Abai.kz اقپاراتتىق پورتالى مەن «جاس الاش» گازەتىنىڭ ۇيىمداستىرۋى بويىنشا ەلىمىزدە العاش رەت ينتەرنەت-ايتىس ءوتتى. ايتىسقا «جاس الاش» گازەتى باس رەداكتورىنىڭ ورىنباسارى، ادەبيەت سىنشىسى ءامىرحان مەڭدەكە، «قازاقستان» قوعامدىق ساياسي اپتالىعىنىڭ باس رەداكتورى سەرعازى مۇحتاربەكوۆ جانە «جۇلدىزدار وتباسى»  جۋرنالى باس رەداكتورىنىڭ ورىنباسارى، تانىمال جۋرناليست ساكەن سىبانباي قازىلىق جاسادى. سونداي-اق، وقىرمان قاۋىم دا ايتىسكەر اقىندارعا داۋىس بەرىپ، جىر مايدانىندا قولتىق سوككەن قاراكوكتەرگە كوز تىگىپ وتىردى.
سونىمەن، ايتىسقا ءبىرىنشى جۇپ بولىپ باۋىرجان مەن بالعىنبەك شىقتى. ەكى جۇيرىك اقىننىڭ ايتىسى وتە تارتىمىدى ءوتتى. قازىلار قاي اقىندى جەڭىمپاز دەپ تانىرىن بىلمەي قينالعان تۇستا كومەككە بالعىنبەكتىڭ ءوزى كەلىپ جولدى باۋىرجانعا بەرىپ، باسالقالىق تانىتتى. دەگەندەي-اق، كوپشىلىك داۋىسى دا باۋىرجانعا بۇيىرىپتى.
ەكىنشى جۇپ وڭعار مەن قۋانىشبەكتىڭ ايتىسى الدىڭعى ءسوز سايىسىنا تۇسكەن اقىنداردىڭ ءدۇبىرىن ءسال پاسەيتكەندەي كورىنگەنىمەن بۇلار دا بۇگىنگى زامان، قوعام تۋرالى توسىلىپ قالماي توسىن ويلار ايتىپ، تولىقسىتىپ جىر توكتى.
abai.kz اقپاراتتىق پورتالىنىڭ وقىرمانى جاقسى بىلەدى،  الامان ايتىستا باۋىرجان مەن وڭعار ۇشىراستى.
ايتىستىڭ بارىسىن قاداعالاعان جانكۇيەر جۇرتقا ءبارىن باسىنان ءتۇسىپ بايانداپ جاتۋدىڭ قاجەتى شامالى شىعار، كوپشىلىك داۋىسىنىڭ ناتيجەسى مەن قازىلار القاسىنىڭ ۇيعارىمى بويىنشا  ينتەرنەت-ايتىستاعى ءبىرىنشى جۇلدە وڭعاردىڭ قانجىعاسىنا بايلاندى.

Abai.kz اقپاراتتىق پورتالى مەن «جاس الاش» گازەتىنىڭ ۇيىمداستىرۋى بويىنشا ەلىمىزدە العاش رەت ينتەرنەت-ايتىس ءوتتى. ايتىسقا «جاس الاش» گازەتى باس رەداكتورىنىڭ ورىنباسارى، ادەبيەت سىنشىسى ءامىرحان مەڭدەكە، «قازاقستان» قوعامدىق ساياسي اپتالىعىنىڭ باس رەداكتورى سەرعازى مۇحتاربەكوۆ جانە «جۇلدىزدار وتباسى»  جۋرنالى باس رەداكتورىنىڭ ورىنباسارى، تانىمال جۋرناليست ساكەن سىبانباي قازىلىق جاسادى. سونداي-اق، وقىرمان قاۋىم دا ايتىسكەر اقىندارعا داۋىس بەرىپ، جىر مايدانىندا قولتىق سوككەن قاراكوكتەرگە كوز تىگىپ وتىردى.
سونىمەن، ايتىسقا ءبىرىنشى جۇپ بولىپ باۋىرجان مەن بالعىنبەك شىقتى. ەكى جۇيرىك اقىننىڭ ايتىسى وتە تارتىمىدى ءوتتى. قازىلار قاي اقىندى جەڭىمپاز دەپ تانىرىن بىلمەي قينالعان تۇستا كومەككە بالعىنبەكتىڭ ءوزى كەلىپ جولدى باۋىرجانعا بەرىپ، باسالقالىق تانىتتى. دەگەندەي-اق، كوپشىلىك داۋىسى دا باۋىرجانعا بۇيىرىپتى.
ەكىنشى جۇپ وڭعار مەن قۋانىشبەكتىڭ ايتىسى الدىڭعى ءسوز سايىسىنا تۇسكەن اقىنداردىڭ ءدۇبىرىن ءسال پاسەيتكەندەي كورىنگەنىمەن بۇلار دا بۇگىنگى زامان، قوعام تۋرالى توسىلىپ قالماي توسىن ويلار ايتىپ، تولىقسىتىپ جىر توكتى.
abai.kz اقپاراتتىق پورتالىنىڭ وقىرمانى جاقسى بىلەدى،  الامان ايتىستا باۋىرجان مەن وڭعار ۇشىراستى.
ايتىستىڭ بارىسىن قاداعالاعان جانكۇيەر جۇرتقا ءبارىن باسىنان ءتۇسىپ بايانداپ جاتۋدىڭ قاجەتى شامالى شىعار، كوپشىلىك داۋىسىنىڭ ناتيجەسى مەن قازىلار القاسىنىڭ ۇيعارىمى بويىنشا  ينتەرنەت-ايتىستاعى ءبىرىنشى جۇلدە وڭعاردىڭ قانجىعاسىنا بايلاندى.
ەكىنشى ورىن باۋىرجان حاليوللاعا ءتيدى. ءۇشىنشى ورىندى  بالىعىنبەك پەن قۋانىشبەك ءبولىستى.
ينتەرنەت-ايتىستا وزا شاپقان وڭعارعا "جاس الاشتىڭ" ارنايى جۇلدەسى تابىس ەتىلدى.
ءبىز ءداستۇرلى ونەرىمىزدى بۇگىنگى اقپاراتتىق تەحنولوگيانىڭ جەتىستىگىمەن ۇشتاستىرۋعا ءجىتى كوڭىل ءبولىپ، ىقىلاس تانىتقان اقىندارىمىزعا راحمەت ايتامىز. الداعى ۋاقىتتا وسى ينتەرنەت-ايتىستى داستۇرگە اينالدىرماق ويىمىز دا بار. ءبىزدىڭ بۇل تالابىمىزدى ايتىس ونەرىنىڭ تۋىن  جايقالتىپ ۇستاپ جۇرگەن باۋىرلارىمىز قولدايدى دەپ سەنەمىز.

«اباي-اقپارات»