كۇدىكتى «ەرلىگى ءۇشىن» ماراپاتتالدى

ۋكراينا پرەزيدەنتى پەتر پوروشەنكو رەسەيدىڭ مەملەكەتتىك ارنالارىنىڭ بىرىندە قىزمەت ىستەگەن جۋرناليستەردىڭ ولىمىنە قاتىسى بار دەپ ايىپتالعان ۇشقىش –  نادەجدا ساۆچەنكونى ءىىى دارەجەلى «ەرلىگى ءۇشىن» وردەنىمەن ماراپاتتادى. ساۆچەنكو قازىر رف-نىڭ ۆورونەج قالاسىنداعى ۋاقىتشا تەرگەۋ يزولياتورىندا قاماۋدا.

وسىدان از ۋاقىت بۇرىن ۋكراينانىڭ جوعارى راداسى ساۆچەنكونى باتىر اتاعىنا ۇسىنعان بولاتىن. الايدا، ۇشقىش قىزدىڭ «ەرلىگى ءۇشىن» وردەنى باتىر داڭقىنان كەم تۇسپەيتىن سەكىلدى. ويتكەنى ول پرەزيدەنت تاراپىنان «مەملەكەتتىڭ تاۋەلسىزدىگى مەن تەرريتوريالىق تۇتاستىعىن قورعاۋ بارىسىنداعى جەكە ەرلىگى مەن قاھارماندىعى ءۇشىن جانە اسكەري انتىنا ادالدىعى ءام ءوز قىزمەتىن جوعارى كاسىبي دارەجەدە اتقارعانى ءۇشىن» ەرلىك وردەنىن ەگەلەنگەن كورىنەدى.

نادەجدا ساۆچەنكو 9 شىلدە كۇنى رەسەيگە بوسقىن كەيىپىنە ەنىپ ءوتىپ بارا جاتقان كەزىندە تۇتقىندالعان. وعان ورىس جۋرناليستەرى يگور كورنەليۋك پەن انتون ءۆولوشيندى لۋگانسك قالاسىندا ءولتىردى دەگەن ايىپ تاعىلۋدا. رەسەيدىڭ تەرگەۋ ورىندارى مۇنىمەن قوسا ساۆچەنكوعا استىرتىن حابار تاراتۋشى ءرولىن وينادى دەگەن كۇدىك تاڭىپ وتىر.    

Abai.kz