiز iشكەن-جەگەن جەرلەرiندە قالىپ قويادى. ال جاڭا شىعار كۇيگە كەلەر بولسام، ول بولاشاقتىڭ ەنشiسiندە. جاس ۇلعايعان سايىن كۇيگە دە ۇلكەن سالماقپەن قارايدى ەكەنسiڭ. قاسيەتتi شىعارما قاسiرەتپەن عانا كەلەتiن كورiنەدi ماعان. ءسiرا، بۇل دا كۇيدiڭ قاسيەتiنەن بولار.

- ول كۇيگە قانداي قاسiرەت تۇرتكi بولار ەكەن؟

- قوعامنىڭ كەيبiر قايشىلىقتارى كوڭiل-كۇيiمە قاتتى اسەر ەتەدi. سوندىقتان بولار، كوبiنە ادامداردان اۋلاق جۇرگەندi ۇناتامىن. كەيبiر كەلەڭسiز جايتتارعا تاپ بولعانىمدا، اڭعا شىعىپ، باسسەينگە سۋعا ءتۇسiپ، شاڭعى تەۋiپ، بيلياردقا بارىپ دەگەندەي ءوزiمدi جۇباتامىن. سونداعى سان ساققا جۇگiرەتiن ويلار دومبىراما كۇمبiرلەگەن كۇي بولىپ ورالادى.

دينار

كاميلوۆا،

«D»

«وبششەستۆەننايا پوزيتسيا»

(پروەكت «DAT» № 8 (33) وت 25 نويابريا 2009 گ.