بۇگىن قازاقستان رەسپۋبليكاسى جوعارعى سوتىنىڭ توراعاسى قايرات ءمامي باق باسشىلارىمەن جانە قىزمەتكەرلەرىمەن، سونداي-اق سوتتاردىڭ ءباسپاسوز قىزمەتىنىڭ ماماندارىمەن كەزدەستى. اتالعان ءىس-شارا ولاردىڭ كاسىبي مەرەكەسى – بايلانىس جانە اقپارات قىزمەتكەرلەرى كۇنى قارساڭىندا ۇيىمداستىرىلدى.

         «اتالعان مەرەكە قازاقستان قوعامى ءۇشىن ارقاشان زور ماڭىزعا يە. بۇل كۇندەرى رەسپۋبليكامىزدا ءتۇرلى سالتاناتتى جانە مەرەكەلىك ءىس-شارالار وتكىزىلۋدە. مۇنداي ىقىلاس بۇقارالىق اقپارات قۇرالدارىنىڭ قازىرگى قازاقستان قوعامىنىڭ ومىرىندە الار ايرىقشا ءرولىن ايقىنداۋمەن قاتار، ولاردىڭ زور سۇرانىس پەن قۇرمەتكە يە ەكەندىگىن دالەلدەيدى»، - دەدى قايرات ءمامي.

جوعارعى سوت توراعاسى 2013 جىلعى قاراشادا وتكەن سۋديالاردىڭ التىنشى سەزىندە بەرگەن مەملەكەت باسشىسىنىڭ تاپسىرمالارىن ىسكە اسىرۋ ماقساتىندا سوت جۇيەسىن جاڭعىرتۋ باعىتىندا اتقارىلىپ جاتقان جۇمىستار تۋرالى باياندادى. وسى رەتتە ول قىلمىستىق، اكىمشىلىك جانە ازاماتتىق-قۇقىقتىق سالالارداعى زاڭنامانى جەتىلدىرۋ جۇمىستارىنىڭ اياقتالۋعا جاقىن قالعاندىعىنا ايرىقشا توقتالدى. سوت جۇيەسىنىڭ تاۋەلسىزدىگى يندەكسىن ارتتىرۋ جونىندەگى جول كارتاسى ازىرلەندى. سوت جۇيەسىنىڭ ءوز ىشىندە سۋديالارعا نەگىزسىز ىقپال ەتۋدى جويۋعا مۇمكىندىك بەرەتىن سوت قىزمەتىنە مونيتورينگ جۇرگىزۋدىڭ جاڭا ادىستەمەسى قابىلداندى. ەلەكتروندى سوت ءىسىن جۇرگىزۋ جاپپاي قارقىندى دامۋدا. حالىق ءۇشىن سوت تورەلىگىنىڭ اشىقتىعى مەن قولجەتىمدىلىگىن ارتتىرۋ ماقساتىندا سوت جۇيەسىن اقپاراتتاندىرۋ تۇجىرىمداماسى ازىرلەندى. سوتقا دەيىنگى مەدياتسيا جانە داۋلاردى شەشۋدىڭ (ارالىق سوتتار) بالامالى جولدارى تاجىريبەگە كەڭىنەن ەنگىزىلۋدە.

بۇقارالىق اقپارات قۇرالدارىمەن ءوزارا بايلانىس دەڭگەيىن ودان ءارى ارتتىرۋ – سوت جۇيەسىنىڭ الداعى كەزەڭدەگى دامۋىنىڭ نەگىزگى باسىمدىقتارىنىڭ ءبىرى.

بۇقارالىق اقپارات قۇرالدارىنىڭ قوعام ومىرىندەگى الاتىن ماڭىزدىلىعىن ايتا كەلە، قايرات ءمامي كەزدەسۋگە قاتىسۋشىلارعا سوت بيلىگىنىڭ ءيميدجىن نىعايتۋعا قوسقان ۇلەستەرى جانە كورسەتكەن اقپاراتتىق قولداۋى ءۇشىن العىس ءبىلدىرىپ، ولارعا قۇرمەت گراموتالارى مەن ەستەلىك سىيلىقتار تابىستادى.

اباي-اقپارات