ۋكرايناداعى پرەزيدەنتتىك سايلاۋدا جەڭىسكە جەتكەن پەتر پوروشەنكونى ۇلىقتاۋ ءراسىمى 7 ماۋسىمدا وتەدى، - دەپ حابارلايدى تengrinews.kz. 25 مامىردا وتكەن ۋكرايناداعى پرەزيدەنت سايلاۋى ناتيجەسى بويىنشا ميللياردەر پوروشەنكو 54,7 پايىز داۋىس جيناپ، ۋكراينانىڭ جاڭا پرەزيدەنتى بولعان ەدى.  

پەتر پوروشەنكو بۇدان بۇرىن پارلامەنت دەپۋتاتى، ەنەرگەتيكا ءمينيسترى سياقتى قىزمەتتەر اتقارعان. سونداي-اق ول ۋكراينانىڭ ءىرى وليگارحتارىنىڭ وندىعى تىزىمىندە. سايلاۋدىڭ العاشقى ناتيجەلەرىنەن-اق العا شىققان پورەشەنكو سايلاۋ بىتەر-بىتپەستەن ءباسپاسوز كونفەرەنتسياسىن وتكىزگەن ەدى. العاشقى ءىسى ەلدىڭ شىعىسىنداعى جاعدايدى تۇراقتاندىرۋ بولاتىنىن ايتقان ول، قىرىمدى رەسەيدىڭ بولىگى رەتىندە مويىندامايتىنىن ايتقان بولاتىن. سونداي-اق ول ەۋرووداقپەن بايلانىستى نىعايتپاق. سايلاۋدان سوڭ قۇتتىقتاۋ بىلدىرگەن پولشا پرەزيدەنتى برونيسلاۆ كوموروۆسكي  ماۋسىم ايىنىڭ 3-4 كۇندەرىندە پەتر پوروشەنكونى ۋكراينا پرەزيدەنتى رەتىندە ەلگە رەسمي ساپارمەن كەلۋگە شاقىرعان بولاتىن. بۇل پورەشەنكونىڭ العاشقى رەسمي ءىس ساپارى بولماق.

اباي-اقپارات