قازاقستان رەسپۋبليكاسىنىڭ پرەزيدەنتى ن.ءا.نازارباەۆ قازاقستان حالقىنا جولداعان جولداۋىندا باستى ماقساتىمىز-قازاقستاننىڭ ەڭ دامىعان 30 مەملەكەتتىڭ قاتارىنا قوسىلۋى، ول-«ماڭگىلىك قازاقستان» جوباسى، ەل تاريحىنداعى ءبىز اياق باساتىن جاڭا ءداۋىردىڭ كەمەل كەلبەتى دەگەن. ءبىز ۇلگىلى دامۋدىڭ وزىندىك مودەلىن قالىپتاستىردىق. وسى جولداۋدا «ماڭگىلىك قازاقستان» جوباسىندا قازاقستان رەسپۋبليكاسىنىڭ الەم ەلدەرىمەن تەرەزەسى تەڭ قاتىناس قۇرىپ، الەم كارتاسىنان ويىپ تۇرىپ ورىن الاتىن سالاسىنىڭ ءبىرى-عىلىم مەن بىلىمگە وتە ۇلكەن ءمان بەرگەن.

ال ونى جۇزەگە اسىراتىن ۇستانىمى بەرىك، ءبىلىمدى، جاڭا فورماتتاعى مۇعالىم.

  قازاقستان رەسپۋبليكاسىنىڭ پەداگوگ قىزمەتكەرلەرىنىڭ بىلىكتىلىگىن ارتتىرۋ ماقساتىندا ءبىلىم بەرۋ سالاسىنىڭ كوش باسىندا كەلەتىن فينليانديا، سينگاپۋر جانە ۇلىبريتانيا سەكىلدى پروگرەسشىل ەلدەر مەن جاپونيادا وزدەرىنىڭ جوعارى ناتيجەلەرگە قول جەتكىزۋگە مۇمكىندىك بەرەتىندىگىن دالەلدەگەن جانە بۇكىل الەمگە تانىلىپ وتىرعان باعدارلاماسىن  ىسكە اسىرۋدا.

پەداگوگيكالىق شەبەرلىك ورتالىعى كەمبريدج ۋنيۆەرسيتەتىنىڭ ءبىلىم بەرۋ فاكۋلتەتىمەن بىرلەسىپ ازىرلەگەن قازاقستان رەسپۋبليكاسىنىڭ پەداگوگ قىزمەتكەرلەرىنىڭ بىلىكتىلىگىن ارتتىرۋ كۋرستارى باعدارلاماسىنىڭ نەگىزگى ماقساتى بىرىنشىدەن- ماڭىزدى بولىپ تابىلاتىن رۋحاني، مادەني جانە ادامگەرشىلىك قۇندىلىقتاردىڭ نەگىزىندە جاستاردى ءوز ەلىنىڭ مادەنيەتىن قۇرمەتتەۋگە تاربيەلەۋ، ەكىنشىدەن-جاستاردى جىلدام وزگەرىپ جاتقان الەمدە وزىنە سەنىمدى جانە تابىستى بولۋعا مۇمكىندىك بەرەتىن داعدىلارى مەن تۇسىنىكتەرىن دامىتۋعا، ومىرلىك جاعدايلاردا ءوز بىلىمدەرىن قولدانۋعا ىقپالىن تيگىزەتىن سىني تۇرعىدان ويلاۋعا ۇيرەتۋدى قامتيدى.    ءبىلىم بەرۋ سالاسىندا جۇرگىزىلگەن الەمدىك زەرتتەۋلەردىڭ ناتيجەلەرى ءتيىستى كاسىپتىك قاسيەتتەرگە يە، وقىتۋ جانە وقۋ ۇدەرىستەرىنىڭ قاجەتتى داعدىلارى مەن تەرەڭ تۇسىنىكتەرىن يگەرگەن مۇعالىمدەر جاستاردىڭ ءبىلىمىن ساپالىق تۇرعىدان وزگەرتە الاتىنىن  كورسەتىپ وتىر. سوندىقتان دا العا قويىلعان ماقساتتاردى ىسكە اسىرۋدا مۇعالىمنىڭ الاتىن ورنى ەرەكشە ەكەنىنە ەشكىمنىڭ تالاسى بولماس. ۇستاز ءۇشىن شاكىرتتىڭ ءبىلىم الەمىندە قۇلاشىن كەڭگە جايىپ، ەلىنىڭ ابىرويلى ازاماتى بولعانىنان ارتىق باقىت جوق.ەندى وسى قازاق ەلىنىڭ جاڭا فورماتتاعى مۇعالىمى قانداي بولۋى كەرەك. جاڭا فورماتتاعى مۇعالىمدەر وقۋشىلاردىڭ بويىنا ءوز بەتىمەن ءبىلىم الۋ، ءوزىن-ءوزى رەتتەۋ داعدىلارىن قالىپتاستىرۋعا، ءتۇرلى ادامدارمەن ءتيىمدى ديالوگ جۇرگىزە الاتىن، قازىرگى زامانعا تابىستى ءومىر سۇرۋگە دايىن، ساندىق تەحنولوگيالاردا قۇزىرلىلىق تانىتاتىن بەلسەندى ازامات، بولاشاق مامان رەتىندە قالىپتاسۋعا كومەكتەسەتىن وقۋ ۇدەرىسىن ۇيىمداستىرۋ ءۇشىن قاجەتتى بىلىممەن جانە پراكتيكالىق دايىندىقپەن قامتاماسىز ەتۋى قاجەت.

     جۇمىس ءوتىلىم 30 جىل بولسا دا، ەسكىشە  كوزقاراستان الشاقتاپ، جۇمىستى جاڭاشا، قاجىرلى ەڭبەك ەتۋ ماقساتىندا مەن ءوزىم وسى كۋرستىڭ تىڭداۋشىسىنا اينالدىم.الەمدەگى بارلىق ادامداردىڭ ىشىنەن – مۇعالىمدەر عانا ءۇزىلىسسىز وقۋدىڭ باعاسىن تۇسىنەدى. وقۋ ءبىر جەردە تۇرمايتىنىن، وزگەرىستىڭ بولماۋى ءوسۋدىڭ توقتاعانىن بىلدىرەتىنىن تۇسىنگەندىكتەن مەنىڭ وزگەرۋىمە تۋرا كەلدى.

مەن ء بىلىم العاندى، ءبىلىم بەرگەندى جاقسى كورەمىن، بالالاردى سۇيەمىن جانە ولار مىنا جىلدام وزگەرەتىن الەمدە باعىت بەرىپ وتىراتىن مەنى قاجەت ەتەتىندىگىن بىلەمىن، ونى ىستەۋ ءۇشىن مەن الدىمەن ءوز جولىمدى تابۋىم قاجەت. وسى ماقساتتا كۋرسقا كەلگەنىمدە مەنىڭ بويىمدى بيلەگەن قورقىنىش پەن ۇرەي  بولدى.وقۋعا كەلگەننەن كەيىن دە وسى كۋرسقا نەگە كەلدىم، ءتىپتى زەينەتكەرلىك جاسقا كەلىپ قالدىم عوي دەگەن ويدا مەنى مازالاي بەردى.بىراق مەنى ءوزىمنىڭ قىزىمداي  جاس، جان-جاقتى بىلىممەن قارۋلانعان، پراكتيكاسى مول ەڭبەكقور راۋان باقىتقىزى جىلى شىرايمەن، كۇلىمدەپ  قارسى الدى.العاشقى تانىسۋ ساتتەن باستاپ، ىنتىماقتاستىق اتموسفەراسى جوعارى، جاقسى ورتاعا كەلگەنىمدى، ءبىلىمدى ترەنەرگە تاپ بولعانىمدى ءبىلىپ، كوڭىلىم ورنىنا ءتۇسىپ، وقۋعا دەگەن قۇلشىنىسىم كۇن وتكەن سايىن ارتا ءتۇستى. شىنىنا كەلسە، بۇعان دەيىن دايىن ءبىلىم بەرۋگە نەگىزدەلگەن ء«داستۇرلى» ءادىس ارقىلى الىنعان ءبىلىم تاقىرىپتى وقىتۋ اياقتالعان سوڭ نەمەسە ەمتيحان بىتكەن سوڭ كەرەكسىز بولىپ قالادى جانە وقۋشى ومىردە پايدالانا المايدى.

      ال بۇل باعدارلامانى وقىعان كەزەڭدەرىندە وقۋ ءۇردىسى قالاي جۇرەتىنى جانە ساپالى وقىتۋ دەگەنىمىز نە ەكەندىگى تۋرالى ماتەريالداردى زەردەلەپ، بارلىق  وقۋشىلاردى  ءتيىمدى تاسىلدەرمەن ساباققا تارتۋ، ءوزارا باعالاۋ جانە ءوزىن-ءوزى باعالاۋ داعدىلارىن قالىپتاستىرۋ بالالار قالاي وقيدى، نەنى وقىتۋ كەرەك ەكەنىن ءتۇسىندىم.

باعدارلامانىڭ نەگىزىن قۇرايتىن جەتى ءمودۋلدى، وقۋشىلاردىڭ تاقىرىپتى وزىنە وڭتايلى بىرەگەي تاسىلدەرمەن مەڭگەرەتىندىگىن جەتە ءتۇسىنۋ-مۇعالىم قىزمەتىندەگى ماڭىزدى دۇنيە.

وقۋشىنىڭ ءتۇسىنۋ دەڭگەيىن انىقتاپ، ونىڭ تۇسىنىگىن تولىقتىرۋعا نەمەسە قايتا قۇرۋعا كومەكتەسۋ مۇعالىمنىڭ مىندەتى ەكەنىن راۋان باقىتقىزى اشىپ ءتۇسىندىرىپ وتىردى.

راۋان باقىتقىزىنىڭ ۋاقىتپەن ساناسپاي، ارقايسىمىزعا قاراپايىم، كۇندەلىكتى ومىرمەن، مەكتەپپەن بايلانىستى تۇسىندىرمەسى نەمەسە بەينەروليكتەرمەن كورسەتكەن كورىنىستەر، بىرلەسىپ وتكىزگەن پىكىرتالاستار،جاس ەرەكشەلىكتەرىنە قاراي وقىتۋ نەمەسە تالانتتى جانە دارىندى وقۋشىلاردىڭ ءبىلىم الۋىن ارتتىرۋ ماقساتىندا جاڭا تەحنولوگيانى پايدالانۋ ارقىلى كەرەك ماتەريالداردى  ينتەرنەتتەن الۋ جولدارىن ۇيرەتكەنى سانامىزدا قالدى. قازاق ەلىنىڭ جاڭا فورماتتاعى مۇعالىمى مىنە وسىنداي جاندار بولۋى كەرەك. جاسىم كەلىپ، زەينەتكەرلىك جاسقا كەلىپ قالسام دا وسىنداي جاننان ءدارىس العانىما وتە ريزامىن.

مۇعالىم قىزمەتىندەگى ماڭىزدى دۇنيە-جەكەلەگەن وقۋشىلاردىڭ تاقىرىپتى قابىلداۋ ەرەكشەلىكتەرىن، وقۋشىلاردىڭ تۇسىنىگىن جەتىلدىرۋ نەمەسە جاقسارتۋ ماقساتىندا ولارمەن جۇمىس جۇرگىزۋ قاجەتتىگىن ۇعىنۋى، سونداي-اق كەيبىر وقۋشىلاردىڭ تاقىرىپتى وزىنە وڭتايلى بىرەگەي تاسىلدەرمەن مەڭگەرەتىندىگىن جەتە ءتۇسىنۋى.                              

 ەلباسىمىزدىڭ «ماڭگىلىك ەلگە» باستايتىن ەڭ ابىرويلى، ەڭ مارتەبەلى جولىندا ءبىلىمدى شاكىرت دايىنداۋدان شارشامايىق. قازاق ەلىنىڭ جاڭا فورماتتى مۇعالىمىن دايىنداۋدا  جاڭا ۇلگىدەگى ءبىلىم بەرىپ، ومىرگە وڭ كوز-قاراستارىن قالىپتاستىرۋدا جول كورسەتىپ وتىراتىن راۋان باقىتقىزىنداي ءبىلىمدى دە، بىلىكتى ترەنەرلەرىمىز كوپ بولسىن. الەمنىڭ وزىق ەلدەرى اراسىندا قازاقستاننىڭ ءبىلىمدى جاستارىنىڭ ورنى ەرەكشە بولىپ شارىقتاي بەرسىن.

ق.ب.قانسۇلتانوۆا.                           

بۇلدىرتى جالپى ءبىلىم بەرەتىن ورتا مەكتەبىنىڭ         

فيزيكا ءپانى مۇعالىمى.                                               

باتىس قازاقستان وبلىسى، سىرىم اۋدانى، بۇلدىرتى اۋىلى.

Abai.kz