تۇركى اكادەمياسىنىڭ توراعاسى دارحان قىدىرالى ەۋرازيادا الپاۋىت مەملەكەتتەر قۇرعان تۇركىلەردىڭ تاريحىنىڭ ولقى جازىلعانىن ايتىپ، ءازىربايجان، قازاقستان، قىرعىزستان جانە تۇركياداعى ماڭىزدى تاريحشىلاردىڭ تۇركى اكادەمياسى شاڭىراعى استىندا ورتاق تۇركى تاريحىن جازاتىندارىن ءبىلدىردى. قىدىرالى ءازىربايجان، قازاقستان، قىرعىزستان جانە تۇركيا بىرلەسىپ 2012 جىلى بىشكەك قالاسىندا قول قويعان تۇركى اكادەمياسىنىڭ قۇرىلۋى جونىندەگى كەلىسىمنىڭ مۇشە ەلدەردىڭ پارلامەنتتەرىندە ماقۇلدانعانىن حابارلادى. تۇركى اكادەمياسىنىڭ جاقىن ارادا حالىقارالىق مارتەبە الاتىنىن دا اتاپ كورسەتكەن توراعا بودرۋم سامميتىندە قازاقستان پرەزيدەنتى نۇرسۇلتان نازارباەۆتىڭ ۇسىنىسىمەن اكادەميادا تۇركى الەمىنىڭ ىقپالداستىق باعدارلاماسى دايىندىقتارىنىڭ باستالىپ كەتكەنىن ايتتى. بيىلعى جىلدىڭ اياعىنا دەيىن حالىقارالىق مارتەبە الۋ ۇدەرىسى اياقتالادى دەپ كۇتىلىپ وتىر. ارتىنان مۇشە ەلدەردىڭ توراعا ورىنباسارلارى تاعايىندالادى. وسىلايشا تۇركى الەمىنىڭ ينتەگراتسياسىندا ديناميكالىق ءبىر ۇدەرىس باستالادى. تۇركى الەمىنە بايلانىستى بۇگىنگە دەيىن جۇرگىزىلگەن عىلىمي جۇمىستاردىڭ جالپى ءتىل تاقىرىبىمەن شەكتەۋلى قالعانىن نازار اۋدارعان قىدىرالى مۇنىڭ دا ورتاق تاريح زەرتتەۋلەرىنىڭ كەنجە قالۋىنا جول اشقانىن ايتتى. قىدىرالى «ەۋرازيادا الپاۋىت مەملەكەتتەر قۇرعان تۇرىكتەردىڭ تاريحي ولقى جازىلدى. ەندى ءازىربايجان، قازاقستان، قىرعىزستان جانە تۇركيانىڭ ماڭىزدى تاريحشىلارى تۇركى اكادەمياسى شاڭىراعى استىندا ورتاق تۇركى تاريحىن جازادى» دەدى. اكادەميادا تۇركى الەمى جونىندەگى تاريح، ارحەولوگيا، ەتنوگرافيالىق ەڭبەكتەرمەن قوسا جوعالۋعا بەت العان تۇركى ديالەكتىلەرىنىڭ ساقتالۋى جانە تۇركى تىلىنە جاڭادان قوسىلعان سوزدەردىڭ قولدانىلۋىندا ورتاق كوميتەتتەردىڭ بەلسەندى تۇردە جۇمىس ىستەۋى كوزدەلىپ وتىر. تۇركى الەمىنىڭ مادەني قۇندىلىقتارى جانە وركەنيەتتەرىنە بايلانىستى ەڭبەكتەر مەن الەۋمەتتىك-ەكونوميكالىق ۇدەرىستەردى باقىلايتىن زەرتتەۋ توپتارى دا قۇرىلادى. وسى عىلىمي جۇمىستاردىڭ بارلىعى «Global Turk» اتتى جۋرنالدا جاريالانىپ وتىرادى.

دەرەككوزى: http://www.trt.net.tr