وتكەن قاراشا ايىنىڭ 11-ءى كۇنى الماتىداعى قازاقستان ءباسپاسوز كلۋبىندا «بولاتحان تايجان قورىنىڭ» پرەزيدەنتى مۇحتار تايجان مەن «التىنبەك سارسەنبايۇلى قورىنىڭ» جەتەكشىسى ايدوس سارىم جانىبەك پەن كەرەي حاننىڭ جانە باتىرلاردىڭ قولادان قۇيىلعان مۇسىندەرىنە قۇزىرلى ورىنداردان جەر سۇراپ جۋرناليستەردىڭ الدىندا ءباسپاسوز ءماسليحاتىن وتكىزگەن بولاتىن. ءماسليحات بارىسىندا مۇحتار تايجان مىرزا مۇسىندەردى جوندەۋدەن وتكىزىپ، بيلىك رۇقسات ەتكەن جەرگە الىپ بارىپ قويۋ ءۇشىن كاسىپكەرلەر مەن ەل ىشىندەگى ازاماتتار قورعا قاراجات اۋدارسا دەگەن تىلەگىن بىلدىرگەن-ءدى. قورعا كەلىپ تۇسكەن قارجىنىڭ قارا باقىرىنا دەيىنگى ناقتى مالمەتتەر abai.kz اقپاراتتىق پورتالىندا تۇراقتى تۇردە جاريالاناتىنى دا سول جيىننىڭ ۇستىندە ايتىلعان.
سودان بەرى ايدان استام ۋاقىت ءوتىپتى. وكىنىشكە قاراي باستاما كوتەرگەن قوس بىردەي قور باسشىلارىنا بيلىك تاراپىنان ءتىس جارىپ ەشكىم حابارلاسپادى.  سول سەبەپتەن قارجات جيناۋ اكتسياسى جابىلىپ جاتىر.
-وسى جايتكە بايلانىستى جانە مىنانى ايتقىمىز كەلەدى، - دەيدى مۇحتار تايجان مىرزا، - اكتسيا جاريالانعاننان ءدال بۇگىنگى كۇنگە دەيىن قورعا جەكەلەگەن تۇلعالاردىڭ تاراپىنان نەمەسە مەكەملەردەن قاراجات تۇسكەن جوق. ءبىز مۇنى بانكتەگى قۇجاتتاردى كورسەتە وتىرىپ دالەلدەي الامىز.

وتكەن قاراشا ايىنىڭ 11-ءى كۇنى الماتىداعى قازاقستان ءباسپاسوز كلۋبىندا «بولاتحان تايجان قورىنىڭ» پرەزيدەنتى مۇحتار تايجان مەن «التىنبەك سارسەنبايۇلى قورىنىڭ» جەتەكشىسى ايدوس سارىم جانىبەك پەن كەرەي حاننىڭ جانە باتىرلاردىڭ قولادان قۇيىلعان مۇسىندەرىنە قۇزىرلى ورىنداردان جەر سۇراپ جۋرناليستەردىڭ الدىندا ءباسپاسوز ءماسليحاتىن وتكىزگەن بولاتىن. ءماسليحات بارىسىندا مۇحتار تايجان مىرزا مۇسىندەردى جوندەۋدەن وتكىزىپ، بيلىك رۇقسات ەتكەن جەرگە الىپ بارىپ قويۋ ءۇشىن كاسىپكەرلەر مەن ەل ىشىندەگى ازاماتتار قورعا قاراجات اۋدارسا دەگەن تىلەگىن بىلدىرگەن-ءدى. قورعا كەلىپ تۇسكەن قارجىنىڭ قارا باقىرىنا دەيىنگى ناقتى مالمەتتەر abai.kz اقپاراتتىق پورتالىندا تۇراقتى تۇردە جاريالاناتىنى دا سول جيىننىڭ ۇستىندە ايتىلعان.
سودان بەرى ايدان استام ۋاقىت ءوتىپتى. وكىنىشكە قاراي باستاما كوتەرگەن قوس بىردەي قور باسشىلارىنا بيلىك تاراپىنان ءتىس جارىپ ەشكىم حابارلاسپادى.  سول سەبەپتەن قارجات جيناۋ اكتسياسى جابىلىپ جاتىر.
-وسى جايتكە بايلانىستى جانە مىنانى ايتقىمىز كەلەدى، - دەيدى مۇحتار تايجان مىرزا، - اكتسيا جاريالانعاننان ءدال بۇگىنگى كۇنگە دەيىن قورعا جەكەلەگەن تۇلعالاردىڭ تاراپىنان نەمەسە مەكەملەردەن قاراجات تۇسكەن جوق. ءبىز مۇنى بانكتەگى قۇجاتتاردى كورسەتە وتىرىپ دالەلدەي الامىز.
قىسقاسى، «حاندار مەن باتىرلار نەگە كۇرەسىن كۇزەتىپ قالادى؟» دەپ القىنعان كوپتىڭ تاراپىنان ناقتى كومەك بولعان جوق. ال، استاناداعى بيلىك بولسا، مۇسىندەردىڭ ساپاسىز جاسالعانىن جەلەۋ ەتىپ «جانىبەك پەن كەرەيگە» تۋلاقتاي جەر ءبولىپ بەرۋگە ىنتا تانىتپادى.
ەستەرىڭزگە سالا كەتەيىك، قازاق مەملەكەتىنىڭ ىرگەسىن بەكىتكەن جانىبەك پەن كەرەي حاننىڭ جانە قازاق باتىرلارىنىڭ مۇسىندەرى ەلوردادا اشىلعان «قازاق ەلى» مونۋمەنتىنە قويىلۋى كەرەك بولعان. الايدا، مۇسىندەر مەملەكەتتىك كوميسسيانىڭ تەكسەرۋىنەن وتپەگەن ءارى قىتايدا جاسالعاندىقتان قىتاي بيلەۋشىلەرىنە ۇقساپ كەتكەن ساپاسىز دۇنيە رەتىندە  جارامسىز دەپ تانىلىپ مونۋمەنتتىڭ سىرتىنا ىسىرىلىپ تاستالدى.  

«اباي-اقپارات»