قازىرگى تاڭدا قالادا تۇراتىن اعايىننىڭ كۇنىن ينتەرنەتسىز ەلەستەتۋ مۇمكىن ەمەس. جۇمىس كۇنىن عالامتور اقتارۋمەن باستايتىنداردىڭ كوپ ەكەنىن ايتىپ باستەسۋگە بولادى. شارۋا القىمنان الىپ تۇرسا دا، الدىمەن ەلەكتروندى پوشتامىزدى تەكسەرىپ، جاھاندا ءبىر ءتۇننىڭ ىشىندە نە وزگەرگەنىن بىلۋگە قۇمارتىپ تۇراتىنىمىز دا ينتەرنەتتىڭ قۇدىرەتتىلىگى بولسا كەرەك. ازعانتاي ۋاقىت ارالىعىندا-اق بار الەمدى «جاۋلاعان» عالامتوردىڭ قىزىعىن ەندى قازاق اۋىلى دا كورە باستادى.

قازىرگى تاڭدا قالادا تۇراتىن اعايىننىڭ كۇنىن ينتەرنەتسىز ەلەستەتۋ مۇمكىن ەمەس. جۇمىس كۇنىن عالامتور اقتارۋمەن باستايتىنداردىڭ كوپ ەكەنىن ايتىپ باستەسۋگە بولادى. شارۋا القىمنان الىپ تۇرسا دا، الدىمەن ەلەكتروندى پوشتامىزدى تەكسەرىپ، جاھاندا ءبىر ءتۇننىڭ ىشىندە نە وزگەرگەنىن بىلۋگە قۇمارتىپ تۇراتىنىمىز دا ينتەرنەتتىڭ قۇدىرەتتىلىگى بولسا كەرەك. ازعانتاي ۋاقىت ارالىعىندا-اق بار الەمدى «جاۋلاعان» عالامتوردىڭ قىزىعىن ەندى قازاق اۋىلى دا كورە باستادى.

اقتوبە وبلىسىنىنان شالعايدا جاتقان اۋدانداردىڭ ءبىرى - بايعانين. ايگىلى جىرشىنىڭ اتىن يەمدەنگەن بۇل اۋدان اۋەلدەن مال باعىپ كۇنەلتكەندەردىڭ مەكەنى. كەڭەس وداعى كەزىندە ەڭبەگىمەن دارالانعان شوپاندارمەن ماقتاناتىن اۋىل حالقىنا ينتەرنەت العاشىندا تاڭسىق نارسە بولىپ كورىنگەنى راس. اۋدان ورتالىعىنداعى 3 مەكتەپ پەن ءتۇرلى قىزمەت كورسەتۋ مەكەمەلەرىندە عانا بولعان ينتەرنەتپەن قازىر اۋىل تۇرعىندارىنىڭ بارلىعى دەرلىك تانىس. «قازاقتەلەكوم» اكتسيونەرلىك قوعامىمەن بىرلەسكەن Megaline قىزمەتى 2007 جىلدىڭ مامىر ايىنان بەرى اۋىل حالقىنىڭ بۇكىلالەمدىك جەلىگە قوسىلۋىنا مۇمكىندىك جاساپ كەلەدى. اۋدان ورتالىعى قاراۋىلكەلدىدەگى 192 شاڭىراق عالامتوردى پايدالانۋ «باقىتىن» سەزىنىپ ءجۇر. اتا-انا الىستاعى ستۋدەنت بالاسىمەن جىلدام حابار الىسقانىنا ءماز، وقۋشىلار ىزدەگەنىن تەز ارادا تاۋىپ بەرەتىن اقىلدى «ۇستازعا» ءدان ريزا. وزگەلەر ايعا جول سالىپ جاتقاندا، ينتەرنەتتى جاڭادان يگەرۋ ۇستىندەگى  بىز ءۇشىن قاراپايىم قازاق اۋىلىنىڭ ءبىر قادام بولسا دا العا باسقانى كەرەمەت جاڭالىق ەكەنىن جوققا شىعارۋعا بولمايدى. بۇگىندە بۇكىل اقپارات عالامتور ارقىلى تارالادى. ال، اقپاراتقا يەلىك ەتكەن ادامنىڭ الەمگە ءامىر جۇرگىزەتىنى تاعى بار. ەندەشە، قازاق اۋىلىنىڭ جاڭالىققا ءبىر تابان  جاقىنداعانى ءۇشىن قۋانۋ كەرەك.

جومارت شاليەۆ، پوليتسيا قىزمەتكەرى:

اۋەلدە ينتەرنەت دەگەن تۇسىنىككە  ۇركە قارايتىنمىن. ءتىپتى، العاشىندا كومپيۋتەردىڭ ءتىنتۋىرىن قولعا قورقىپ الاتىن كەزدەر بولدى. بىراق، ۋاقىت ءبارىن ۇيەرەتەدى ەكەن. قاراعاندىدا وقيتىن ۇلىممەن عالامتور ارقىلى وپ-وڭاي تىلدەسەمىن. قايدا، نە ىستەپ جۇرگەنىنەن حاباردار بولىپ وتىرامىن. اۋىل ادامدارىنىڭ كوبىسى قازىر عالامتوردى پايدالانادى. حالىق  ءبىلىمدى بولىپ، وزىق تەحنيكانى مەڭگەرگەندە عانا قازاقستان العا باسادى. سوندىقتان، وتانىمىزدىڭ ءبىر بولشەگى - اۋىلىمىزعا ينتەرنەتتىڭ كەلگەنى ءبىز ءۇشىن ۇلكەن قۋانىش.

سانجار راحات، وقۋشى:

مەن قازىر 2 سىنىپتا ءبىلىم الىپ جاتىرمىن. اتام ماعان كومپيۋتەر الىپ بەردى. ساباعىمدى ورىنداپ، ءۇي تاپسىرماسىن بىتىرگەننەن كەيىن عانا مەنىڭ كومپيۋتەرگە وتىرۋىما رۇقسات بەرەدى. بۇرىندارى مەن تەك ويىن وينايتىنمىن، ال قازىر، ۇيگە ينتەرنەت قوندىرعاسىن ءتۇرلى سايتتاردى قارايمىن. ينتەرنەتتەن مەن جانۋارلار، الەمنىڭ مەملەكەتتەرى تۋرالى كىتاپتا جوق مالىمەتتەردى تەز تاۋىپ الامىن. سوسىن، سۋرەتىن شىعارىپ قويامىن.

«اباي-اقپارات»