ابايدىڭ اكەسى قۇنانبايدىڭ ءومىر جولىن باياندايتىن جاڭا «قۇنانبي» كوركەم ءفيلمى وسى جىلى شىعىس قازاقستان وبلىسى اباي اۋدانىندا تۇسىرىلمەك. Inform.kz-ءتىڭ جازۋىنشا، بۇل تۋرالى  بۇگىن ءباسپاسوز ءماسليحاتىندا سەمەي قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىسى بەرىك كوپباەۆ حابارلادى. «1 شىلدەدەن باستاپ قازاقستانعا بەلگىلى اكتەر، پروديۋسەر جانە رەجيسسەر دوسحان جولجاقسىنوۆ ءفيلمدى ءتۇسىرۋ جۇمىستارىن باستايدى»، – دەدى بەرىك كوپباەۆ. ونىڭ ايتۋىنشا، قازىر وبلىستا كوپتەگەن بولىمشەلەر ءتۇسىرىلىم باستاۋعا دايىندىق جۇرگىزۋدە.

ەسكە سالا كەتەيىك، شىعىس قازاقستان وبلىسىنىڭ كۇرشىم اۋدانىنىڭ تۋماسى دوسحان جولجاقسىنوۆ اكتەر رەتىندە 20-دان استام كينوعا ءتۇستى، ەكى كارتينانىڭ پروديۋسەرى بولدى. 2009 جىلى ەكرانعا ونىڭ ء«بىرجان سال» ءفيلمى شىعىپ، قالىڭ جۇرتتىڭ ىقىلاسىنا بولەندى.

اباي-اقپارات