"اقش تاياۋ كۇندەرى ۋكرايناعا ناتو-عا مۇشە ەمەس، ارتىقشىلىقتى سەرىكتەس مارتەبەسىن بەرۋى مۇمكىن" دەپ حابارلايدى Tengrinews.kz 

 بۇل تۋرالى ۋقق سىرتقى بارلاۋ باسقاراماسىنىڭ بۇرىنعى باسشىسى نيكولاي مالومۋجا مالىمدەگەن. "قازىر ءبىز بارلىق وپەراتسيالاردى جۇرگىزىپ جاتقان كەزدە، ول كومەك كەلە باستايدى، ونىڭ ىشىندە اسكەري كومەك تە. ول كىشكەنە كەشتەۋ كەلەدى" دەيدى ول. ۆاشينگتونداعى دەرەك كوزىنە سىلتەمە جاساعان مالومۋجا "اقش سەناتى مەن كونگرەسى بۇل شەشىمدى قولداپ وتىر، ەندى تاياۋ كۇندەرى شەشىم قابىلداناتىن بولادى" دەپ اتاپ ءوتتى.

بۇل مارتەبە ۋكرايناعا اسكەري قارۋ-جاراق پەن قورعانىس كەشەندەرىن ساتىپ الۋعا جانە جالعا الۋ ءۇشىن اقش-تان كەڭەيتىلگەن قارجىلاي كومەك الۋعا مۇمكىندىك بەرەدى. ودان وزگە ۋكراينا اقش قورعانىس جۇيەسىن ساتىپ الۋ تۋرالى باز ءبىر كەلىسىمدەرگە قاتىسۋ قۇقىعىنا يە بولادى. مالومۋجانىڭ سوزىنە قاراعاندا، قازىرگى ۋاقىتتا ناتو-عا مۇشە ەمەس، ارتىقشىلىقتى سەرىكتەس مارتەبەسىنە 15 ەل يە. ولاردىڭ قاتارىندا اۋعانستان، ارگەنتينا، وڭتۇستىك كورەيا، تايلاند، اۆستراليا، اۆستريا جانە جاپونيا ەلدەرى بار

Aباي-اقپارات