جوعارىداعى سۋرەتتى العاش كورگەندە ويىما الگى، سۋ ىشكەن قۇدىعىنا تۇكىرگەن قاشقىن كۇيەۋ راحات اليەۆتىڭ «كرەستنىي تەست» اتتى كىتابىندا «پرەزيدەنتتىڭ اينالاسىنداعىلار الدىنا ەڭبەكتەپ بارىپ، اياعىن سۇيەدى» دەگەن سىڭايدا جازعان بىلدىبادامى ءتۇستى. العاش وقىعاندا ونىڭ وسىناۋ جازعاندارىنا ونشا ءمان بەرمەي، جىلى جاۋىپ قويا سالعانمىن. مىنا سۋرەتتى كورگەننەن سوڭ «قايتا وقيمىن با، قايتەمىن» دەگەن ويعا قالدىم.

بالا كۇنىمدە كىتاپتى كوپ وقىدىم. بىراق، جاتتاعان جوقپىن. تەك ۇلى ويشىلدار اباي مەن شاكارىمنەن بولماسا، الدەكىمگە ۇقساپ، وقىعاندارىمنان ءۇزىندى دە كەلتىرمەيمىن. الايدا، مەنىڭ بالالىق سانامدا جاتتالىپ قالعان ءبىرلى-جارىم كىتاپتىڭ ەكەۋى كەشە عانا 70 جاسقا تولعان تويىن بارشا قازاق ەلى بولىپ اتاپ وتكەن ءابىش كەكىلباەۆتىكى بولاتىن. ماسەلەن، ارالدىڭ پروبلەماسىنا بايلانىستى جازعان ماقالامدا مەن ءابىش اعامنىڭ «قۇدىقشى» اتتى كلاسسيكالىق ەڭبەگىنە سىلتەمە جاساپ، ۇستىرتتە جاسىرىن بومبا سىناعان كەڭەس ۇكىمەتىنىڭ كەكىلباەۆ جازعان كاسپي مەن ارال تەڭىزدەرىنىڭ ورتاسىنداعى جەراستى وزەنىنىڭ ارناسىن بۇزىپ، ارالدى تۇنشىقتىرعانىن دالەلدەۋگە تىرىسقان ەدىم.

جوعارىداعى سۋرەتتى العاش كورگەندە ويىما الگى، سۋ ىشكەن قۇدىعىنا تۇكىرگەن قاشقىن كۇيەۋ راحات اليەۆتىڭ «كرەستنىي تەست» اتتى كىتابىندا «پرەزيدەنتتىڭ اينالاسىنداعىلار الدىنا ەڭبەكتەپ بارىپ، اياعىن سۇيەدى» دەگەن سىڭايدا جازعان بىلدىبادامى ءتۇستى. العاش وقىعاندا ونىڭ وسىناۋ جازعاندارىنا ونشا ءمان بەرمەي، جىلى جاۋىپ قويا سالعانمىن. مىنا سۋرەتتى كورگەننەن سوڭ «قايتا وقيمىن با، قايتەمىن» دەگەن ويعا قالدىم.

بالا كۇنىمدە كىتاپتى كوپ وقىدىم. بىراق، جاتتاعان جوقپىن. تەك ۇلى ويشىلدار اباي مەن شاكارىمنەن بولماسا، الدەكىمگە ۇقساپ، وقىعاندارىمنان ءۇزىندى دە كەلتىرمەيمىن. الايدا، مەنىڭ بالالىق سانامدا جاتتالىپ قالعان ءبىرلى-جارىم كىتاپتىڭ ەكەۋى كەشە عانا 70 جاسقا تولعان تويىن بارشا قازاق ەلى بولىپ اتاپ وتكەن ءابىش كەكىلباەۆتىكى بولاتىن. ماسەلەن، ارالدىڭ پروبلەماسىنا بايلانىستى جازعان ماقالامدا مەن ءابىش اعامنىڭ «قۇدىقشى» اتتى كلاسسيكالىق ەڭبەگىنە سىلتەمە جاساپ، ۇستىرتتە جاسىرىن بومبا سىناعان كەڭەس ۇكىمەتىنىڭ كەكىلباەۆ جازعان كاسپي مەن ارال تەڭىزدەرىنىڭ ورتاسىنداعى جەراستى وزەنىنىڭ ارناسىن بۇزىپ، ارالدى تۇنشىقتىرعانىن دالەلدەۋگە تىرىسقان ەدىم.

ال، ول كىسىنىڭ «بايگەتورى» اتتى ەڭبەگى مەنىڭ ەندى ەر جەتىپ، مۇرتىم تەبىندەپ كەلە جاتقانداعى جاستانىپ وقىعان كىتابىم. كلاستاس قىزدارعا كوزىمنىڭ استىمەن قاراي باستاعان شاعىمدا بايگەتورىنىڭ قاسىنا اكەلىپ، ادەيى قوسىپ كەتكەن بايتالعا قالاي قىرىنداي قاراپ، قالاي بارىپ جاناسقانىن، قالاي شاپقانىن، سوندا قانداي سەزىم كەشكەنىن وقىپ جاتىپ، قالعىپ كەتكەندە كورگەن ءتۇسىمدى - تۇسىمدە العاش رەت ارۋ قۇشىپ، بالالىق ساناعا بەلگىسىز سونشالىقتى ءبىر راحات سەزىمگە كەنەلىپ، ەركەكتىكتىڭ نە ەكەنىن ۇققانىمدى قالاي ۇمىتارمىن. وتار سوڭىندا جۇرگەن جامان جابىنىڭ ءتۇز تاعىسىن قۋعاندا بورساڭداپ جۇگىرە الماي، ءبۇيىرىن قويشىنىڭ تاعاسى تەسىپ، تۇششى ەتىنە اششى قامشى ءتيىپ، ساۋىرى ۋداي اشىعاندا بەيكۇنا بالالىق شاعىن - ۋىزعا تويىپ، شاپقىلاپ جۇرگەن قۇلىن كەزىن ەسىنە الىپ، ويحوي كەلىپ كوسىلگەنىن كەلىستىرىپ تۇرىپ سۋرەتتەپ، جابىدان دا جۇيرىك شىعارىن، تەك باعالاي ءبىلىپ، باعىن اشار ءسات تۋسا بولعانىن سۋرەتتەگەن جازۋشىنى سودان بەرى ءپىر تۇتۋشى ەدىم. اسقار تاۋ رەتىندە سانايتىنمىن. نەشەمە مارتە ءساتى كەلىپ تۇرسا دا الدىنا بارىپ، قولىن المادىم. سەبەبى، ساياسات جۇگەن سالعاندىقتاندا ەرتەرەكتە، ەلىن رەسەيدىڭ جاۋلاپ العانىنا 250 جىل تولعانىنا ارناپ رومان جازىپ، بەرىرەكتە، استانانى ۇلىقتاۋعا ماقالا ارناعان اعامنىڭ پەندەلىگىن كورمەيىنشى دەگەن ەدىم. سول ءبىر بالالىق سانامدا قالىپتاسقان ۇلى جازۋشى كۇيىندە قالسىنشى دەگەن ەدىم. جازمىشتان وزمىش جوق ەكەن. مەن ءپىر تۇتقان ادام، پەندەشىلىك تانىتتى. جوعارىداعى سۋرەتتى كورگەن ساتتەن باستاپ مەنىڭ اسقار تاۋىم قۇلادى! كۋميرىم كەلمەسكە كەتتى. تەك ساعىمعا اينالىپ، اتقان تاڭ، باتقان كۇنمەن بىرگە رياسىز الىستاپ بارا جاتقان بالالىق شاعىمنىڭ سانامدا جاتتالىپ قالعان ەستەلىگىمەن قوشتاسقىم كەلمەي، قينالىپ وتىرمىن...

«قازاقستان» اپتالىعى، №46-47 (286-287), 10-جەلتوقسان، 2009