الماتى. 20 جەلتوقسان. قازتاگ – ديليارام اركين. «الما-اتا ينفو» گازەتىنىڭ باس رەداكتورى رامازان ەسەرگەپوۆ تەرگەۋ اباقتىسىنان تارازدىڭ جالپى تارتىپتەگى كولونياسىنا اۋىستىرىلدى. بۇل تۋرالى قازتاگ تىلشىسىنە ءجۋرناليستىڭ ايەلى راۋشان ەسەرگەپوۆا حابارلادى.

«رامازاندى تۇرعان جەرى الماتىعا اۋىستىرۋ تۋرالى جازعان وتىنىشىمە قاراماستان، ونى تارازداعى كولونياعا 16 جەلتوقساندا اۋىستىردى. قازىر ول كارانتيندە جانە ونىمەن كەزدەسۋگە تىيىم سالىنعان»، - دەپ ءتۇسىندىردى ر. ەسەرگەپوۆا.

بۇرىن حابارلانعانداي، 2009 جىلى 8-ءشى تامىزدا تارازدىڭ  № 2 قالالىق سوتى «الما-اتا ينفو» گازەتىنىڭ رەداكتورى رامازان ەسەرگەپوۆتى ءۇش جىلعا سوتتاپ، جازاسىن جالپى تارتىپتەگى كولونيادا وتەۋ تۋرالى ۇكىم شىعارىلدى. سونىمەن قاتار، وعان ەكى جىل بويى جۋرناليستىك كاسىپپەن اينالىسۋعا تىيىم سالىندى.         

الماتى. 20 جەلتوقسان. قازتاگ – ديليارام اركين. «الما-اتا ينفو» گازەتىنىڭ باس رەداكتورى رامازان ەسەرگەپوۆ تەرگەۋ اباقتىسىنان تارازدىڭ جالپى تارتىپتەگى كولونياسىنا اۋىستىرىلدى. بۇل تۋرالى قازتاگ تىلشىسىنە ءجۋرناليستىڭ ايەلى راۋشان ەسەرگەپوۆا حابارلادى.

«رامازاندى تۇرعان جەرى الماتىعا اۋىستىرۋ تۋرالى جازعان وتىنىشىمە قاراماستان، ونى تارازداعى كولونياعا 16 جەلتوقساندا اۋىستىردى. قازىر ول كارانتيندە جانە ونىمەن كەزدەسۋگە تىيىم سالىنعان»، - دەپ ءتۇسىندىردى ر. ەسەرگەپوۆا.

بۇرىن حابارلانعانداي، 2009 جىلى 8-ءشى تامىزدا تارازدىڭ  № 2 قالالىق سوتى «الما-اتا ينفو» گازەتىنىڭ رەداكتورى رامازان ەسەرگەپوۆتى ءۇش جىلعا سوتتاپ، جازاسىن جالپى تارتىپتەگى كولونيادا وتەۋ تۋرالى ۇكىم شىعارىلدى. سونىمەن قاتار، وعان ەكى جىل بويى جۋرناليستىك كاسىپپەن اينالىسۋعا تىيىم سالىندى.         

ەسكە سالا كەتسەك، ر.ەسەرگەپوۆتى 6 قاڭتاردا ۇقك جامبىل وبلىسى بويىنشا دەپارتامەنتىنىڭ قىزمەتكەرلەرى تۇتقىندادى. وعان قاتىستى قر قىلمىستىق كودەكسىنىڭ ەكى بابى بويىنشا – «مەملەكەتتىك قۇپياسى بار دەرەكتەردى زاڭسىز جيناۋ جانە تاراتۋ» جانە «قىزمەت بابىن اسىرا پايدالانۋ» بويىنشا ايىپ تاعىلدى. بۇعان سەبەپ بولعانى - «الما-اتا ينفو» گازەتىنىڭ 2008 جىلعى 21 قاراشاداعى سانىندا «كتو ۋپراۆلياەت ناشەي سترانوي: پرەزيدەنت يلي كنب؟» دەگەن ماقالانىڭ باسىلۋى. وندا ۇقك جامبىل وبلىسى بويىنشا دەپارتامەنتى باستىعىنىڭ قىزمەتتىك حاتى جاريالانعان. ارناۋلى قىزمەت وكىلدەرىنىڭ باعالاۋى بويىنشا، بۇل حات قۇپيا قۇجاتتاردىڭ قاتارىنا جاتادى. قۇقىق قورعاۋشىلار بۇل ءىستىڭ ساياسي استارى بار دەپ ەسەپتەيدى. ر.ەسەرگەپوۆتىڭ ءىسى بويىنشا سوت تىڭداۋلارى تارازدا جابىق تۇردە ءوتتى.

14-ءشى جەلتوقساندا جامبىل وبلىستىق سوتىنىڭ قاداعالاۋشى القاسى «الما-اتا-ينفو» گازەتىنىڭ باس رەداكتورى رامازان ەسەرگەپوۆقا قاتىستى ۇكىمدى كۇشىندە، ال اپپەلياتسيالىق القانىڭ قاۋلىسىن وزگەرىسسىز قالدىردى.