«قازمۇنايگاز» بارلاۋ ءوندىرۋ» اق (بۇدان بىلاي – «قمگ ءبو»، «كومپانيا) روجكوۆسكوە كەن ورنىندا  تاس-كومىر كەزەڭىندەگى باشقۇرت شوگىندىسىندە جاڭا مۇناي شوعىرىنىڭ تابىلعانىن جاريالايدى. ناقتىلاپ ايتقاندا، 2013 جىلى كەن ورنىنىڭ  سولتۇستىك-شىعىس بولىگىندە ورنالاسقان U-24 ۇڭعىماسىندا باشقۇرت شوگىندىلەرىنىڭ قاباتتارىن سىناۋ كەزىندە  ماكسيمالدى دەبيتى تاۋلىگىنە 1,9 مىڭ  مبب بولاتىن جەڭىل، سۋسىز مۇناي جانە تاۋلىگىنە 6 ملن. تەكشە فۋت بولاتىن گازدىڭ وندىرىستىك اعىمى الىندى، بۇل شتۋتسەردە 24/64 (9,5 مم) تەڭ. وسىعان دەيىن بۇل تەلىمدەگى بارلاۋ جۇمىستارى بوبريك جانە تۋرنەي قاباتىنان كومىرسۋتەك ىزدەۋگە باعىتتالعان. سول سەبەپتى، Miller and Lents, LTD كومپانياسى 2013 جىلدىڭ سوڭىنداعى جاعداي بويىنشا قوعامنىڭ شيكىزات قورلارىن باعالاعاندا جاڭا شوعىرداعى قورلار ەسەپكە الىنباعان.

 وسىلايشا، باشقۇرت شوگىندىلەرىندەگى جاڭا شوعىردان شيكىزات اتقىلاۋىنا بايلانىستى، روجكوۆسكوە كەن ورنىنىڭ قورلارى ءوسۋى مۇمكىن. قورلاردىڭ قانشالىقتى ارتاتىنى كەلەشەكتەگى گەولوگيالىق-بارلاۋ جۇمىستارىنىڭ ناتيجەسى بويىنشا ايقىندالادى.

قمگ ءبو باس ديرەكتورى ابات نۇرسەيىتوۆ: «فەدوروۆسكي بلوگىنداعى باشقۇرت شوگىندىلەرىندە جاڭا مۇناي شوعىرىنىڭ تابىلۋى بۇل اكتيۆتىڭ جوعارعى پوتەنتسيالىن دالەلدەيدى. بۇل جاڭالىق كومپانيانىڭ قورلارىن تولتىرۋعا جانە ارتتىرۋعا باعىتتالعان قمگ ءبو گەولوگيالىق-بارلاۋ جۇمىستارى جوسپارىنىڭ بىرتىندەپ ىسكە اسىرىلىپ جاتقانىنىڭ دالەلى»،-دەپ مالىمدەدى.  

اباي-اقپارات