ەلىمىزدىڭ وپپوزيتسيالىق ساياساتكەرى التىنبەك سارسەنباەۆتىڭ قاستاندىقپەن ولتىرىلۋىنە بايلانىستى جاقىن ۋاقىتتا راحات اليەۆتى اۆستريا پروكۋرورلارى تەرگەمەك. بۇل تۋرالى وسى ەلدىڭ قۇقىق قورعاۋ ورگاندارى حابارلاعان.

ەستەرىڭىزگە سالا كەتەيىك، راحات اليەۆكە «نۇربانك» توپ-مەنەدجەرلەرىنىڭ ولىمىنە قاتىستى سىرتتاي ايىپتار تاعىلعان-دى. جولداس تەمىراليەۆتىڭ، ايبار حاسەنوۆتىڭ ءولىمى اليەۆتىڭ قولىمەن جاسالعانى انىقتالىپ، قازاقستان تارپى 2008 جىلى اليەۆتى سىرتتاي 40 جىلعا سوتتاعان بولاتىن.

مەملەكەت جانە قوعام قايراتكەرى، ساياساتكەر التىنبەك سارسەنبايۇلى،  ونىڭ وققاعارى مەن جۇرگىزۋشىسى 2006 جىلى  13 اقپاندا الماتى ماڭىندا قاستاندىقپەن ءولتىرىلدى.  بۇل قىلمىسقا بۇعان دەيىن ەرجان وتەمباەۆ ايىپتى سانالىپ، 20 جىلعا سوتتالعان. رۋستام يبراگيموۆ تاپسىرىسپەن كىسى ءولتىرۋ ايىبى بويىنشا ومىرلىك قاماۋعا كەسىلگەن ەدى. 2013 جىلدىڭ سوڭىندا قازاقستان باس پروكۋراتۋراسى يبراگيموۆتىڭ جاڭا تۇسىنىكتەمەسىنە بايلانىستى سارسەنباەۆ ىسىنە ايىپتىلار قاتارىنا اليەۆتى دە قوسىپ، جاڭادان ءىس قوزعادى. 

پرەزيدەنتتىڭ قىزى داريعا نازارباەۆانىڭ بۇرىنعى كۇيەۋى راحات اليەۆ بيىل،  6 ماۋسىمدا ۆەنادا تۇتقىندالدى. قازىرگى تاڭدا قاماۋدا وتىر.

Abai.kz