اقىن نەسىپبەك ايت باسقاراتىن «التىن تامىر» جۋرنالىنىڭ 6-شى سانى بۇتىندەي مۇحتار ماعاۋيننىڭ قالامگەرلىك تاعدىرى مەن شىعارماشىلىعىن تالداۋعا ارنالىپتى. ءبىزدىڭ قولىمىزدا جۋرنالدا جاريالانعان ماقالالاردىڭ تولىق ەلەكتروندى نۇسقاسى بار. الداعى ۋاقىتتا ونىڭ ءبارى پورتالىمىزدا جارىق كورەتىن بولادى.

وسى كۇندەرى پراگا قالاسىندا تۇراتىن قازاق ادەبيەتىنىڭ كلاسسيگى مۇحتار ماعۋين 70 جاسقا كەلدى. ۇلى قاعان شىعىس حان تۋرالى تاريحي دەرەكتى رومان جازۋدان باس كوتەرە الماي جاتقان قالامگەر جۋىق ارادا ەلگە ات باسىن بۇرا المايتىن سياقتى. كۇرەس پەن ارپالىسقا تولى جالىندى جىلداردى ارتقا تاستاعان باياندى عۇمىرىنىڭ زور بەلەسىن مۇحاڭ الىستا، ەۋروپانىڭ تورىندە بالا-شاعاسىنىڭ ورتاسىندا عانا اتاپ وتەتىن كورىنەدى. الايدا وعان «ەلگە قايت، مۇباراك قولىڭدى الايىق، نۇر سيپاتىڭدى كورەلىك» دەپ حات جازاتىن زامانداستارى كوپ. سونىڭ ءبىرى مىرزاتاي جولداسبەكوۆ «التىن تامىر» جۋرنالى ارقىلى تومەندەگىدەي لەبىز ءبىلدىرىپتى.

اقىن نەسىپبەك ايت باسقاراتىن «التىن تامىر» جۋرنالىنىڭ 6-شى سانى بۇتىندەي مۇحتار ماعاۋيننىڭ قالامگەرلىك تاعدىرى مەن شىعارماشىلىعىن تالداۋعا ارنالىپتى. ءبىزدىڭ قولىمىزدا جۋرنالدا جاريالانعان ماقالالاردىڭ تولىق ەلەكتروندى نۇسقاسى بار. الداعى ۋاقىتتا ونىڭ ءبارى پورتالىمىزدا جارىق كورەتىن بولادى.

وسى كۇندەرى پراگا قالاسىندا تۇراتىن قازاق ادەبيەتىنىڭ كلاسسيگى مۇحتار ماعۋين 70 جاسقا كەلدى. ۇلى قاعان شىعىس حان تۋرالى تاريحي دەرەكتى رومان جازۋدان باس كوتەرە الماي جاتقان قالامگەر جۋىق ارادا ەلگە ات باسىن بۇرا المايتىن سياقتى. كۇرەس پەن ارپالىسقا تولى جالىندى جىلداردى ارتقا تاستاعان باياندى عۇمىرىنىڭ زور بەلەسىن مۇحاڭ الىستا، ەۋروپانىڭ تورىندە بالا-شاعاسىنىڭ ورتاسىندا عانا اتاپ وتەتىن كورىنەدى. الايدا وعان «ەلگە قايت، مۇباراك قولىڭدى الايىق، نۇر سيپاتىڭدى كورەلىك» دەپ حات جازاتىن زامانداستارى كوپ. سونىڭ ءبىرى مىرزاتاي جولداسبەكوۆ «التىن تامىر» جۋرنالى ارقىلى تومەندەگىدەي لەبىز ءبىلدىرىپتى.

ءبىز ءبارىمىز دە كەشەگى دۇنيەنىڭ ءتورت بۇرىشىنا ماڭگىلىك ەل ورناتامىز دەگەن تۇرىكتىڭ ۇرپاعىمىز، قازاق حالقىنىڭ پەرزەنتىمىز، ەكەۋمىز بەيسەنباي كەنجەباەۆ دەيتىن قاسيەتتى قارا شالدىڭ بالاسىمىز. سول كىسىنىڭ جەتەكشىلىگىمەن عىلىمعا باردىق. سەن بەرگى التىن وردا، قازاق حاندىعى زامانىنان، تاريحىمىزدىڭ اسا ءبىر ەلەۋلى كەزەڭىنەن ديسسەرتاتسيا جازىپ، ءداۋىردى ءتىرىلتتىڭ. مەنى بەيسەكەڭ تۇرىك كەزەڭىنە سالدى. ءسويتىپ، اعايىندى ەكەۋمىز بىلە بىلگەن كىسىگە قازاق ادەبيەتىنىڭ تاريحىن ون ەكى عاسىرعا تەرەڭدەتتىك. مۇنى جۇرت ايتىپ تا، جازىپ تا ءجۇر. ونىڭ ۇستىنە سەن ءبىزدىڭ قازاق ويىنىڭ، ساناسىنىڭ، ادەبيەتىنىڭ باعىنا تۋعان قايراتكەرسىڭ. سەنىڭ قالامىڭنان تۋعان شىعارمالارىڭ دا قازاق تاريحىنىڭ، ساناسىنىڭ  مارتەبەسىن كوتەرۋگە قىزمەت ەتىپ كەلەدى.

كەشە كىم ەدىك، قۇدايعا شۇكىر، بۇگىندە قازاقستانىڭدى الەم تانىپ، مويىندادى. ەلورداڭ ەڭسەسىن كوتەرىپ، اق ورداڭ اسقاقتاپ كەلەدى. ءتاۋبا دەيىك.

مۇحتار باۋىرىم، سەن ەلدەن ەۋروپاعا كەتكەلى دە ءبىراز جىلدىڭ بەدەلى بولدى. ول جاقتا قازاقتى عانا ەمەس، جالپى ادامزاتتى تاڭ قالدىراتىنداي شىعارمالار جازىپ جاتقان دا بولارسىڭ مۇمكىن. قالاي دەگەندە دە، قاتار جۇرگەن، بىرگە جۇرگەن ازاماتىمىزدىڭ، باۋىرىمىزدىڭ، قايراتكەرىمىزدىڭ سىرتتا جۇرگەنى بىزگە باتادى، قابىرعامىزدى قايىستىرادى.

ءبىز سەنى ساعىنامىز، مۇحتار! سەن دە ءبىزدى، ەلىڭدى، ەل-جۇرتىڭدى، تۋعان جەرىڭدى ساعىنبايدى دەپ ويلامايمىن، ساعىناسىڭ، ارينە.

جاسى جۇزدەن اسىپ جاتقان ءبىر اكەمىزدەن ىنىلەرى: ء"ومىر دەگەن قانداي ەكەن، كوكە؟" -  دەپ سۇراعان ەكەن. سوندا اكەمىز باسىن كوتەرىپ: "ونىڭ نەسىن سۇرايسىڭدار، شىراقتارىم؟! ءومىر دەگەن ەسىكتى اشىپ-جاپقانداي-اق" دەگەن ەكەن. مەن جەتپىستەن استىم، سەن دە جەتپىسكە كەلىپ قالدىڭ. ءىنىمىز نەسىپبەك ءوزىنىڭ جۋرنالىنىڭ كەزەكتى سانىن تۇگەلگە جۋىق ساعان، سەنىڭ جەتپىس جىلدىعىڭا ارناپ وتىر. جۋرنال بەتتەرىنەن دە سارعايعان ساعىنىشتى سەزدىم. وسىنىسى ءۇشىن نەسىپبەككە "كوپ جاسا! ءتاڭىرى جارىلقاسىن!" دەپ اعالىق العىسىمدى ايتتىم.

قادىرلى مۇحتار باۋىرىم!

ادام بالاسىن ءدام ايداپ، قايدا اپارمايدى دەيسىڭ، بىراق ءبارىبىر تۋعان ەلدەن، تۋعان جەردەن ىستىق، تۋعان ولكەدەن قىمبات ەشتەڭە جوق.

سەن ءوز ەلىڭە، ءوز تۋعان حالقىڭا كەرەك ادامسىڭ.

مىنەز كىمدە جوق دەيسىڭ، "بيتكە وكپەلەپ تونىڭدى وتقا سالما" دەگەن بار ەمەس پە، باز بىرەۋدىڭ كىناسى بولسا بولار، بىراق ەلدىڭ كىناسى جوق - ەلىڭە ورال!

بۇل ءفاني دۇنيەدە ءبىر-ءبىرىمىزدى قولداپ، ءبىر-ءبىرىمىزدى دەمەپ، قول الىسىپ، سالەمدەسىپ، ءبىر-بىرىمىزگە تىلەكتەس بولىپ جۇرگەننەن ارتىق ەشتەڭە جوق، باۋىرىم.

سالەممەن، مىرزاتاي جولداسبەكوۆ