28 مامىر كۇنى الماتى وبلىسى، قاراساي اۋدانىنا قاراستى ىرگەلى اۋىلدىق وكرۋگىنىڭ كەمەرتوعان ەلدى-مەكەنىندەگى جەر داۋى ماسەلەسى بويىنشا تۇرعىنداردىڭ الماتى وبلىسى اكىمى اڭسار مۇساحانوۆقا جازعان اشىق حاتىن جاريا ەتكەن ەدىك. ال، بۇگىن رەداكتسيامىزدىڭ پوشتاسىنا الماتى وبلىسى اكىمىنىڭ ورىنباسارى ت.دوسىمبەكوۆتەن تۇرعىندار تاراپىنان جازىلعان جايعا بايلانىستى تۇسىندىرمە حات كەلىپ ءتۇستى.

حاتتىڭ تولىق نۇسقاسىن تومەندە جاريالاپ وتىرمىز.

ەسكەرتە كەتەتىن ءبىر جايت، وبلىس اكىمى ورىنباسارىنىڭ اتىنان جولدانعان حاتتا تۇرعىندار شارۋاشىلىق جۇرگىزۋ نىسانىنداعى جەرگە ءۇيدى زاڭسىز سالعانى ءارى قازىرگى ۋاقىتتا قالا سىرتىنا قاراي ۇزارتىلىپ جاتقان رىسقۇلوۆ، سايىن، اباي كوشەلەرى جانە ۇلكەن الماتى اينالما جولدارى سالىناتى تۋرالى ايتىلادى. الايدا، كەمەرتوعان اۋىلى تۇرعىندارىنىڭ اشىق حاتىندا: «بۇل جولدار بولاشاقتا قالادان كەلىپ وتەتىن رىسقۇلوۆ، اقىن سارا كوشەلەرىنە، اينالما جولدارعا ەشقانداي قاتىسى جوق» دەلىنگەن ەدى. سوندا جەر داۋىنا تۇرتكى بولىپ وتىرعان قانداي جول؟ رىسقۇلوۆ، ۇلكەن الماتى اينالما جولى سياقتى ءىرى جولدار ما الدە اۋىل ىشىنە تۇسەتىن كىشى جولدار ماسەلەسى مە؟

وسى ماسەلەگە قاتىستى abai.kz اقپاراتتىق پورتالىنىڭ ءتىلشىسى جۋرناليستتىك زەرتتەۋ جۇرگىزىپ جاتىر. ماتەريال الداعى ۋاقىتتا جارىق كورەتىن بولادى.

Abai.kz