الماتى. 19 جەلتوقسان. قازتاگ– ارمەنيا پرەزيدەنتى سەرج سارگسيان استانا 2010 جىلى ەقىۇ-دا توراعالىعى كەزىندە ۇجىمدىق قاۋىپسىزدىك جونىندەگى شارت ۇيىمىنا (ۇقشۇ) مۇشە ەلدەردىڭ مۇددەلەرىن قورعايدى دەپ سەنەدى. بۇل تۋرالى ول سەنبى كۇنى الماتى ماڭىنداعى بيىك تاۋداعى «اق بۇلاق» كۋرورتىندا وتكەن بەيرەسمي سامميتتە ءماللىم ەتتى.

س.سارگسيان تمد پرەزيدەنتتەرىن قازاقستاننىڭ ەقىۇ-نا توراعالىعىمەن قۇتتىقتادى، «سەبەبى ءبىزدىڭ ءبارىمىز بىرگە وسى پروتسەسستى ۇسىنىپ جانە قولدادىق»، - دەدى ول.

«ءبىز ۇقشۇ-نىڭ مۇشەسى العاش رەت توراعا بولىپ سايلانىپ وتىرعانىن كورىپ وتىرمىز. جانە وسى ۋاقىت ارالىعىندا قازاقستان بىزدەردىڭ دە مۇددەلەرىمىزدى قورعايتىن بولادى»، - دەدى ول.  

ارمەنيا پرەزيدەنتى ۇقشۇ اياسىندا قاۋىپسىزدىكتى قامتاماسىز ەتەرلىك تەتىكتەردى قاراستىرۋدى ۇسىندى. 

«قازىرگى تەتىكتەر بىرقاتار ۋاقىتقا قاۋىپسىزدىكتى قامتاماسىز ەتكەنىمەن، جەكەلەگەن ەلدەر ءبىر نارسەنى بۇزعان جاعدايدى قاراستىرمايدى. مىسالى ءبىز قاراپايىم قارۋلار تۋرالى كەلىسىمگە قول قويىپ، كۆوتالاردى انىقتادىق. بىراق بۇل كۆوتانى بۇزىپ وتىرعان ەلدەر بار، ال باسقالار بۇل تۋرالى ايتپايدى دا»، - دەدى س. سارگسيان قازاقستانداعى بەيرەسمي سامميتتە.

ول قاۋىپسىزدىكتى قامتاماسىز ەتۋ ءۇشىن «ناقتى ومىردە جۇمىس ىستەي الاتىن تەتىكتەردى پايدالانۋ قاجەت» دەپ ەسەپتەيدى.

الماتى. 19 جەلتوقسان. قازتاگ– ارمەنيا پرەزيدەنتى سەرج سارگسيان استانا 2010 جىلى ەقىۇ-دا توراعالىعى كەزىندە ۇجىمدىق قاۋىپسىزدىك جونىندەگى شارت ۇيىمىنا (ۇقشۇ) مۇشە ەلدەردىڭ مۇددەلەرىن قورعايدى دەپ سەنەدى. بۇل تۋرالى ول سەنبى كۇنى الماتى ماڭىنداعى بيىك تاۋداعى «اق بۇلاق» كۋرورتىندا وتكەن بەيرەسمي سامميتتە ءماللىم ەتتى.

س.سارگسيان تمد پرەزيدەنتتەرىن قازاقستاننىڭ ەقىۇ-نا توراعالىعىمەن قۇتتىقتادى، «سەبەبى ءبىزدىڭ ءبارىمىز بىرگە وسى پروتسەسستى ۇسىنىپ جانە قولدادىق»، - دەدى ول.

«ءبىز ۇقشۇ-نىڭ مۇشەسى العاش رەت توراعا بولىپ سايلانىپ وتىرعانىن كورىپ وتىرمىز. جانە وسى ۋاقىت ارالىعىندا قازاقستان بىزدەردىڭ دە مۇددەلەرىمىزدى قورعايتىن بولادى»، - دەدى ول.  

ارمەنيا پرەزيدەنتى ۇقشۇ اياسىندا قاۋىپسىزدىكتى قامتاماسىز ەتەرلىك تەتىكتەردى قاراستىرۋدى ۇسىندى. 

«قازىرگى تەتىكتەر بىرقاتار ۋاقىتقا قاۋىپسىزدىكتى قامتاماسىز ەتكەنىمەن، جەكەلەگەن ەلدەر ءبىر نارسەنى بۇزعان جاعدايدى قاراستىرمايدى. مىسالى ءبىز قاراپايىم قارۋلار تۋرالى كەلىسىمگە قول قويىپ، كۆوتالاردى انىقتادىق. بىراق بۇل كۆوتانى بۇزىپ وتىرعان ەلدەر بار، ال باسقالار بۇل تۋرالى ايتپايدى دا»، - دەدى س. سارگسيان قازاقستانداعى بەيرەسمي سامميتتە.

ول قاۋىپسىزدىكتى قامتاماسىز ەتۋ ءۇشىن «ناقتى ومىردە جۇمىس ىستەي الاتىن تەتىكتەردى پايدالانۋ قاجەت» دەپ ەسەپتەيدى.

ارمەنيا پرەزيدەنتى «بۇرىن بۋرابايدا وتكەن بەيرەسمي سامميت، مۇنداي سامميت بارىسىندا قانشالىقتى ءتيىمدى شەشىمدەر قابىلداۋعا جانە ونى ناقتى ءىس جۇزىنە اسىرۋعا بولاتىنىن كورسەتتى»، - دەپ اتاپ ءوتتى.

«ءبىز ۇجىمدىق جەدەل ارەكەت ەتۋشى كۇشتەرىن قۇرۋ بويىنشا تاماشا جۇمىس اتقاردىق. ءتىپتى كوبى وسىنشاما قىسقا مەرزىمدە ونى قۇرىپ جانە جاتتىعۋ وتكىزىپ ۇلگەرەدى دەپ ەشكىم كۇتكەن جوق. ءبىز ۇجىمدىق قاۋىپسىزدىك كەلىسىم اياسىندا باسقا دا ماسەلەلەرمەن اينالىسۋىمىز كەرەك. نازاردى ونشا العا جىلجىماي جاتقان ماسەلەلەردى تالقىلاۋعا – ونىڭ ىشىندە اسكەري-تەحنيكالىق ىنتىماقتاستىق پەن كادرلاردى دايىنداۋعا اۋدارۋىمىز كەرەك»، - دەدى ول.

ۇقشۇ-عا ارمەنيا، بەلارۋس، قازاقستان، قىرعىزستان، رەسەي، تاجىكستان مەن وزبەكستان كىرەدى.