31 ناۋرىز كۇنى قاراعاندا وبلىسى، كوكپەكتى اۋلىنىڭ ماڭىنداعى سۋ قويماسىنىڭ جارىلىپ، 400 ادام باسقا كوشىرىلگەن. سۋ تاسقىنى سالدارىنان 5 ادام وپات بولعان ەدى. بۇگىن توتەنشە جاعدايلار ءمينيسترى ۆ.بوجكو وپات بولعان ادامداردىڭ اتى-ءجونىن جاريا ەتتى.

ولار:

نوعاەۆ - 1924 جىلى تۋعان

نوعاەۆا – 1962 جىلى تۋعان

ناگيبينا – 1926 جىلى تۋعان

روماشەنكو – 1942 جىلى تۋعان

سكيبيتسكي  - 1979 تۋعان

وپات بولعان ادامداردىڭ وتباسىنا كومەك رەتىندە 1 ميلليون تەڭگە بەرىلەدى.

ءمينيستردىڭ مالىمەتىنشە، 149 ءۇيدى سۋ الىپ كەتكەن. 15 ءۇي جارتىلاي بۇزىلعان.

سونداي-اق، 26 ادامعا مەديتسينالىق كومەك كورسەتىلىپ، 6 ادام اۋرۋحاناعا جاتقىزىلعان.  كوكپەكتى سۋ قويماسى 1951 جىلى قولدانىسقا بەرىلگەن. «اگروفيرما شانىراق» جشس-نە قاراستى سۋ بوگەتىنىڭ جىلپى سىيىمدىلىعى - 1,5 ميلليون.

ۆ.بوجكا كۇن جىلىنىپ، قالىڭ تۇسكەن قاردىڭ ەرۋىنە بايلانىستى اقمولا جانە قاراعاندى وبلىستارىنداعى جاعداي الاڭداتاتىپ وتىرعانىن دا  ايتادى.

اباي-اقپارات