ينتەرنەت بىزدە نەگە قىمبات؟ سۇراقتى توتەسىنەن قويماسقا امال جوق. بۇگىندە «قازاقتەلەكوم» كومپانياسىنىڭ «مەگالاين» ينتەرنەت قىزمەتىنە قوسىلعانىڭ ۇشىنگى ءبىر رەتتىك تولەمدى قوسپاعاندا، تەك ابونەنتتىك اقىنىڭ ءوزى 4 مىڭ تەڭگەدەن اسادى. ماسەلەن، اقش-تا جانە ەۋروپادا ينتەرنەتكە مۇنداي تولەم 5-7 دوللار كولەمىندە عانا. بىزدەن، شامامەن 81 پايىزعا ارزان. ال ىرگەلەس وتىرعان كورشىمىز رەسەيدىڭ وزىندە 200-300 رۋبل. قىر اسسا دابىرى ەستىلەتىن ورىستاردىڭ ينتەرنەتىنەن ءبىزدىڭ ينتەرنەتتىڭ نەسى ارتىق؟ ءتورت ەسە قىمبات بولاتىنداي؟

ينتەرنەت بىزدە نەگە قىمبات؟ سۇراقتى توتەسىنەن قويماسقا امال جوق. بۇگىندە «قازاقتەلەكوم» كومپانياسىنىڭ «مەگالاين» ينتەرنەت قىزمەتىنە قوسىلعانىڭ ۇشىنگى ءبىر رەتتىك تولەمدى قوسپاعاندا، تەك ابونەنتتىك اقىنىڭ ءوزى 4 مىڭ تەڭگەدەن اسادى. ماسەلەن، اقش-تا جانە ەۋروپادا ينتەرنەتكە مۇنداي تولەم 5-7 دوللار كولەمىندە عانا. بىزدەن، شامامەن 81 پايىزعا ارزان. ال ىرگەلەس وتىرعان كورشىمىز رەسەيدىڭ وزىندە 200-300 رۋبل. قىر اسسا دابىرى ەستىلەتىن ورىستاردىڭ ينتەرنەتىنەن ءبىزدىڭ ينتەرنەتتىڭ نەسى ارتىق؟ ءتورت ەسە قىمبات بولاتىنداي؟

اقپاراتتاندىرۋ جانە بايلانىس اگەنتتىگىنىڭ توراعاسى قۋانىشبەك ەسەكەەۆ ءوزىنىڭ ءبىر مالىمدەمەسىندە «بۇگىندەرى ەلىمىزدە ينتەرنەت پايدالانۋشىسى رەتىندە تىركەلگەن ادام سانى 4,7 ميلليونعا جەتتى» دەگەن بولاتىن. وتكەندە «قازاقتەلەكوم» كومپانياسىنىڭ باسقارما توراعاسى اسقار جۇماعاليەۆ تە ەلباسىعا ەسەپ بەرگەنىندە تەلەفون جەلىسىن ورناتۋ سانى ارتىپ، 3,6 ميلليونعا دەيىن جەتكەنىن ايتىپ قالدى. «ينتەرنەت جۇيەسىن پايدالاناتىنداردىڭ قاتارى 1,8 ميلليونعا ءوستى، ولاردىڭ ىشىندە 1,4 ميلليونى جاھاندىق جۇيەنى كەڭ اۋقىمدا پايدالانىپ وتىر. بۇل 2008 جىلعى كورسەتكىشتەن ەكى ەسەگە ارتىق» دەپ ماقتانىش ەتتى. جىل سايىن قارقىنداپ ءوسىپ جاتقان ينتەرنەت قولدانۋشىلاردان تۇسەتىن پايدا قانشا دەيسىز عوي؟.. قىرۋار. سوڭعى ءتورت جىلدىڭ ىشىندە وسى سالاداعى تابىستىڭ كولەمى 100 ميلليوننان 400 ميلليارد تەڭگەگە دەيىن وسكەن. ءتورت مىڭ ەسەگە! بۇل مالىمەتتى دە قۋانىشبەك ەسەكەەۆتىڭ اۋزىنان الدىق. «ءبىزدىڭ بولجاۋىمىز بويىنشا، ەلىمىزدەگى جاڭا تەحنولوگيالار يندۋسترياسىنا ءتيىستى قولداۋ جاساۋ ارقىلى تابىس كولەمىن 25 پايىزعا دەيىن، ياعني 1 ميلليارد دوللارعا دەيىن جەتكىزۋگە بولادى»، - دەپ ەدى ول بىلتىر كۇزدە «ەلەكتروندى ۇكىمەت» جۇيەسىن ەنگىزۋ ماسەلەسىنە قاتىستى وتكەن حالىقارالىق كونفەرەنتسيادا.

ءوزىڭىز كورىپ وتىرعانىڭىزداي، ءبىزدىڭ قازاقستان بيزنەس جاساۋعا شەبەر. الدىنا جان سالمايدى. ارتىنا دا ءبىر قارامايدى-اۋ. ەڭ قۇرىعاندا، بىزدەگى ينتەرنەتتىڭ جىلدامدىعى باعاسىنا ساي بولساشى. ويداعىداي بولماي تۇر. ءوز دەڭگەيىندە ەمەس. بۇقارادان ەستىپ جاتقان ارىز-شاعىمدار كوپ.

سونىمەن، بىزدە نەگە ينتەرنەت قىمبات؟ كوبىسى قاڭعىپ كەتكەن «قازسات»-تان كورەدى. ول امان بولعاندا، ينتەرنەتىمىز دە ارزاڭعا تۇسەر دەيدى. دەسەك تە، بۇنىڭ باسقا دا كولەڭكەلى تۇستارى بار شىعار. ونى مامانداردىڭ اۋزىنان ەستىگەنىمىز ءجون بولار.

التىنبەك ابىشەۆ، «التىنسوفت» كومپانياسىنىڭ قۇرىلتايشىسى:

- ماسەلەن، قىتايدا ينتەرنەتتىڭ باعاسى جىلىنا 100 دوللار جانە شەكسىز جۇمىسسىز ىستەيدى. ارزان بولۋىنىڭ سەبەبى، ولاردا ينتەرنەت پايدالانۋشىلاردىڭ سانى جەتىپ ارتىلادى. بىزدەگى ينتەرنەت جەلىسىنىڭ ساپاسىن جامان دەۋگە بولمايدى، اللاعا شۇكىر، بۇرىنعىسىنان ءتاۋىر، تۇزەلىپ كەلەدى. بىزدەگى ينتەرنەتتىڭ قىمبات بولۋىنا بىردەن ءبىر سەبەپ «قازاقتەلەكوم» كومپانياسىنا باسەكەلەس بولا الاتىن ءوزى دەڭگەيلەس ءىرى كومپانيانىڭ جوقتىعى. سوندىقتان دا، باسەكە بولماعان جەردە باعا دا تۇسە قويمايدى. بىراق، بۇل باعا سولاي بولىپ تۇرا بەرمەيدى. ويتكەنى، دامىعان 50 ەلدىڭ قاتارىنا قوسىلامىز دەسەك، ينتەرنەت جەلىسىن قولدانۋشىلاردىڭ سانىن ارتتىرۋىمىز قاجەت. ال حالىقتىڭ باسىم كوپشىلىگى اۋىلدىق جەرلەردە تۇرعاندىقتان، بىزدەگى ينتەرنەت باعاسىن اۋىل تۇرعىندارىنىڭ قالتاسى كوتەرە بەرمەيدى. سوندىقتان دا، ۋاقىت وتە ينتەرنەت قۇنىن تۇسىرۋگە بۇلار ءماجبۇر بولادى.

ينتەرنەت باعاسىن قىمبات بولۋىنا تاعى ءبىر سەبەپ، مەملەكەت ينتەرنەت جۇيەسىنىڭ ينفراقۇرىلىمىنا قىرۋار اقشا جۇمسادى. ەندى وسى اقشانى اقتاپ شىعۋ ءۇشىن ولارعا باعانى دا جوعارى قويۋعا تۋرا كەلدى.

جاننۋر ساتباەۆ، «Biz Group» كومپانياسىنىڭ باس ديرەكتورى:

- بىزدە ەلىمىزدە جەر سەرىگى بولماعاندىقتان ءبىز ينتەرنەت قىزمەتتەرىن باسقا ەلدەردەن ساتىپ الۋعا ءماجبۇر بولىپ وتىرمىز. ال وسى ارادا جۇرەتىن دەلدالدار ينتەرنەت قىزمەتى باعاسىنىڭ قىمباتتاۋىنا سەبەپكەر بولىپ وتىر. ونىڭ ۇستىنە بىزدە ينتەرنەت تە دامۋ جاعىنان كەنجەلەپ قالعان. ماسەلەن، شەتەلدەردە، قىتايدا، امەريكادا تاعى باسقا ەلدەردە كوشەنىڭ قاي جەرىندە جۇرسەڭىزدە دە ينتەرنەتكە شىعۋعا مۇمكىندىك بار. ويتكەنى، ولاردا Wi-Fi جانە WIMax سياقتى سىمسىز، جىلدامدىعى جوعارى ينتەرنەت جاقسى دامىعان. بۇل تەحنولوگيا سوڭعى بۋىننىڭ ءبىرى سانالادى. قازىرگى قولدانىپ جۇرگەن ينتەرنەتتەن ەكى-ءۇش ەسە ارزان. ماسەلەن، Pathword, Dalacom ۇيالى بايلانىس جۇيەسى نە سەبەپتى GSM-عا قاراعاندا ارزان دەيسىز؟ ويتكەنى، بۇل جۇيە IP-تەحنولوگياسىندا جۇمىس ىستەيدى. ياعني، سىمسىز ينتەرنەتتىڭ قانشالىقتى ارزان ەكەنىن وسىدان-اق كورۋگە بولادى. ال ول ءۇشىن جەر سەرىگى قاجەت. بۇگىندە الەم، دامىعان ەلدەر ەندىگى 4G تەحنولوگياسىنا كوشۋدە. ال ءبىز ءالى كۇنگە دەيىن 3G-عا تولىقتاي كوشە الماي وتىرمىز.

ىسقاق ءابدىراحمانوۆ، ينتەرنەت قولدانۋشى:

- قازاقستانداعى ينتەرنەت جەلىسىنە كوڭىلىڭىز تولا ما؟

- راسىن ايتسام، ەگەر ءبىزدىڭ ەلدىڭ ينتەرنەت جۇيەسىن باسقا ەلدەردەگىمەن سالىستىرماعاندا كوڭىلىم تولادى دەۋشى ەدىم. وسىعان دا شۇكىر دەر ەدىم. الايدا، وزگە ەلدەرگە قاراسام، بىزدەگى ينتەرنەتكە قارنىم اشادى. ەستۋىمشە، رەسەيدەگى ينتەرنەتتىڭ جىلدامدىعى بىزدىكىنەن 4 ەسە جىلدام، باعاسى دا 4 ەسە ارزان دەيدى. وسىنداي جەتىستىككە ءبىز دە جەتسەك، نۇر ۇستىنە نۇر بولار ەدى.

استانا.