تايلاندتا بورتىنداعى قارۋ-جاراقپەن ۇستالعان ۇشاقتىڭ ەكيپاجى قازاقستاندىق ازاماتتاردان قۇرالعان – ازاماتتىق اۆياتسيا كوميتەتى
الماتى. 13 جەلتوقسان. قازتاگ - ديليارام اركين. تايلاندتا بورتىنداعى 35 توننا قارۋ-جاراقپەن ۇستالعان يل-76 ۇشاعىنىڭ ەكيپاجى قازاقستاندىق ازاماتتاردان قۇرالعان. بۇل اقپاراتتى قازتاگ تىلشىسىنە كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتىنىڭ توراعاسى راديبەك ءاديمولدا حابارلادى.
«بورتتىق نومەرى 4L- AWA يل-76 ۇشاعى گرۋزيا جاعىنا تيەسىلى. ەكيپاجى قازاقستاندىقتاردان قۇرالعان. ولار – بورت ۇشقىشتارى الەكساندر زرىبنەۆ، ۆيكتور ابدۋللاەۆ، ۆيتالي شۋمكوۆ جانە كەمە كومانديرى ءىلياس ىسقاقوۆ. بارلىعى - گرۋزيا جاعى جالداعان قازاقستان ازاماتتارى»، - دەدى ر. ءاديمولدا.
قازىر قر ءسىم بولعان وقيعانىڭ ءمان-جايىن انىقتاۋدا.
«قازاقستاننىڭ بانگكوكتاعى ەلشىلىگى وقيعانىڭ ءمان-جايىن انىقتاپ جاتىر. بىزدە ازىرگە اقپارات جوق»، - دەدى قازتاگ-قا قر ءسىم ءباسپاسوز حاتشىسى ءىلياس وماروۆ.
تايلاند باق-تارىنىڭ حابارلاۋىنشا سەنبى كۇنى، 12-ءشى جەلتوقساندا، بانگكوكتا بورتىندا 35 توننا قارۋ-جاراعى بار يل-76 ۇشاعى ۇستالعان. ۇشاق كحدر-دان ۇشىپ شىققان جانە باستاپقىدا جانارماي قۇيۋ ءۇشىن جوبالانعان شري-لانكانىڭ ورنىنا بانگكوكتاعى دون مىانگ اۋەجايىنا قونعان، سو كەزدە ۇستالعان.
الماتى. 13 جەلتوقسان. قازتاگ - ديليارام اركين. تايلاندتا بورتىنداعى 35 توننا قارۋ-جاراقپەن ۇستالعان يل-76 ۇشاعىنىڭ ەكيپاجى قازاقستاندىق ازاماتتاردان قۇرالعان. بۇل اقپاراتتى قازتاگ تىلشىسىنە كولىك جانە كوممۋنيكاتسيا مينيسترلىگىنىڭ ازاماتتىق اۆياتسيا كوميتەتىنىڭ توراعاسى راديبەك ءاديمولدا حابارلادى.
«بورتتىق نومەرى 4L- AWA يل-76 ۇشاعى گرۋزيا جاعىنا تيەسىلى. ەكيپاجى قازاقستاندىقتاردان قۇرالعان. ولار – بورت ۇشقىشتارى الەكساندر زرىبنەۆ، ۆيكتور ابدۋللاەۆ، ۆيتالي شۋمكوۆ جانە كەمە كومانديرى ءىلياس ىسقاقوۆ. بارلىعى - گرۋزيا جاعى جالداعان قازاقستان ازاماتتارى»، - دەدى ر. ءاديمولدا.
قازىر قر ءسىم بولعان وقيعانىڭ ءمان-جايىن انىقتاۋدا.
«قازاقستاننىڭ بانگكوكتاعى ەلشىلىگى وقيعانىڭ ءمان-جايىن انىقتاپ جاتىر. بىزدە ازىرگە اقپارات جوق»، - دەدى قازتاگ-قا قر ءسىم ءباسپاسوز حاتشىسى ءىلياس وماروۆ.
تايلاند باق-تارىنىڭ حابارلاۋىنشا سەنبى كۇنى، 12-ءشى جەلتوقساندا، بانگكوكتا بورتىندا 35 توننا قارۋ-جاراعى بار يل-76 ۇشاعى ۇستالعان. ۇشاق كحدر-دان ۇشىپ شىققان جانە باستاپقىدا جانارماي قۇيۋ ءۇشىن جوبالانعان شري-لانكانىڭ ورنىنا بانگكوكتاعى دون مىانگ اۋەجايىنا قونعان، سو كەزدە ۇستالعان.
بەس ادامنان تۇراتىن ەكيپاج – قازاقستان ازاماتتارى: 53 جاستاعى الەكساندر زرىبنەۆ، 58 جاستاعى ۆيكتور ابدۋللاەۆ، 54 جاستاعى ۆيتالي شۋمكوۆ پەن 53 جاستاعى ءىلياس ىسقاقوۆ، سونداي-اق، 54 جاستاعى بەلورۋسيا ازاماتى ميحايل پەتۋحوۆ قاماۋعا الىندى. باق اقپاراتىنا سايكەس، ۇشقىشتاردىڭ وزدەرى كحدر-دان تاسىمالداعان جۇكتىڭ نە ەكەنىن بىلمەگەندەرىن ايتقان.
«كوپ جاعدايدا ەكيپاج جاشىكتەرگە سالىنعان جۇكتىڭ نە ەكەنىن بىلمەيدى، سەبەبى ولاردى اشۋعا قۇقىعى جوق. ال جۇككە جاۋاپكەرشىلىكتى ونى اتتاندىرۋشى جانە قابىلداۋشى جاق كوتەرۋگە ءتيىس!»، - دەيدى ر. ءاديمولدا.
بۇل رەتتە قازاقستاننىڭ اۆياتسيالىق ساراپشىلاردىڭ پىكىرىنشە، قازاقستاندىق اۋە كومپانيالارىن ەۋرووداقتىڭ «قارا تىزىمىنە» ەنگىزگەلى بەرى كوپتەگەن قازاقستاندىق ۇشقىشتار جۇمىسسىز قالعان.
«اۆياتورلار بۇرىنعى وداقتىڭ باسقا كومپانيالارىمەن كەلىسىمشارتقا وتىرۋعا ءماجبۇر. زاڭناما بۇعان تىيىم سالمايدى»، - دەدى ءوزىن تانىستىرعىسى كەلمەگەن سۇحباتشىمىز.
دەرەككوزدەرگە سىلتەمەلەگەن Bangkok Post گازەتىنىڭ حابارلاۋىنشا، اقش-تىڭ ءوتىنىشى بويىنشا تايلاند بيلىگى ۇشاق پەن ەكيپاجدى ۇستاپ، تەكسەرىسكە العان. ونداعى جۇك بۇرعىلاۋ قوندىرعىلارى دەپ كورسەتىلگەن. «تەكسەرىس كورسەتكەندەي، ۇشاق پحەنياننان 35 توننا قارۋ-جاراق تاسىمالداعان، ونىڭ ىشىندە زىمىران ۇشىراتىن مەحانيزمدەر دە بولعان. جۇك ءبىر اسكەري بازاعا جەتكىزىلگەن، ساراپتاما سەيسەنبى كۇنگە بەلگىلەنىپ وتىر»، - دەلىنگەن حاباردا.
«ەكيپاجدىڭ بەس مۇشەسى – 4-ەۋى قازاقستاندىق جانە بىرەۋى بەلارۋسيالىق ازامات ەشقانداي مالىمەت بەرمەدى. ولار قايدا ۇشىپ بارا جاتقانىن ايتا الماعان. ۇستالعانداردىڭ بىرەۋى ولاردىڭ 4L-AWA ۇشاعى پحەنيانعا رەسەيدەن ۇشىپ كەلگەنىن ايتقان»، - دەپ جازادى تايلاند باق-تارى.
Bangkok Post گازەتىنىڭ مالىمەتتەرىنشە مۇنداي نومەرلى ۇشاق گرۋزيادا تىركەلگەن. مۇنى تايلاند پرەمەر-ءمينيسترى جەرگىلىكتى تەلەارنادا راستاعان.
«ۇكىمەت وكىلى پانيتان ۆاتتاناياگورن ەكيپاجعا دۇيسەنبى كۇنى ايىپ تاعىلاتىنىن ءمالىم ەتكەن. ايىپتاۋ - جۇك تۋرالى الدىن الا جالعان اقپارات بەرۋ جانە زاڭسىز قارۋ تاسىمالداۋ تۋرالى بولماق. پرمەر-مينيستر اپحيسيت ۆەتچاچيۆا تايلاند بۇۇ رەزوليۋتسياسىنىڭ اياسىندا ارەكەت جاساعانىن مالىمدەدى»، - دەلىنگەن باسىلىمداعى حاباردا.
تايلاند بيلىگى ەكيپاجدى كەپىلمەن بوساتۋدان باس تارتتى.
